Ndumba 21:33 - Bible azumeina

³³ A ar lovot ndata, a hle lovot ta i Basan-nda. Ok amul ma Basan-na mi buzuk ki sum mama pet á dur ayîna ki Israel-lâ avo Edrei.

Ndumba 21:33 Iomraidhean Croise

Sawal la giled’a 135:11

nala, Sihon, amul ma Amor-râ, Ok, amul ma Basan-na, kamulei suma Kanan-na pet mi.

Sawal la giled’a 136:20

Mi tchi Ok amul ma Basan-na woyo, kayam o mamba nga d’i dap pi.

Sawal la giled’a 22:12

Ang wal lei dei ki sed’en ndi; ki tchetchemba, an nga go avun bad’a, wani sama mba á ndjununa nga d’i.

Sawal la giled’a 68:15

Kid’a Alo ma ad’engêm kal petna mi b’rau amuleina woi yam andagad’id’a, alona mi yak nesâ kä yam ahina d’a Salmon-nda.

Sawal la giled’a 68:22

Gagazi, Alona mba mi wak yam mam suma djangûna woyo, mba mi wak asok yam sama nga mi i avogovok kur tcho mambina woyo.

Isai 33:9

Ambasa ti nga kur yor tad’a ki hur ma wurana, Liban ti mbut zulona, ti tchuk susub’ok, Saron ti mbut ni d’igi hur fulâ na. Basan ki Karmel agu mazid’a humat yak keyo.

Ezekiyel 27:6

A min prau mangâ ni kagu sen ma Basan-na, a min bang mangâ ni kagu ma kur til la Kitim-mba ma a gulud’um ki sï ahlo’îna.

Ezekiyel 39:18

Agi mba mud’ugi hliwa azigar suma gangrangâ, agi mba tchagi buzuwa suma nglo suma yam andagad’ina. Azi ni d’igi gamlâna ki gro tumiyôna ki mbekmberena kamuzlei suma d’or suma yam andaga d’a Basan-nda suma a ngad’azi buzunina na.

Amos 4:1

Agi arop suma Samari suma nga dub’aragi d’igi amuzlei suma arop suma Basan-na na na, agi suma nga lagi suma kid’aka murud’umbina, agi suma nga mired’egi suma houd’a kä, agi suma nga dagi mandjuvuyogi ala: Agi yogiya, ei tcheya na, agi humugi zla d’a an nga ni data.

Ndumba 32:33

Moise mi handjafâ hi Gad-na, andjafâ hi Ruben-na kabo andjafâ hi Manase ma Josef goromina leud’a hi Sihon amul ma Amor-râ ki leud’a hi Ok amul ma Basan-nid’a, nala, ambasa kazì mat ma nglona kandaga d’a nguyumba pet mi.

Gat ta a hat á mbàd’id’a 1:4

Ni bugol la mi dur Sihon amul ma Amor ma nga kaka Hesbon-na ki Ok amul ma Basan ma nga kaka Astarot ki Edrei-nid’a.

Gat ta a hat á mbàd’id’a 2:30

Wani Sihon amul ma Hesbon-na, mi arei nga á kala kur ambas mamba d’i, kayam Ma didina Alo magina mi b’alam hurum ad’enga ngingi, kayambala mi hagizi abogi ini d’igi agi tagi wagi na d’a.

Gat ta a hat á mbàd’id’a 29:7

Kid’a ei mbei ka hid’a, Sihon amul ma Hesbon-na ki Ok amul ma Basan-na a buzugï á ndeï durâ. Ei duruziya,

Gat ta a hat á mbàd’id’a 32:14

A te mbul ambir amuhla kambir aho’â zlapa ki mbul tumiyôna ki mbul gamlâ ma Basan-na ki ma hi mbekmberinina. A tawu ma djivi ma kalâ, a tche süm guguzlu d’a gurud’unga.

Gat ta a hat á mbàd’id’a 4:47

A hlambas mamba ki d’a hi Ok amul ma Basan-nid’a. Amulei suma Amor suma mbà ndazina a ni kaka sä abo alum ma Jurdê-na woi hî abo ma yorogona.

Josue 12:4

Ok amul ma Basan-na ni ma ar tu ad’u andjafâ hi suma Refa-nina, mi nga kaka Astarot ki Edrei.

Josue 13:12

zlapa ki leud’a hi Ok amul ma Basan ma mi te yam Astarot ki Edrei-na pet, ni ma tu ma danan ma ad’u andjafâ hi suma Refa-nina. Moise mi dur amulei ndazina adjeu, mi digizi woyo.

Josue 13:30

Andaga mazid’a tinï ad’ud’a Mahanayim zlapa kazì ma Basan-na pet, ki leud’a hi Ok amul ma Basan-nid’a pet zlapa kazì ma ngol ma Jayir ma kur Basan ma dok karagayana mi.

Josue 9:10

kahle suma mi lazi kamulei suma mbà suma Amor suma a sä kaka abo alum ma Jurdê-na woi hî na, nala, Sihon amul ma Hesbon-na ki Ok amul ma Basan ma nga kaka Astarot-na mi.