Ndumba 23:24 - Bible azumeina

²⁴ Gola! Ni suma a nga tchol akulo d’igi azlod’a na, d’igi azlona mi djiger tam akulo na na. Nga mi bur kä d’i gak mi kizak vama mam vuma, gak mi tche buzuwa vama mam vuma tua mi.

Ndumba 23:24 Iomraidhean Croise

Ad’u Tinda 49:27

Benjamin ni ngû ma ayîna, yorogod’a mam mut vama mam vumina, fladeged’a nga mi b’rau vama mam vumina.

Ad’u Tinda 49:9

Ang Juda gorona, angî d’igi azlo ma azong ma tcholï ata yima nduwandina na. Mi tchuk guguvam mi bur kä; sama mba mi tcholom akulo ni nge ge?

1 Amuleina 10:20

Azlona dogo yam mbà mi nga tchola ata yima a djak kakulo katna, karagaya abo hî, karagaya abo hî mi. Andjaf zlam mba hina d’a, ti nga kur leu d’a ding ngi.

2 Sunda Hamuleinid’a 9:18

Zlam ndata yima a djak akulo katna asem ma tinda ni karagaya, vama tin asem ma ding ma a lum ki lorina mi nga djinda ki zlamba mi. Yima a tin abong kama mi nga abo hî, mi nga abo hî, angus azlona mbà mi nga tchola abo hî tu, abo hî tu mi.

Sawal la giled’a 17:12

d’igi azlo ma meid’a tchum ma nga mi kahl azarîna na, d’igi gor azlo ma nga mi ndjol ata yam ma dominina na.

Zla d’a d’ogolâ 30:30

Azlo ma ni ngola hahle suma abageina ma nga mi didak kazigam abo va d’uo na;

Isai 31:4

Gola! Ma didina mi dan ala: D’igi azlona d’oze azlo ma azongâ nga mi ngop ades suma pola yam vama mi vuma, nga mi le mandarâ abo siwel mazid’a á arazi lovota d’uo na, an Ma didin ma ad’engên kal petna mba ni le hina fata ni tchuk asen kä yam ahina d’a Siyon-nda á dur ayîna kuad’a.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Amos 3:8

Azlona le mi breyâ ni, ni nge ba, mi le mandarâ d’uo ge? Salad’a Ma didina le mi de ni, ni nge ba, mi djogom vunam mbei d’uo ge?

Nahum 2:11

A hurum ahlena, a b’lak ahlena, a ar nga va tu d’i. Vunadigazi nga d’i tumuzi hihir, guguvazi nga mi zlak kikib’i, ad’engêzi d’i nga d’i, irazi d’i tchuk susub’ok mi.

Nahum 2:12

Azì ma ngol ma d’igi domina hazlona na na mi mbut ni nana ge? Ni yima azlo ma gureina mi fe te mama kuana. Ata yima azlona mi i nduwandina, sama ndak á mbud’um groma mandarâ kuana nga d’i.

Zakari 12:6

Kur bur máma an mba ni mbut amulei suma Juda-na ni d’igi aku d’a ti ndaduk agud’id’a d’oze d’igi aku d’a bolom mba ti ngal awu ma mbugulu ma nga tchuka kä na na. A mba ngal suma a nguyuzina, abo ma ndjufâ, abo ma gulana mi. Jerusalem mba d’i ar kaka ata yad’u.

Ndumba 23:25

Balak mi de mi Baläm ala: Le ang gazi vuna d’uo ni, ang b’e vuna kazi d’uo mi!

Ndumba 24:17

An wumu, wani nga ni tchetchem mbi, an golomu, wani mi nga go d’i. Tchitchiud’a ti ndeï ad’u andjafâ hi Jakob-ma, totogo d’a tamula ti ndeï aduk Israel-lâ, ti to suma Mowap-ma fefed’eziya, ti to suma hi Set-na pet mi.

Gat ta a hat á mbàd’id’a 33:20

Mi de yam andjafâ hi Gad-na ala: Gilei Ma didin ma tin Gad kur halasina! Gad mi bur kä d’igi azlod’a ti bur kä á kizak vama ti vuma na, tinï ad’ud’a kä ata asem dei gak i kam akulo.

Vama ndum mbeina 5:5

Ma dingâ tu aduk suma nglona mi dan ala: Ang tchi d’i, ang gola! Azlo ma ad’u andjafâ hi Juda-nina, ni ma ad’u andjafâ hamulâ David-na mi, mi kus ayîna. Kayam ndata, mi ndak á hô dubang ma kid’iziyana woi á mal mbaktum ndata woi mi.