Ndumba 23:10 - Bible azumeina

¹⁰ Ni nge ba, mi ndak á ndum andjafâ hi Jakob-ma ge? Ni nge ba, mi ndak á ndum abo Israel-lâ sop ke? Ar an mit ni matna hi suma d’ingêr sum ndazinina. Ar dabi manda ti dap mi d’igi mazid’a na mi.

Ndumba 23:10 Iomraidhean Croise

Ad’u Tinda 13:16

An mba ni zulung andjavang d’igi andaga d’a gugud’upa na; le sana mi ndak á ndum andaga d’a gugud’upa ni, mi mba mi ndumung andjavang mi.

Ad’u Tinda 22:17

an mba ni b’e vunan kangû, an mba ni zulung andjavang avok d’igi tchitchiud’a na, d’igi les ma avun alum ma ngolîna na mi. Andjavang mba mi kus yam mam suma djangûna.

Ad’u Tinda 28:14

Andjavang mba mi zul d’igi andaga d’a gugud’upa na, mba mi b’rau woi kakä abo ma fladegena, abo ma yorogona, abo ma norâ kabo ma sutna. Ni kayam ang kandjavang ba, an mba ni b’e vunan yam suma yam andagad’ina pet.

Sawal la giled’a 116:15

Ma didina hurum nga mi hat yam matna hi suma a hum gagazinina heî.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Ndumba 2:16

Ades ma dur ayî ma zlap kades ma dur ayîna hi Ruben-nina pet ni 151.450; ni azi ba, a mba tchol á id’a á mbàd’a.

Ndumba 2:24

Ades ma dur ayî ma zlap kades ma dur ayîna hi Efraim-ma pet ni 108.100; ni azi ba, a mba tchol á id’a á hindid’a.

Ndumba 2:31

Ades ma dur ayî ma zlap kades ma dur ayîna hi Dan-nina pet ni 157.600; ni azi ba, a mba tchol á id’a bugol drapo mazid’a.

Ndumba 2:9

Ades ma dur ayî ma zlap kades ma dur ayîna ki Juda-nina pet ni 186.400; ni azi ba, a mba tchol á id’a avogo.

Ndumba 31:8

A tchi amulei suma Madiyan-na vahl, nala, Evi, Rekem, Sur, Hur ki Reba, a tchi Baläm ma Beyor goromina ki mbigeu d’a fiyaka mi.

2 Korente-na 5:1

Ami wami ala le zlub’u mami d’a yam andaga d’a ka hid’a ti b’lak keyo ni, Alona nga mi ngomomi yami ma kak ma sä akulona, ni ma mam tam minima, ni ma mba mi kak didina, ni ma sa mi minima d’i.

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.