Ndumba 32:1 - Bible azumeina

¹ Andjafâ hi Ruben-na kandjafâ hi Gad-na a ki d’uwarâ ablaud’a heî. A wala ambas sa Jazer-ra ki d’a Galät-ta nambas sa djivid’a yam d’uwarâ.

Ndumba 32:1 Iomraidhean Croise

Ad’u Tinda 13:2

Abram ni sama bege d’a heîna; mi nga ki d’uwarâ, bege d’a hapa ki lora mi.

Ad’u Tinda 13:5

Lot ma i ki Abram-ma, mi nga kaho’â, amuzleina ki zlub’ud’a mi.

Ad’u Tinda 29:32

Lea ti ve wirâ, ti vut gor mandjufâ, ti yum ala Ruben, kayam ti dala: Ma didina mi we las manda; ki tchetchemba, ndjuvun mba mi le kanu.

Ad’u Tinda 47:4

Baktarad’a nde yam ambas sa Kanan-nda, hatna nga yam tumiyôna hi ami azungeî mangîna d’i. Kayam ndata, ami mbami á kak yam andaga manga. Ami nga tchenengû, ang hami lovota ami azungeî mangâ kagami yam andaga d’a Gosen-nda.

2 Samuel 24:5

A djak alum ma Jurdê-na, a ve kangâ avo Arower abo ma sutna kur hor ra Gat ta go ki Jazer-ra.

2 Samuel 24:6

A i Galät, gak a mbaza yam mbas sa Het-ta, a i Kades, a i Dan-Jan, a i yam ambas sa gen Sidon-nda.

1 Sunda Hamuleinid’a 4:41

Kur atchogoid’a hi Ezekiyas amul ma Juda-nid’a, suma nglo suma avok suma a b’irizi simiyêzi wana, a mba yam andaga ndata, a b’lak zlub’u d’a kaka ki yima kaka handjaf suma hi Ham-mina woyo, a dap suma tchid’a mi. Sum ndazina, sa fazi nga yazi d’uo gak ini. Azi ar tazi a kak blangâziya, kayam hatna mi nga kua yam d’uwar mazina.

Buzuk ka Abud’a 12:38

Andjaf suma ablaud’a teteng a i ki sed’eziya, d’uwar ma gureina ki ma nglona ablaud’a mi.

Jeremi 22:6

Ma didina mi de yam azì ma amul ma Juda-na ala: Ang iran ni d’igi ambas sa Galät-ta na, d’oze d’igi yam ahina d’a ked’iwureng nga Liban-nda na. Wani gagazi, an mba ni mbud’ungî d’igi hur fulâ, d’oze d’igi azì ma ngol ma bei sa mi kak kua ba na na.

Jeremi 48:32

Ndak guguzlu d’a Sipma-d’a, tchi ma an nga ni tchim ka’â mi kal tchi ma an tchim yam azì ma Jazer-rîna. Abok mi kal lei yam apo d’a Matna, gak i mi dabi avun alum ma ngol ma Jazer-râ. Ma b’lak yina mi nde yam vud’agu ma’â, yam vut guguzlu mak ka a dud’uta mi.

Jeremi 50:19

An mba ni hulongî Israel-lâ kur kangâ mazina. Azi mba te hatna akulo yam ahina d’a Karmel-la ki d’a Basan-nda, a mba hop ki hatna akulo yam ahina d’a Efraim-mba ki d’a Galät-ta mi.

Jeremi 8:22

Na ni kuma ma mbilâ mi nga Galät tuo zu? D’oze dokdorâ mi nga kua d’uo mi zu? Ni kayam me ba, mbilâ hi sum manina nga mi tchil luo ge?

Mise 7:14

Ma didina, ang pol sum mangâ ki totogo manga, azi sumala ni djo mangâ na, ni suma a nga kaka sä woi abagei aduk agu d’a Karmel-la na, ang polozi kur Basan ki Galät d’igi ang polozi adjeu na.

Ndumba 21:32

Moise mi sun á d’u azì ma Jazer-râ; a hle azì máma kazì ma nguyuma, a dik suma Amor suma kuana woyo.

Ndumba 32:2

A i gen Moise ki ma ngat buzuna Elazar ki suma nglo suma avok ablaud’ina, a dazi ala:

Ndumba 32:26

Gromina kamiyômina, d’uwar mami ma gureina ki ma nglona a mba kak ka hî kur azì ma Galät-na.

Ndumba 32:3

Ambas sa Atarot-ta, d’a Dibon-nda, d’a Jazer-ra, d’a Nimra-d’a, d’a Hesbon-nda, d’a Elale-d’a, d’a Sebam-mba, d’a Nebo-d’a ki d’a Beyon-nda

Ndumba 32:35

Atrot-Sofan, Jazer, Jokbeha,

Gat ta a hat á mbàd’id’a 33:21

Mi man andaga d’a djivi d’a kala kayam b’raud’a hamulâ ti nga ngeid’a kua. Nga mi tit avok suma, mi ndak vun d’ingêra hi Ma didinid’a, nga mi tak gat mamba mi Israel-lâ mi.

Josue 13:25

Andaga mazid’a tinï ad’ud’a ni Jazer kazì ma nglo ma Galät-na pet kabo ambasa hi suma Amon-na gak mba Arower ra ngagad’a yam Raba-d’a.

Josue 22:13

Israel-lâ a sun Fines ma ngat buzuna Elazar goroma ata suma hi Ruben-na ki suma hi Gad-na kabo andjafâ hi Manase-na

Josue 22:9

Suma hi Ruben-na azi ki suma hi Gad-na kabo andjafâ hi Manase-na, a tchol Silo yam ambas sa Kanan-nda, a ar b’oziyozi suma Israel-lâ á hulong yam ambas mazi d’a Galät-ta. Nambas sa a hazizi d’igi Ma didina mi he vuna mi Moise na d’a.

1 Jean 2:16

Kayam ahle suma kur duniyad’ina pet ni djib’er ra tchod’a hi hliu tad’id’a ki d’od’oka hi irid’a ki subur ta d’a hawa yaka. Ahle ndazina a tcholï nga nata Abui Alona d’i, wani a tcholî kur duniyad’a ka hî.

Suma ka sariyad’a 5:16

Ni kayam me ba, agi kagagi kä aduk kangâna á hum tchina hi d’uwarîna ge? Gagazi, suma hi Ruben-na a nga huruzi yam zlad’a teteng sä avun toliyon mazid’a!