Ndumba 18:12 - Bible azumeina

¹² An hang ahle suma avok suma a mba handjina, nala, mbul ma djivi ma kalâ pet, süm guguzlu ma ayî ma kalâ kawuna mi.

Ndumba 18:12 Iomraidhean Croise

Ad’u Tinda 27:28

Ar Alona mi ge mbad’ïd’a ei akulod’a hur asinengû, andagad’a ti wulung ahlena ngola, awuna ki guguzlud’a mi.

2 Amuleina 4:42

Kur biza ndata sana mi tcholï Bäl-Salisa, mi mba kavungôna hawu ors ma mi ne avo’â dok mbà ki geme ma awilina kur bid’im mamba mi Elise. Elise mi de mazong mama ala: Ang b’rau te máma mi suma pet.

2 Sunda Hamuleinid’a 31:5

Kid’a zla ndata ti b’rau woi aduk suma peta, Israel-lâ a he geme ma ne avo’â, süm guguzlud’a, mbulâ, mbul ayuma kahlena pet suma a zumuzi kur asinenina, a mba ki dima hahlenina pet mi.

Sawal la giled’a 147:14

Nga mi mba ki b’leng nga halasa yam ambas maka, nga mi hobok kawu ma djivi ma kalâ mi.

Sawal la giled’a 81:16

Suma a noî Ma didinina a hulong wa yazi kä avoromu, wani a kak wa ki djivid’a burâ ki burâ.

Buzuk ka Abud’a 22:29

Agi lagi lilinga á han awu magina ki vud’agu magi ma ne avo’â d’i. Agi handï grogi suma a vut avo’â.

Buzuk ka Abud’a 23:19

Agi mbagi kahle magi suma a ne avo’â mi an Ma didina Alo magina. Ar agi yagi gor ahuna kambira hasumba d’i.

Buzuk ka Abud’a 34:26

Agi mbagi kahle suma a ne avok kur asinegina kur gonga hi an Ma didina Alo maginid’a, ar agi yagi gor ahuna kambira hasumba d’i.

Ezekiyel 44:30

Vud’agu ma ne avo’â kahle suma a handjina pet ni mazina. Avungô ma agi mba ilim avo’â, agi mba humî mi suma ngat buzuna. Hina wani, an mba ni b’e vunan yam aziyagiya.

Sunda hi suma hi Levi-nid’a 2:12

Agi ndak á hagi ahle suma ne avo’â d’igi he d’a hawad’a na mi an Ma didina, wani agi ngalazi yam yima ngal ahle suma ngat buzuna d’igi he d’a hawa d’a ngal la his sa afufuîd’a na d’i.

Sunda hi suma hi Levi-nid’a 2:14

Le ang he he d’a hawad’a hawu ma ne avo’îd’a mi an Ma didina ni, ang he ni yam awu ma a hawâm a lud’uma d’igi he d’a hawa manga hahle suma ne avo’îd’a na.

Sunda hi suma hi Levi-nid’a 23:17

Agi tchologï avo hatagi kavungô ma a lum kafut ta adiged’id’ina ir kilona hindi ma a yum kangufina abogi mbà mbà á gazam akulo. Wana nahle suma avo’â hi an Ma didinina.

Sunda hi suma hi Levi-nid’a 23:20

Ma ngat buzuna mi gazazi akulo zlapa kavungôna hawu ma ne avo’â ki tumiyô suma mbàna, mi tinizi irazi vazi mi an Ma didina; a arî mama.

Gat ta a hat á mbàd’id’a 18:3

Wana ni b’raud’a hi suma ngat buzuna d’a suma a hahle suma ngat buzuna a mba hazizid’a: Le namuhlâ d’oze timina ni, a mba he ma ngat buzuna bigid’a ki piplengâ ki bibirina mi.

Gat ta a hat á mbàd’id’a 18:4

Agi hum awu magi ma ne avo’â, gemena, süm guguzlud’a ki mbulâ zlapa ki tumus tumiyô magi suma a tchawazi avo’â mi.

Gat ta a hat á mbàd’id’a 26:2

nge nge pî adigagi mi yo ahle mam suma ne avok kur asine ma yam andaga d’a Ma didina Alo magina nga mi hagizid’a, mi tchuguzi kur gagalagad’a, mi i ki sed’ezi ata yima Ma didina Alo magina mba mi manam á tak tam mbei kuana.

Gat ta a hat á mbàd’id’a 32:14

A te mbul ambir amuhla kambir aho’â zlapa ki mbul tumiyôna ki mbul gamlâ ma Basan-na ki ma hi mbekmberinina. A tawu ma djivi ma kalâ, a tche süm guguzlu d’a gurud’unga.