Ndumba 28:1 - Bible azumeina

¹ Ma didina mi de mi Moise ala:

Ndumba 28:1 Iomraidhean Croise

1 Sunda Hamuleinid’a 23:31

á hahle suma ngat buzu suma ngala pet mi Ma didina kur bur ma sabatna, kur deîd’a hi tilîd’a, kur vun til ma lara ge ma a ngam ma azi nga ge yazi kä ad’um teteuna.

2 Sunda Hamuleinid’a 2:4

Gola! An nga ni min gonga mi Ma didina Alo mana á tinit irat vat á ngal dubang ma his djivid’ina avoromu, á ndjar avungôna avorom teteu, á hahle suma ngat buzu suma ngala yorogo ki fladege burâ ki burâ, kur bur ma sabatna, kur deîd’a hi tilîd’a, kur bur ma vun tilâ hi Ma didina Alo mamina d’igi mi he gat ta didinda mi Israel-lâ na.

2 Sunda Hamuleinid’a 23:18

Jehojada mi he sun nda kur gonga hi Ma didinid’id’a abo suma hi Levi suma ngat buzuna d’igi David mi tinizi adesâ adesâ á hahle suma ngala mi Ma didina ki furîd’a ki sawala, d’igi a b’ir kur gata hi Moise-sa na.

2 Sunda Hamuleinid’a 31:3

Amulâ mi he abo ahle mama mi suma ngat buzuna he d’a hawa d’a ngal la yorogod’a ki d’a fladeged’a, he d’a hawa d’a ngal la bur ma sabatnid’a ki d’a deîd’a hi tilîd’a ki d’a hi vun til ma teteng ma a ngama, d’igi a b’ir kur gata hi Ma didinid’a na.

2 Sunda Hamuleinid’a 8:13

Mi hahle suma ngat buzuna d’igi Moise mi he vuna á hed’a na burâ ki burâ, kur bur ma sabatna, kur deîd’a hi tilîd’a, kur bur ma vun til ma lum yang hindi kur biza d’a tud’ina, nala, vun til ma a lum kavungô ma bei angufina, vun til ma Pantekotna ki vun til ma Zlub’ud’a mi.

Esdras 6:9

Wana nahle suma ndak á he he d’a hawa d’a ngala mAlo ma akulona burâ ki burâ bei hela ba na, amuzlei suma azungeîna, gamlâna, gro tumiyôna, awuna, ndjuvuna, süm guguzlud’a ki mbulâ. Agi hagizi mi suma ngat buzu suma Jerusalem-ma d’igi azi min na,

Nehemi 10:33

yam avungô ma a tinim iram vama, yam afut ta a hat he d’a hawa d’a burâ ki burîd’a, yam he d’a hawa d’a ngal la a hat kur bur ma sabatna teteud’a, kur bur ma tilâ deîna, kur bur ma luna mi, yam ahle suma a tinizi irazi vazina, yam he d’a hawa d’a ngat buzuna á zlup yam tchod’a hi Israel-lîd’a, yam ahle suma a nga lazi kur gong nga kud’ora hAlo meinina pet mi.

Isai 1:13

Ar agi mbagi ki he magi d’a hawa d’a hawa yaka d’i. Andosâ hi dubang magi ma his djivid’ina ni vama ndjendjed’a iranu. Ar agi mbagi kahle magi suma ngat buzuna kur bur ma deîd’a hi tilîna d’oze kur bur ma sabatna d’oze kur bur ma vun til ma teteng ma a ngama d’i. Kayam an nga ni min kud’or ra zlapa ki mat ma tchid’id’a d’i.

Ezekiyel 44:24

Le zlad’a nde aduk suma ni, azi mba ka’î suma ka sariyad’a, azi mba ka ni sariya d’a d’ingêra yam gat manda. Azi mba le vun til mana yam gat manda ki vun man ma hed’a, azi mba ngom bur man ma sabatna á tinim iram vam mi.

Ezekiyel 45:17

Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.

Ezekiyel 46:11

Ma didina mi de kua ala: Kur bur ma vun tilâ d’oze kur bur ma kud’urona, agi hagi gemena kilona dok hindi yam amuhlâ d’oze yam gamlâ ma lara ma a hum he d’a hawa d’a ngatina. Wani he d’a hawa d’a yam gro tumiyônid’a nge nge pî mi he gemena d’igi mam nga hurum na. Agi hagi mbulâ lidirâ karagaya yam geme ma kilona dok hindi ma lara ge pet mi.

Sunda hi suma hi Levi-nid’a 9:15

Bugola, mi he he d’a hawad’a hablau sumid’a. Nala, mi ve mbekmbere ma a hum á zlup yam tchod’a hablau sumid’ina, mi ngad’amu, mi hum á zlup yam tchod’a d’igi mi le ki vama ngat buzu ma avo’â na mi.

Ndumba 27:23

Mi tin abom kam á vrak blangâm d’igi Ma didina mi hum vuna na mi.

Ndumba 28:2

Ang he vun ma wana mi Israel-lâ, ang dazi ala: Ma didina mi dala: Agi gologi tagi djivi á han he d’a hawa man nda ndak á handjid’a ata yima a ngama, nala, te ma a handji he d’a hawa d’a ngal la his sa afufuîd’ina.

Galat-na 4:10

Agi nga ngomogi burâ ki tilâ ki yina ki bizad’a tua.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.