Ndumba 14:30 - Bible azumeina

³⁰ An gun tanu, agi mba kalagi kur ambas sa an hle vunan kat ala agi kalagi kuad’a d’i. Ni Kalep Jefune goroma ki Josue Nun goroma hol ba, a mba kal kua.

Ndumba 14:30 Iomraidhean Croise

Ad’u Tinda 14:22

Abram mi hulong de mamul ma Sodom-ma ala: An hlabon akulo avok Ma didina Alo ma sä akulo ma kal tegles ma lakulod’a kandagad’ina.

Sawal la giled’a 95:11

Ni na ba, kur hur man ma zala an gun tan ala: Azi mba kal kur ambas sa an nga hazizi á tuk tazi kuad’a d’i.

Buzuk ka Abud’a 6:8

An mba ni kalagi kur ambas sa an gun tan kat á hat mi Abraham Isak ki Jakob-pa, an Ma didina mba ni hagizi djona.

Ezekiyel 20:15

Ni an ba ni hlabon akulo hur fulâ, ni gunuzi tan ala an mba ni izi yam ambas sa an hazizi d’a ambira ki mbul ayuma a nga sor kä kua d’a djif fa kal ambas sa ding nga peta d’i.

Ezekiyel 20:38

An mba ni wal suma a tchol huneîd’a ki suma bei hum vuna woi avoron ki sed’egiya, an mba ni buzuguzï woi kur ambas sa azi nga kaka kuad’a, wani azi mba kal kur ambas sa Israel-la d’i. Hina wani agi mba wagi ala an ni Ma didina.

Ndumba 13:6

Ma ad’u andjafâ hi Juda-nina ni Kalep Jefune goroma;

Ndumba 14:24

Wani azong mana Kalep ma nga oîd’a ki muzuk ma dingâ ma nga mi tit yam zla mandina, an mba ni kalam yam ambas sa mam d’uta, andjavam mba mi tat djona mi.

Ndumba 14:38

Aduk suma a d’uï ambasina, Josue Nun goroma ki Kalep Jefune goroma a arî azi hol.

Ndumba 26:65

Kayam Ma didina mi dala: A mba bo woi abagei hur fulâ; sa tu pî mba mi ar ri, ni Kalep Jefune goroma ki Josue Nun goroma hol ba, a mba ara.

Ndumba 32:12

Ni Kalep Jefune gorom ma ad’u andjafâ hi Kenas-sâ ki Josue Nun goroma hol ba, a mba kala, kayam azi tit kur lovota hi an Ma didinid’a memet.

Vama ndum mbeina 10:6

Mi gun tam ki simiyê Alo ma nga kaka karid’a gak didin ma lakulod’a kahle suma kurutna pet kandagad’a kahle suma kurutna pet kalum ma ngolâ kahle suma kuruma pet mi na. Mi de woi ala: Djupa nga d’uo d’a.