Ndumba 28:4 - Bible azumeina

⁴ Ang mba he gor timi ma dingâ tu yorogo, ma hîna ki fladege d’a afata i nikid’a mi.

Ndumba 28:4 Iomraidhean Croise

1 Amuleina 18:29

Kid’a afata leng da d’a, azi nga yi Bäl akulo kua, azi tchi ki hur ma hata gak fladege d’a azi hahle suma ngat buzuna kuad’a, wani sa hulongôzi nga zlad’a de tu d’oze vama simat tu d’uo.

1 Amuleina 18:36

Kur ler ra fladege d’a suma a hahle suma ngat buzuna mAlona kuad’a ndaka, ma djok vun Alona Elie mi hut gen yima ngal ahle suma ngat buzuna, mi dala: Ma didina, Alona hi Abraham-ma, Alona hi Isa’â, Alona hi Jakob-ma, ar ang tak Israel-lâ ini ala angî Alo mazina, an nazong mangâ, a wala an lahlena pet ni yam vun mang ma hed’a mi.

1 Sunda Hamuleinid’a 16:40

á hahle suma ngat buzu suma ngala mi Ma didina burâ ki burâ, yorogo ki fladege, yam yima ngal ahle suma ngat buzu suma ngala á ndak vun ahle suma a b’irizi kur gata suma Ma didina mi he vuna kazi mi Israel-lîna.

Sawal la giled’a 141:2

Ar tchen manda ti i akulo avorong d’igi andosâ hi dubang ma his djivid’ina na; abon ma an yom akulo á tchendina, mi i akulo avorong d’igi vama ngat buzu ma fladegena na mi.

Buzuk ka Abud’a 12:6

Agi ngomom gak bur ma dogo yam fid’ina hi til ma wanina, toka hi Israel-lâ pet a ngat ahu ma a manam máma ki fladege d’a afata i nikid’a.

Daniel 9:21

Kid’a an nga ni de zlad’a abon keid’a, an we Gabriel ma an wum avok ata yima vana nde tam mbei irana, mi pirï atogo zak, mi mba geven ki fladege d’a suma a he he d’a hawad’id’a.

Joel 1:13

Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Sunda hi suma hi Levi-nid’a 3:7

Le mi he ni gor timina ni, mi mbam avogon an Ma didina,

Ndumba 28:3

Vama ngat buzu ma ngal ma agi handji mi an Ma didina burâ ki burîna ba wana: Gro tumiyô suma bizazi tutu suma bei dakina mbà, ni he d’a hawa d’a ngal la didinda.

Ndumba 28:5

Ata yi máma ang mba kafut ta adiged’id’a kilona tu ki nusa, mbul ma d’igila hirwilingâ nus lidirâ mi.

Ndumba 9:3

Agi lumî kur bur ma dogo yam fid’ina hi til mamina ki fladege d’a afata i nikid’a d’igi gata ki vun man ma hed’a a de kam na mi.