Ndumba 18:20 - Bible azumeina

²⁰ Ma didina mi de mi Aron kua ala: Ang mba fe djo ma ted’a kur ambas sa an mba ni hagizid’a d’i; b’rau manga nga adigazi d’uo mi. An ni b’rau manga ki djo mangâ adigaziya.

Ndumba 18:20 Iomraidhean Croise

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Sawal la giled’a 142:5

Ang gol irang ata abon ma ndjufâ, ang wala sama wana nga d’i, yima an ngei tan kuana nga d’i, sama djib’er kana nga d’uo mi.

Sawal la giled’a 16:5

Ma didina, te mana ki tche manda a tcholï natangû, ni ang ba, nga ngom yi man ma kaka.

Sawal la giled’a 73:26

Hliwin ki hurun a mbut amangeîd’a, wani ang Alona ni ma nga ndjununa, ni va man ma fe ma ki iran fafatna.

Hor ma tchina 3:24

An nga ni de tan ala: Ma didina ni b’rau manda. Ni kayam ndata ba, an tin hurun kamu.

Ezekiyel 44:28

Agi Israel-lâ, an ni djona hi suma ngat buzunina. Ar agi hagizi djona adigagi d’i, kayam an tanda ni va mazi ma djona.

Ndumba 18:7

Ang ki grongâ agi ngomogi sun magi d’a ngat buzuna kahlena hi yima ngal ahle suma ngat buzunina kahle suma krovo bugol baru d’a ka irina pet, agi lagi sun magi d’a ngat buzuna. Wana ni sun nda an hagizi he d’a hawad’id’a. Sama ding ma mi tchila atatna, a mba tchum mbeyo.

Ndumba 26:62

Wana ni suma a ndumuzina, gro andjof suma pet: Suma tilizi tutuna ki suma kal tilâ tutuna pet ni 23.000. A ndumuzi nga zlapa ki Israel suma dingâ d’i, kayam azi ndak á hazi ambasa djona ki Israel suma dingâ d’i.

Gat ta a hat á mbàd’id’a 10:9

Kayam ndata, suma hi Levi-na a nga ki b’raud’a d’oze djo ma te ki b’oziyozina d’i. Ma didina ni djo mazi ma ted’a d’igi Ma didina Alo magina mi dazi na.)

Gat ta a hat á mbàd’id’a 12:12

Agi ki grogi suma andjofâ ki grogi suma aropma kazungeî magina ki yugunei magina, agi mba lagi furîd’a avok Ma didina Alo magina zlapa ki ma hi Levi ma mba mi kak avo hatagina, kayam mam nga ki b’raud’a d’oze djo ma te ki sed’egi d’i.

Gat ta a hat á mbàd’id’a 14:27

Ar agi maragi yam ma hi Levi ma mba mi kak avo hatagina d’i. Kayam mam nga ki b’raud’a d’oze djo ma te zlapa ki sed’egi d’i.

Gat ta a hat á mbàd’id’a 14:29

Ma hi Levi ma nga ki b’raud’a d’oze djo ma te ki sed’egi d’uo na, angeina, ma hokuyod’a, katcha d’a modonod’a suma a mba kak avo hatagina, a mba mba, a tumu, a hoba, kayambala Ma didina Alo magina mi b’e vunam kagi kur sun nda lara ge pet ta agi mba lat kabogid’a d’a.

Josue 13:14

Nandjafâ hi Levi-na hol ba, Moise mi hum nga andagad’a djona d’i, kayam ahle suma ngat buzu suma a hazi he d’a hawa d’a ngala mi Ma didina Alona hi Israel-lîna ni djo mama d’igi Ma didina mi hlum vunam na.

Josue 13:33

Wani Moise mi he nga andagad’a djona mandjafâ hi Levi-na d’i, kayam Ma didina Alona hi Israel-lîna ni djo mazina d’igi mam dazi na.

Josue 14:3

Kayam Moise mi handagad’a djona mandjaf ma mbàna kabo andjaf ma tuna sä abo alum ma Jurdê-na woi hî da’. Wani mi he nga andagad’a djona mandjafâ hi Levi-na adigazi d’i.

Josue 18:7

Wani suma hi Levi-na a mba fe b’raud’a adigagi d’i, kayam sun nda ngat buzuna hi Ma didinid’a ni djo mazina. Andjafâ hi Gad-na, andjafâ hi Ruben-na kabo andjafâ hi Manase-na, Moise azongâ hi Ma didinina mi haziya wa djo mazina sä abo alum ma Jurdê-na woi hî abo ma yorogona da’.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.