Ndumba 19:19 - Bible azumeina

¹⁹ Sama yed’etna mi yam mbiyo máma yam sama ndjendjed’a kur bur ma hindina ki bur ma kid’iziyana. Hina wani, mba mi mbud’um yed’et kur bur ma kid’iziyana. Bugola, mi mbus baru mama woyo, mi mbus tam mbei mi. Ki fladeged’a mba mi mbut yed’et.

Ndumba 19:19 Iomraidhean Croise

Ad’u Tinda 2:2

Ata yima Alona mi dap vun sun mama dapma, mi tuk tam kur bur ma kid’iziyana yam sun mam mba mi lata pet.

Buzuk ka Abud’a 19:10

Ma didina mi de mi Moise ala: Ang i gen Israel-lâ, ang tinizi irazi vazi ini kavini, ar azi mbus baru mazina woi yed’et mi.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Sunda hi suma hi Levi-nid’a 14:7

Mi yam mbiyo máma ata sama libi ma mi mbut tam yed’et máma yayam yam kid’iziya. Bugola, mi de woi kam ala: Sama wana ni sama yed’etna! Mi i mi galei ma ar ari máma woi akulo abageya.

Sunda hi suma hi Levi-nid’a 14:9

Kur bur ma kid’iziya máma mi wel tumuzum mbei pet, yamu, dudumamu, ki ir gomomu, mi mbus baru mama woyo, mi mbus tam aduk mbina; mba mi mbut yed’et.

Ndumba 19:12

Mi mbut tam yed’et ki mbiyo máma kur bur ma hindina ki ma kid’iziyana, mba mi mbut yed’et kuru. Wani le mi mbut nga tam yed’et kur bur ma hindina ki ma kid’iziyana d’uo ni, mba mi mbut yed’et ti.

Ndumba 19:13

Sama lara ma mi do mad’a sana mi mbut nga tam yed’et tuo na, mi mbut ni zlub’ud’a hi Ma didinid’a ndjendjed’a. Sa máma a mba pad’am mbei aduk Israel-lâ, kayam a yamam nga mbiyo ma mbut ki suma yed’etna kam mbi. Mba mi arî kaka ki ndjendjed’a na, ndjendje mamba ti arî kaka hina mi.

Ndumba 19:18

Ar sama yed’etna mi hlagu hisopma, mi nigim kä aduk mbina. Bugola, mi yamam yam zlub’ud’a, yam ahle suma kurutna, yam suma kurutna, yam sama mi doï aso’îna d’oze sama a tchuma d’oze ma mi mit kä na d’oze asud’ina.

Ndumba 31:19

Agi i vagiza anguvora woi bugol kangâ gak burâ kid’iziya. Suma adigagi suma a tchi matnina d’oze a do matnina pet, a mbut tazi yed’et kur bur ma hindina ki ma kid’iziyana, agi tagid’a zlapa ki suma agi yozi magombina mi.

Ndumba 31:24

Kur bur ma kid’iziyana agi mbuzugi baru magina woyo, agi mba mbud’ugi yed’et. Bugola, agi ndak á tchugugi kur kangâ.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

Jude 1:23

Agi prud’uzi woi aduk akud’a á sud’uziya, agi wagi hohowa suma dingâ zlapa ki mandarâ. Wani le ni baru mazi d’a tubaka ki d’od’ok mazi d’a tchod’id’a pî, ar agi noyôd’u.