Ndumba 20:13 - Bible azumeina

¹³ Wana ni mbiyo ma Meriba-na. Ni yima Israel-lâ a yal ki Ma didina kua, mi tagazi subur mamba woi adigazina.

Ndumba 20:13 Iomraidhean Croise

Sawal la giled’a 81:7

An hlaneka woi kangû, ang tchuk abong ngei ata gagalagad’a mi.

Sawal la giled’a 81:8

Kid’a ang kur ndakid’a, ang yanu, an prud’ung ngeyo, an hulongông humba ata yima ngeid’a kur breîd’a halonid’a, an kugung avun mbiyo ma Meriba-na. Tchol ndjö

Sawal la giled’a 95:8

Ar agi b’alagi hurugi d’igi abuyogi ngolo a b’al huruzi kur Meriba na d’i, ar agi b’alagi hurugi d’igi azi b’al huruzi kur bur ma azi nga abagei hur ful ma Masa-na na d’uo mi.

Buzuk ka Abud’a 17:7

Mi yi yi máma ala Masa, mi yum ala Meriba mi, nala, Kuka ki Yalâ, kayam Israel-lâ a yal ki Moise, a kuk Ma didina mi, a dala: Ma didina mi nga adigei d’oze mi nga adigei d’uo zu?

Isai 5:16

Ma didin ma ad’engêm kal petna, a mba suburum yam sariya mam mba ka d’a d’ingêra. Alo ma bei tchod’a ba na mba mi tak tam mbei ala mam mi Ma bei tchod’a ba na yam d’ingêr mamba.

Ezekiyel 20:41

Fata an buzugugï woi aduk andjaf suma mba ni togogï yam ambas sa an ndjoyôgi woi kuad’id’a, an mba ni vagi atan d’igi vama ngat buzu ma his ma afufuîna na, agi mba han ngola avok andjaf suma.

Ezekiyel 36:23

An mba ni tin simiyên ma ngol ma agi mbud’um ndjendjed’a aduk andjaf suma ding suma agi igi kuana iram vamu. Fata an tinim iram vam atagi kä irazid’a, azi mba wala an ni Ma didina. An Salad’a Ma didina ni de na.

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Gat ta a hat á mbàd’id’a 32:51

Kayam agi lagi tchod’a ngola avoron avok Israel-lâ avun mbiyo ma Meriba ma Kades ma hur ful ma Tisin-nina, agi tagan nga subur manda woi aduk Israel-lâ d’i.

Gat ta a hat á mbàd’id’a 33:8

Mi de yam andjafâ hi Levi-na ala: Ma didina, Tumim mangâ ki Urim mangâ, ang hazi nabo mang suma d’engzengâ. Bugola, ang kuguzi kur Masa, ang tchi tuguyod’a ki sed’ezi avun mbiyo ma Meriba-na.