Ndumba 24:8 - Bible azumeina

⁸ Alona mi buzuguzï woi kur Ezipte, mam kazi ni d’igi ad’enga havündid’a na. A nga kizak andjaf mazi suma djangûna woyo, a nga kuzuzi asogozi woi ndjondjom, a nga yed’ezi ki yeû mazid’a mi.

Ndumba 24:8 Iomraidhean Croise

Sawal la giled’a 2:9

Ang mba gad’azi ki totogo d’a kaweina, ang mba tozi woi d’igi dei ma sana minima na.

Sawal la giled’a 21:12

Azi ndjak vunazi á lang tchod’a, azi nga huruzi á lang zla d’a tchod’a. Hina pî, azi mba ndak ki.

Sawal la giled’a 45:5

Ki subur manga, ang nga yam akulum mangâ. Ni yam gagazid’a ki lulumad’a ki d’ingêra ba, ang nga kus ayîna, ni kad’eng manga ba, ang mba hle bangâna.

Sawal la giled’a 45:6

Yeû manga siyat ni feta dedelem. Ang mba yet ki mang suma djangûna; azi mba puk kä avorongû.

Buzuk ka Abud’a 23:22

Wani le agi humum vunamu, le agi lagi ahlena pet suma an dagi kazina ni, an arî ma djangûna hi suma djangû maginina, an mba ni noî suma a noyôgina mi.

Isai 38:13

An ve tan gak yorogo, wani Ma didina nga mi kuzun asogon ndei d’igi azlona mi kus asoga ahlena woina. Ma didina, ang mba hlan avok bei afata niga.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 50:9

Kayam an nga ni tchol kandjaf ma ngol ma ablauna abo ma norâ á dur suma Babilon-na. A mba ndjar á duruziya, a mba hlazina. Yeû mazid’a ti ni d’igi yeûd’a hi ma we dur ma nga mi hulong avo abom hawa d’uo na na.

Daniel 6:24

Bugola, amulâ mi he vuna ala a mbeï ki suma a tchuk zlad’a yam Daniel-lâ, a tchuguzi kur zula hazlonid’a kamiyôzina ki grozina. Azlona mi kizagazi asogozi bei a tcha kä ad’u zula ba.

Ndumba 14:9

Wani agi sogi vuna á kak djangûna ki Ma didina d’i, agi lagi mandara suma kur ambas ndatina d’uo mi, kayam azi mba mbut ni te meina. Ma ndjunuzi nga d’i, wani Ma didina mi nga ki sed’eya. Kayam ndata, agi lazi mandarazi d’i.

Ndumba 21:5

a nde gureîd’a yam Alona azi ki Moise, a dala: Ni kayam me ba, agi buzugumï woi kur ambas sa Ezipte-d’a á tchami woi abagei hur fulâ ka hî ge? Kayam vama te nga d’i, mbiyo ma tche nga d’i, avu ma tcho máma, mi mbut avunami tchod’a mi!

Ndumba 23:22

Alona mi buzuguzï woi kur Ezipte, mam kazi ni d’igi ad’enga havündid’a na.

Ndumba 23:24

Gola! Ni suma a nga tchol akulo d’igi azlod’a na, d’igi azlona mi djiger tam akulo na na. Nga mi bur kä d’i gak mi kizak vama mam vuma, gak mi tche buzuwa vama mam vuma tua mi.

Matiye 2:15

Mi kak sä kua gak matna hi Herot-na, kayam zla d’a Salad’a mi dat avun mam ma djok vuna d’a ala: An yi gorona woi kur Ezipte d’a, ti ndak memet.

Gat ta a hat á mbàd’id’a 32:23

An mba ni togozi ndaka kaziya, an mba ni yed’ezi ki yeû manda.

Gat ta a hat á mbàd’id’a 32:42

Yeû manda mba d’i tchor buzuna, mbigeu man nda fiyaka mba d’i b’lak hliwa suma woyo. Suma nglo suma avok suma dur ayînina, sa mba mi sut tu d’i. Suma a duruzi mbuleinina d’oze suma a yozi magombina, an mba ni tchazi woi pet.

Gat ta a hat á mbàd’id’a 7:1

Moise mi dazi kua ala: Ma didina Alo magina mba mi kalagi kur ambas sa agi mba hlata, mba mi dik andjaf ma ablauna woi avorogiya, nala, suma Het-na, suma Girgas-sâ, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ, andjaf ma kid’iziya máma, nandjaf ma ablau ma sib’ik mamba kalagina.

Josue 2:10

Kayam ami humumi ala kid’a agi buzugugï woi kur Ezipte-d’a, Ma didina mi so alum ma ngol ma Tchereuna woi avorogiya. Bugola, ami humumi zla d’a agi lat kamulei suma Amor suma mbà suma a nga te leud’a sä abo alum ma Jurdê-na woi hina, nala, Sihon azi ki Ok suma agi tchazi woi bei wazi hohowozi ba na.