Ndumba 14:33 - Bible azumeina

³³ Grogina a mba pol aho’â abagei hur fulâ bizad’a dok fid’i. A mba zi aneka hi tcho magid’a kazi gak mad’agi mi dap pei abagei hur fulâ tua.

Ndumba 14:33 Iomraidhean Croise

Sawal la giled’a 107:4

Israel suma dingâ a dau abagei hur fulâ, kur tit mazi d’a glovot hur ful ma gangrasîd’a. Azi fe nga azì ma kaka d’i.

Sawal la giled’a 107:40

Ma didina mi gol suma nglona hi suma a nga lazi magombina is, mi mbud’uzi suma daud’a abagei hur ful ma lovota nga kua d’uo na.

Sawal la giled’a 78:33

Wani mi tchazi woi atogo d’igi simetna mi kal na; mi dabazi bizazi woi ni ki mandarâ.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Ezekiyel 23:35

Ni kayam ndata ba, an Salad’a Ma didina ni dala: Kayamba ndak aran ndei ndak han huyogoka, ndak mba d’i zi aneka hi sun mak ka batranga ki gaulang ma’îd’a mi.

Wana ni mbaktumba hi Oze-d’a 9:1

Agi Israel-lâ, agi lagi furîd’a d’oze hur ma hapma d’igi andjaf suma dingâ na d’i, kayam agi walagi woi kAlo magina á lagi gaulangâ, agi nga minigi wurak ka ata yat tuo d’a ata yima lara ma a nga to gemena kuana.

Ndumba 32:13

Ma didina hurum zal ngola ata Israel-lâ, mi tchazi tita abagei hur fulâ tata gak bizad’a dok fid’i gak suma a le tchod’a avoroma a dap pei pet.

Ndumba 33:38

Ma ngat buzuna Aron mi djak akulo yam ahina d’a Hor-ra d’igi Ma didina mi hum vuna na. Mi mit kua kolâ kur bur ma avo’â hi til ma vahlîna kur biza d’a dok fid’i d’a bugol buzuk ka Israel-lâ a buzugï woi yam ambas sa Ezipte-d’id’a.

Ndumba 5:31

A mba we ndjuvut ala zla nga kam mbi. Wani atcha ndata mba d’i zi aneka hi tcho matid’a kad’u.

Sunda hi suma a sunuzinid’a 7:36

Ni Moise ba, mi buzuk Israel-lâ woi yam ambas sa Ezipte-d’a, mi lahle suma ndandalâ kahle suma simata kur andaga d’a Ezipte-d’a, kur alum ma ngol ma Tchereuna, kur fulâ bizad’a dok fid’i mi.

Gat ta a hat á mbàd’id’a 1:3

Kur biza d’a dok fid’id’a, kur bur ma avo’â hi til ma dogo yam tunina, Moise mi dahlena pet mi Israel-lâ d’igi Ma didina mi hum vuna á dazizi na.

Gat ta a hat á mbàd’id’a 2:14

Kid’a ei tcholei Kades-Barneya-d’a, ei lei bizad’a ni dok hindi yam klavandi gak ei djagei toliyon nda Zeret-ta. Suma dur ayî suma kur atchogoi ndatina a dap bod’a woi kur kangâ d’igi Ma didina mi gunuzi tam na.

Gat ta a hat á mbàd’id’a 2:7

Kayam Ma didina Alo magina mi b’e vunam kagi yam sun nda pet ta agi nga lata, mi we tit magi d’a abagei hur ful ma ngol ma wanid’a mi. Gola! Bizad’a wan dok fid’i Alo magina mi nga ki sed’egiya. Va tu pî kid’agagi nga d’uo mi.

Gat ta a hat á mbàd’id’a 29:5

Mi tid’ï ki sed’egi abagei hur fulâ bizad’a dok fid’i. Baru magi mi tumus nga woi atagi d’uo mi na, atuguru magi mi b’lak nga woi asegi d’uo mi.

Gat ta a hat á mbàd’id’a 8:2

Agi djib’eregi yam tit ta fiyak ka Ma didina Alo magina mi tinizi kagi á tita abagei hur fulâ gak bizad’a dok fid’id’a á hulongôgi yagi kä, á kugugi á we djib’er magid’a, na ni agi mba ngomogi vun mam ma hed’a d’oze ngomom mbuo zi ge d’a.

Gat ta a hat á mbàd’id’a 8:4

Kur biza d’a dok fid’i ndata baru magina mi tumus nga atagi d’i, asegi mi hop nga d’uo mi.

Josue 14:10

Gola! Ki tchetchemba, Ma didina nga mi ngomon ki arid’a d’igi mam de na. Ini bizad’a nda’î dok fid’i yam vahl ata yima Ma didina mi de zla ndata mi Moise-sâ. Ni kid’a Israel-lâ a nga tit abagei hur fulîd’a dei. Gola! Ki tchetchemba, bizan ni dok klavandi yam vahl.

Josue 5:6

Kayam Israel-lâ a le biza d’a abagei hur fulâ dok fid’i ki tita, gak suma dur ayî suma a buzugï woi avo Ezipte suma a hum nga vun Ma didina d’uo na, a dap peyo. Kayam Ma didina mi gunuzi tam ala azi mba kal kur ambas sa ambira ki mbul ayuma a nga sor kä kua d’a mi hle vunam kat mabuyozi ngolo á heizid’a d’i.