Ndumba 19:13 - Bible azumeina

¹³ Sama lara ma mi do mad’a sana mi mbut nga tam yed’et tuo na, mi mbut ni zlub’ud’a hi Ma didinid’a ndjendjed’a. Sa máma a mba pad’am mbei aduk Israel-lâ, kayam a yamam nga mbiyo ma mbut ki suma yed’etna kam mbi. Mba mi arî kaka ki ndjendjed’a na, ndjendje mamba ti arî kaka hina mi.

Ndumba 19:13 Iomraidhean Croise

Buzuk ka Abud’a 30:33

Sama lara ma yor andjaf mbul ma d’igi mbul máma na na d’oze ma mi vom yam sama nandjaf Aron nduo nina, a mba pad’am mbei aduk sum mama.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Ezekiyel 44:26

Bugol matna, le mi mbut tam yed’et da ni, mi djup gak burâ kid’iziya.

Sunda hi suma hi Levi-nid’a 15:31

Agi walagi Israel-lâ woi ki ndjendje mazid’a, tala azi mbut yi man ma kak ma adigazina ndjendjed’a mbut ba, a bo d’a d’i.

Sunda hi suma hi Levi-nid’a 20:3

An tan mba ni mbut iran ata sa máma, mba ni pad’am mbei aduk sum mama, kayam mi he goroma malo ma a yum ala Molo’â, mi mbut zlub’u man nda kud’ora ndjendjed’a, mi lazan simiyên Ma bei tchod’ina mi.

Sunda hi suma hi Levi-nid’a 22:3

Ang dazi ala: Sama lara ma aduk andjavagina, le ni kur atchogoi d’a lara pî, ma mi mbut tam ndjendjed’a mi hut go á te he d’a hawa d’a a tinit irat vat ta Israel-lâ a nga handji mi an Ma didinid’a ni, an mba ni digim mbei avoronu, kayam an ni Ma didina.

Sunda hi suma hi Levi-nid’a 22:4

Sama lara ma ad’u andjafâ hi Aron ma libina mi nde atama d’oze ma hle mbilîna, mi te he d’a hawa d’a a tinit irat vata d’i, gak mi mbut yed’et tua. Gat ndata ti ni yam sama mi do sama mi mbut tam ndjendjed’a ki vama matnina, yam sama sumurum mba vut grona djang ngei atama,

Sunda hi suma hi Levi-nid’a 5:17

Le sana mi tchila yam vun ma hed’a hi an Ma didinina tu, mi le tchod’a bei mi wat ad’ut pî, zlad’a nga kamu; tcho mam ndata ti arî kam na.

Sunda hi suma hi Levi-nid’a 5:3

Le sana mi do vama ndjendje ma tchol ata sanina bei mi wum ba, le mi wad’ud’a bugolo ni, zlad’a nga kamu.

Sunda hi suma hi Levi-nid’a 5:6

Bugola, mi mba ki he d’a hawa d’a yam tcho mam mba mi lata avogon an Ma didina, mi mba ni ki timid’a d’oze b’ëd’a vama ngat buzuna á zlup yam tcho mamba. Ma ngat buzuna mba mi ngad’at á zlup yam tcho mamba.

Sunda hi suma hi Levi-nid’a 7:20

Sama lara ma zlad’a nga kam mbuo na, mi ndak á mut hliu ma a hum vama ngat buzu ma zlap darigïd’a mi an Ma didinina. Wani sama zlad’a nga kama, le mi mud’umu ni, a mba pad’am mbei aduk sum mama.

Sunda hi suma hi Levi-nid’a 7:21

Le sana mi do vama ndjendjed’a, le ni vama tcholï ata sanina d’oze ata d’uwarîna d’oze vama ndjendje ma tcho ma lara pî ba, mi mut hliu vama mi hum vama ngat buzu ma zlap darigïd’a mi an Ma didinina ni, a mba pad’am mbei aduk sum mama.

Ndumba 15:30

Wani le ni ma Israel-lâ d’oze angeina, mi le tchod’a kur min mamba ni, mi golon ni is; a mba pad’am mbei aduk sum mama.

Ndumba 19:14

Wana ni gat ta dinga: Le sana mi mit kur zlub’u mamba ni, sama kal kurutna d’oze ma nga kaka kä kurutna, mba mi kak ki ndjendjed’a gak burâ kid’iziya.

Ndumba 19:18

Ar sama yed’etna mi hlagu hisopma, mi nigim kä aduk mbina. Bugola, mi yamam yam zlub’ud’a, yam ahle suma kurutna, yam suma kurutna, yam sama mi doï aso’îna d’oze sama a tchuma d’oze ma mi mit kä na d’oze asud’ina.

Ndumba 19:19

Sama yed’etna mi yam mbiyo máma yam sama ndjendjed’a kur bur ma hindina ki bur ma kid’iziyana. Hina wani, mba mi mbud’um yed’et kur bur ma kid’iziyana. Bugola, mi mbus baru mama woyo, mi mbus tam mbei mi. Ki fladeged’a mba mi mbut yed’et.

Ndumba 19:20

Sama ndjendje ma mi mbut nga tam yed’et tuo na, a mba pad’am mbei aduk ablaud’a, kayam mi mbut ni yima a tinim iram vam mi an Ma didinina ndjendjed’a. Mba mi ka’î ki ndjendjed’a hina, kayam a yamam nga mbiyo ma mbut sana yed’etna kam mbi.

Ndumba 19:9

Sama yed’etna mi tok bud’amuhl ndata, mi tchugum mbei bugol kangâ ata yima a tinim iram vama. A mba ngomom yam ablaud’a hi Israel-lîd’a, a lum ki mbiyo ma a mbut ki sana yed’etna. Wana ni vama ngat buzu ma zlup yam tchod’ina.

Ndumba 8:7

Ang tinizi irazi vazi ni hina: Ang yamazi mbiyo ma a zlup ki yam tchod’ina kaziya, a wel tumus sa atazid’a woi pet, a mbus baru mazina woyo, a mbut tazi woi yed’et.

Ndumba 9:13

Le sana mi yed’et mi i nga akoid’a d’uo ba, mi d’el tam mbei á le vun til ma Pa’â ni, sa máma a mba pad’am mbei aduk sum mama; kayam mi he nga he d’a hawad’a mi an Ma didina kur bur ma a ngama d’i, sa máma mba mi zi aneka hi tcho mambid’a kamu.

Jean 8:24

Kayam ndata, an dagi ala: Agi mba bogi kur tcho magid’a. Le agi hagi gagazid’a ala an ni Ma nga na d’uo ni, agi mba bogi kur tcho magid’a.

Hebre-na 10:29

Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?

Hebre-na 9:10

Ahle ndazina ni yam ted’a ki tched’a ki mbus sa tetenga. Azi ni vun ma hed’a hi sumina hawa gak bur ma Alona mi mbut ahlena pet awilid’ina.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 22:11

Sama le tchod’a, ar mi i avok kur tcho mamba; sama le sun nda ndjendjed’a, ar mi i avok kur ndjendje mamba; sama le djivid’a, ar mi i avok kur djivi mamba; sama yed’etna, ar mi i avok kur yed’et mamba mi.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.