Ndumba 31:16 - Bible azumeina

¹⁶ Ni azi ba, a ve d’alâ hi Baläm-ma, a tchuk Israel-lâ á le tchod’a avok Ma didina yam zlad’a hi Peyor-ra d’uo zu? Ata yi máma tugud’ei d’a tchod’a ti nde aduk ablaud’a hi Ma didinid’a.

Ndumba 31:16 Iomraidhean Croise

Zla d’a d’ogolâ 23:27

Atcha d’a gaulangâ ni zul la yiyika, atchad’a hi sama dingîd’a ni golong nga mbed’eta.

Ma tchi wala 7:26

An we vama aglar ma mi kal matnina. Natcha d’a hle tat d’igi dauna na d’a, o mata ni d’igi abeid’a na, abot mi ni d’igi ziyo ma djin kahlenina na. Sama mi lAlona tam djivid’ina mba mi prut tei abod’u, wani ma le tchod’a, ndat mba d’i vumu.

Ndumba 24:14

Ki tchetchemba, an nga ni i gen sum mana. Ang mbeya, an ni dang ngei yam vama sum ndazina a mba lum ki sum mangâ kur atchogoi d’a nga d’i mbad’ina.

Ndumba 25:18

Kayam azi mbut tazi magi suma djangûna, a mbud’ugi iragi ki lem mazid’a ki zlad’a hi Kosbi ma ngol ma Madiyan-na goromba wiyezi d’a a tchat kur bur ma tugud’ei d’a tcho d’a tchi matna mi mba yam zlad’a hi Peyor-rina.

Ndumba 31:8

A tchi amulei suma Madiyan-na vahl, nala, Evi, Rekem, Sur, Hur ki Reba, a tchi Baläm ma Beyor goromina ki mbigeu d’a fiyaka mi.

Gat ta a hat á mbàd’id’a 4:3

Agi tagi wagi ahle suma Ma didina mi lazi yam zlad’a halo ma a yum ala Bäl-Peyor-rîd’a. Ma didina Alo magina mi dap suma adigagi suma a kud’or alo ma a yum ala Bäl-Peyor-râ na woyo.

Josue 22:17

Tcho d’a ei lat ki Peyor ra ei mbud’i nga tei yed’et woi kurut tuo gak ini d’a Ma didina mi tum ablaud’a hi Israel-lîd’a ki tugud’ei d’a tcho d’a tchi matna kata, ei golot ni vama yâna irei zu?

2 Pierre 2:15

Azi ar lovot ta d’ingêra woyo, a vit tei á tit bugol Baläm Beyor gorom ma hurum min beged’a yam sun mam mba tchod’ina.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

Vama ndum mbeina 2:14

Wana ni vama an mining nguo kama: Ang nga ki suma a ve hata hi Baläm ma mi hat Balak á tchuk Israel-lâ kur tchod’a á tahle suma a tuwal ki fileinina, á le mizeuna mi.