Ndumba 22:38 - Bible azumeina

³⁸ Baläm mi de mi Balak ala: Ki tchetchemba, an mba geveng wan pî, an ndak á de zla d’a lara pî d’a an min data d’i. An mba ni de ni zla d’a Alona mba mi tinindji avunan á ded’id’a hol.

Ndumba 22:38 Iomraidhean Croise

1 Amuleina 22:14

Wani Mise mi dum ala: Ma didina ni Ma bei matna ba na. An i ni de ni vama Ma didina mba mi dandjina.

1 Amuleina 22:16

Wani amulâ Ahap mi dum ala: An tcheneng tchen nda hud’a ni yan ga tua ba, ang mba dan zla d’a gagazi d’a tcholï avun Ma didinid’a ge?

2 Sunda Hamuleinid’a 18:13

Wani Mise mi hulong dum ala: Ma didina ni Ma bei matna ba na. An i ni de ni vama Alo mana mba mi dandjina.

Sawal la giled’a 33:10

Ma didina nga mi b’lak zla d’a andjaf suma a minita woyo, nga mi b’lak vama suma a ngam kuruzi á led’ina woi mi.

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Isai 44:25

An nga ni b’lak ahle suma taka hi suma djok vun suma ka zlad’a woyo, an nga ni mbut suma djop fileina lilid’a, an nga ni hulong suma ned’a bugolo, an nga ni mbud’uzi we mazid’a lilid’a mi.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Isai 47:12

Djiviya ndak kak kur mbut maka ki kuma mak ma zul heî ma ndak he tak á lum sunum ki gogorok deina! Dam ndak mba d’i fe mbina kua, d’oze ndak mba d’i mbut ta suma a lak mandarak heîd’a kla!

Ndumba 22:18

Baläm mi hulong de mazungeîna hi Bala’â ala: Le Balak mba mi han ni gong mam mba oîd’a ki bege d’a hapa ki lorid’a pî, an ndak á le vama gor roze vama ngol á tchila yam vun ma hed’a hi Ma didina Alo manina d’i.

Ndumba 22:37

Balak mi de mi Baläm ala: An sun suma kang ala a yangîya d’uo zu? Ni kayam me ba, ang mbeï geven nduo ge? An ni ndak á mbud’ung sama suma a suburuma d’uo zu?

Ndumba 22:39

Baläm mi i ki Balak, a mbaza Kiriyat-Husot.

Ndumba 22:8

Baläm mi dazi ala: Agi i burugi ka hî. An mba ni hagi humba yam zla d’a Ma didina mba mi dandjid’a. Suma nglo suma Mowap-ma a ar kaka avo hi Baläm.

Ndumba 23:16

Ma didina mi nde tam mbei ir Baläm, mi tinim zlad’a avunamu, mi dum ala: Ang hulong gen Balak, ang dum hina.

Ndumba 23:26

Baläm mi hulong de mi Balak ala: An dang nga ala an mba ni le nahlena pet suma Ma didina mba mi dandjina d’uo zu?

Ndumba 24:13

Le Balak mi hanï gong mam mba oîd’a ki bege d’a hapa ki lorid’a pî, an ndak á so vun Ma didina á le vama djivi d’oze vama tcho d’i. An mba ni de ni vama Ma didina mba mi dandjina holu d’uo zu?