Ndumba 25:4 - Bible azumeina

⁴ Ma didina mi de mi Moise ala: Ang yo suma nglo suma avok sumina pet, ang tchuguzi ziyona kelezi ang gabazi akulo ir afata avogon an Ma didina tala hurun b’leng yam Israel-lâ d’a.

Ndumba 25:4 Iomraidhean Croise

2 Samuel 21:6

Kayam ndata, ang hami grom suma andjofâ kid’iziya, ami gabazi akulo avok Ma didina avo Gibeya avo hi Saul amul ma Ma didina mi manama. Amulâ mi dazi ala: An mba ni hagiziya.

2 Samuel 21:9

Amulâ mi hazi mi suma Gabawon-na; a gabazi akulo ata aguna yam ahinad’a avok Ma didina. Azi ki zlazi d’a kid’iziyad’a pet a bo nabo tazi tu. A tchazi ni kur bur ma avok kikidjina hi bur ma a fet awunina; ni bur ma a tin ad’ud’a á dut awu orsîna.

Sawal la giled’a 106:29

Azi zal hur Ma didina ki sun mazi d’a led’a; tugud’ei d’a tchod’a ti nde adigaziya.

Buzuk ka Abud’a 18:25

mi man suma nda’â aduk suma, mi tinizi yam suma dudubuna, yam suma kikisâ, yam suma dok vahl dok vahlâ, yam suma dodogona mi.

Jonas 3:9

Ni nge mi we ge, dam Alona mba mi djok djib’er mamba kei mba mi ar ayî mama bibiliuna tala ei boi woi d’uo d’a kla ni ge?

Ndumba 25:11

Fines Elazar gorom ma Aron ma ngat buzuna gorom ngolona, mi b’lengên hurun yam Israel-lâ, kayam mam nga ki yungôrâ d’igi an na adigaziya. Kayam ndata, an nga kur hur ma zala á ngalazi woi d’uo d’a.

Ndumba 25:18

Kayam azi mbut tazi magi suma djangûna, a mbud’ugi iragi ki lem mazid’a ki zlad’a hi Kosbi ma ngol ma Madiyan-na goromba wiyezi d’a a tchat kur bur ma tugud’ei d’a tcho d’a tchi matna mi mba yam zlad’a hi Peyor-rina.

Gat ta a hat á mbàd’id’a 13:11

Hina wani, agi Israel-lâ pet, agi mba hum zla ndata, agi mba lagi mandarâ; sa mba mi le andjaf tcho d’a hina d’a adigagi d’uo d’a.

Gat ta a hat á mbàd’id’a 13:13

Suma zlazi nga d’uo na a tchol adigagi á lop suma a nga kaka kur azì ma ngolîna ala: Ar ei i kud’orei alo ma ding ma tetengâ, nala, ma agi wum nga yagi tu d’uo na ni,

Gat ta a hat á mbàd’id’a 13:15

ata yi máma agi tchagi suma a nga kaka kur azì ma ngol mámina, agi b’lagam mbei kahle suma kuruma ki d’uwarâ pepet bei ar va tu ba.

Gat ta a hat á mbàd’id’a 13:17

Ar agi hlagi ahle suma agi b’lagazi woina abogi d’i, kayambala Ma didina hurum vat tei kur ayî mam ma bibiliuna d’a. Le agi gagi yagi kä ad’u zlad’a hi Ma didina Alo maginid’a, le agi ngomogi vun ma he mama pet ma an hagizi inina, le agi lagi sun nda d’ingêra avok Ma didina Alo magina ni, mam mba mi wagi hohowogiya, mba mi zulugi ablaud’a d’igi mam hle vunam mabuyogi ngolo na mi.

Gat ta a hat á mbàd’id’a 21:22

Moise mi de kua ala: Le sama le tcho d’a ndak á matnid’a, le agi tchum agi tchugum ziyona kelem agi gabam akulo ata aguna ni,

Gat ta a hat á mbàd’id’a 21:23

agi aram mad’am mi bur akulo ata aguna d’i, agi tozomî kur bur máma baba, kayam sama a gabam akulo ata agunina ni sama Alona mi gum vunina. Agi mbud’ugi ambas sa Ma didina Alo magina mba mi hagizi á te kata ndjendjed’a d’i.

Gat ta a hat á mbàd’id’a 4:3

Agi tagi wagi ahle suma Ma didina mi lazi yam zlad’a halo ma a yum ala Bäl-Peyor-rîd’a. Ma didina Alo magina mi dap suma adigagi suma a kud’or alo ma a yum ala Bäl-Peyor-râ na woyo.

Josue 22:17

Tcho d’a ei lat ki Peyor ra ei mbud’i nga tei yed’et woi kurut tuo gak ini d’a Ma didina mi tum ablaud’a hi Israel-lîd’a ki tugud’ei d’a tcho d’a tchi matna kata, ei golot ni vama yâna irei zu?

Josue 23:2

Ata yi máma Josue mi yi Israel-lâ pet ki mazi suma nglona ki suma avorozina ki mazi suma ka sariyad’a ki suma nglo suma avok azigarîna, mi dazi ala: Ki tchetchemba, an djeng wa mamara, bizan kal ngola heî mi.