Ndumba 14:34 - Bible azumeina

³⁴ Agi lagi burâ á d’u ambasa ni dok fid’i, agi mba zigi aneka hi tcho magid’a bizad’a dok fid’i mi; bur ma lara pî ni ngad’a yam bizad’a gagang. Hina wani, agi mba wagi ala ni ndaka á kak djangûna ki sed’enu.

Ndumba 14:34 Iomraidhean Croise

1 Amuleina 8:56

An le mersi mi Ma didina Alona ma he yima tuk tad’a mi mam suma Israel-lâ d’igi mam djin vunam avok dei na na. Kayam ndata, mi nda’î vun vun ma djin ma djivi ma mam djinim kazong mama Moise-sâ pet.

2 Sunda Hamuleinid’a 36:21

Ahle ndazina a le ná ndak vun zla d’a Ma didina mi dat avun ma djogom vunama Jeremi-d’a, kayam mi dala: Ambasa mba d’i ar djona gak bizad’a dok kid’iziya, gak ti dap yima ngattchi á tuk tat á ndak vun biza d’a ndat fe nga tuk tad’a kua d’uo d’a mi.

Sawal la giled’a 105:42

Kayam mi djib’er yam vun mam ma hle ma irat ma mi hlum mi azong mama Abraham-ma,

Sawal la giled’a 38:4

Tan ndi galeî woi abo ayî mangâ, asogon nga mi tan abo tcho manda.

Sawal la giled’a 77:8

Na ni Salad’a mi arei ni woi ki iram fafat tchu? Mba mi wei hohowei kua d’uo zu?

Sawal la giled’a 95:10

Bizad’a dok fid’i, an gol suma kur atchogoi ndatina d’igi vama ndjendjed’a na, an dala: Sum ndazina ni suma yazi vit teina, azi we nga lovot manda d’uo mi.

Ezekiyel 14:10

Ma djok vun máma ki ma mba mi djobom zlad’ina djak, a mba zi aneka hi tcho mazid’id’a kaziya,

Ezekiyel 23:35

Ni kayam ndata ba, an Salad’a Ma didina ni dala: Kayamba ndak aran ndei ndak han huyogoka, ndak mba d’i zi aneka hi sun mak ka batranga ki gaulang ma’îd’a mi.

Ezekiyel 4:5

An mba ni ndumung burâ ngad’a yam biza d’a azi le tchod’a kura, nala, 390. Ni hina ba, ang mba zi tchod’a hi Israel-lîd’a kangû.

Ezekiyel 4:6

Le bur máma mi dap wa ni, ang djok burâ yam bigang nga ndjufa, ang mba zi tchod’a hi suma Juda-nid’a gak burâ dok fid’i. Biza d’a lara pî, an mba ni ndumung burâ ngad’a kad’u.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Wana ni mbaktumba hi Oze-d’a 9:12

Le azi nga wul grozina pî, an mba ni yozi woi avok bei a djeng suma. Fata an mba ni wal ki sed’ezid’a ni zla d’a hohoud’a kaziya.

Sunda hi suma hi Levi-nid’a 20:19

Ar ang bur kabung wiyemba d’oze asung wiyeta d’i. Le sana mi bur ki sumamamba ni, azi djak a mba hlaneka hi tcho mazid’id’a.

Zakari 11:10

An hle totogo man nda a yat ala Sumad’a d’a, an kuzut tei á but vun man ma djin ma an djinim ki suma petna woyo.

Ndumba 13:25

Suma Moise mi sunuzi á d’u ambasina a leï burâ dok fid’i, a mba.

Ndumba 18:23

Suma hi Levi-na a mba le sunda kur zlub’u d’a ngaf tad’a, a mba zi aneka hi tcho mazid’a mi. Zla ndata arî gat ta didinda kagi kur atchogoi magi d’a lara ge pet. Azi mba fe djo ma ted’a aduk Israel-lâ d’i.

Ndumba 32:13

Ma didina hurum zal ngola ata Israel-lâ, mi tchazi tita abagei hur fulâ tata gak bizad’a dok fid’i gak suma a le tchod’a avoroma a dap pei pet.

Sunda hi suma a sunuzinid’a 13:18

Mi ve tam ki sed’ezi kur fulâ d’igi bizad’a dok fid’i na.

Gat ta a hat á mbàd’id’a 2:7

Kayam Ma didina Alo magina mi b’e vunam kagi yam sun nda pet ta agi nga lata, mi we tit magi d’a abagei hur ful ma ngol ma wanid’a mi. Gola! Bizad’a wan dok fid’i Alo magina mi nga ki sed’egiya. Va tu pî kid’agagi nga d’uo mi.

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

Josue 14:10

Gola! Ki tchetchemba, Ma didina nga mi ngomon ki arid’a d’igi mam de na. Ini bizad’a nda’î dok fid’i yam vahl ata yima Ma didina mi de zla ndata mi Moise-sâ. Ni kid’a Israel-lâ a nga tit abagei hur fulîd’a dei. Gola! Ki tchetchemba, bizan ni dok klavandi yam vahl.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.