Ndumba 25:3 - Bible azumeina

³ Israel-lâ a zlap tu kalo ma a yum ala Bäl-Peyor-râ. Kayam ndata, Ma didina hurum zal ngola ataziya.

Ndumba 25:3 Iomraidhean Croise

Sawal la giled’a 90:11

Ni nge ba, mi wad’enga hi hur mang ma zalid’a ge? Sama mi ringîng mandarangâ, ni mam ba, mi wayî mang ma djulula.

Jeremi 17:4

Agi tagi mba aragi djo ma an hagizina woi kabogiya, an mba ni mbud’ugi magumeina hi magi suma djangûna kur ambas sa agi wat nga yagi tu d’uo d’a, kayam agi fogi ayî mana akulo, mba mi ngal burâ ki burâ mi.

Wana ni mbaktumba hi Oze-d’a 4:14

An mba ni mba á ngop grogi suma aropma yam gaulang mazina d’oze grogina amiyôzina yam mizeu mazina d’uo mi. Ni agi ba, an mba ni ngobogiya, kayam agi tagid’a zlabagi karop suma gaulangâ kur gong magi d’a kud’or fileina, agi nga hagi ahle suma ngat buzuna mi fileina ki sed’ezi d’igi suma bei wed’a a nga ring á i kur bad’a na.

Wana ni mbaktumba hi Oze-d’a 9:10

Ma didina mi dala: An fe Israel-lâ nabagei hur fulâ d’igi guguzlud’a na, an wabuyozi ngolo ni d’igi vud’a tulum ma mi ne avo’â na, wani a i bugol alo ma a yum ala Bäl-Peyor-râ, a tin tazi irat vat mi va mazi ma ndjendjed’a, a mbut ndjendjed’a d’igi va mazi ma huruzi vuma na.

Ndumba 25:5

Moise mi de mi suma ka sariyad’a hi Israel-lîna ala: Ar nge nge pî mi tchi sa mam ma zlap tu kalo ma a yum ala Bäl-Peyor-râ woyo.

Ndumba 31:16

Ni azi ba, a ve d’alâ hi Baläm-ma, a tchuk Israel-lâ á le tchod’a avok Ma didina yam zlad’a hi Peyor-ra d’uo zu? Ata yi máma tugud’ei d’a tchod’a ti nde aduk ablaud’a hi Ma didinid’a.

Josue 22:17

Tcho d’a ei lat ki Peyor ra ei mbud’i nga tei yed’et woi kurut tuo gak ini d’a Ma didina mi tum ablaud’a hi Israel-lîd’a ki tugud’ei d’a tcho d’a tchi matna kata, ei golot ni vama yâna irei zu?

Suma ka sariyad’a 2:11

Israel-lâ a nde le sun nda Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ.

Suma ka sariyad’a 2:13

A ar Ma didina woyo, a nga kud’or alo ma a yum ala Bäl-lâ kalo d’a a yat ala Asera-d’a mi.

Suma ka sariyad’a 2:14

Ma didina hurum zal ngola ata Israel-lâ, mi hazi abo suma a hurum ahlena hi sumina, a hurumuziya. Mi guzuzi woi abo mazi suma djangû suma a nguyuzina. Kayam ndata, azi ndak nga á tchol avok mazi suma djangûna d’uo d’a.

Suma ka sariyad’a 2:20

Ata yi máma Ma didina hurum zal ata Israel-lâ ngola, mi dala: Kayamba andjaf sum ndazina a but vun ma djin ma an djinim kabuyozi ngolona woyo, a ge nga yazi kä ad’u zla manda d’uo d’a,