Ndumba 14:14 - Bible azumeina

¹⁴ a de zla ndata mi suma kur ambas ndatina. Kayam ndata, azi hum ala ang Ma didina nga aduk sum mangâ, ang tagazi tang ira ki ira, ang tin d’ugul manga akulo kaziya, ang nga tit avorozi falei kur d’ugul la tchola gongzonga, ang nga tit andjege avorozi aduk aku d’a tchola gongzonga mi.

Ndumba 14:14 Iomraidhean Croise

Ad’u Tinda 32:30

Jakob mi yi yi máma ala Peniyel, kayam mi dala: An wAlona ki iranu, an nga karid’a mi.

Nehemi 9:12

Ki faleid’a ang tinizi d’ugula tchola avorozi gongzong, andjege ang tinizi akud’a tchola avorozi gongzong á b’o lovota woi avorozi á tita.

Nehemi 9:19

Yam we hohou mang nga kal teglesa ang arazi nga woi abagei hur fulâ d’i. Ang arazi nga bei tinizi d’ugula avorozi gongzong kur tit mazi d’a faleid’a d’i, ang arazi nga bei tinizi akud’a avorozi gongzong á b’o lovota woi avorozi kur tit mazi d’a andjeged’a d’uo mi.

Sawal la giled’a 105:39

Mi tin d’ugula á zlubuzi yaziya, mi tin akud’a á b’o yina andjege mi.

Sawal la giled’a 78:14

Faleya, mam nga mi tinizi ki d’ugula; andjege, nga mi tinizi ki b’od’a hakud’id’a mi.

Buzuk ka Abud’a 15:14

Andjaf suma dingâ a huma, a nga zlaga; mandarâ mi ve suma Filistê-na mi.

Buzuk ka Abud’a 33:11

Ma didina mi de zlad’a ki Moise avun tazi d’igi sana mi de zlad’a ki banama na. Bugola, Moise mi hulong kur kangâ, wani azong mama Josue Nun goroma mi ar kaka krovo kur zlub’ud’a.

Buzuk ka Abud’a 33:16

Le ang i nga ki sed’emi d’uo ni, ni nana ba, a mba wala ang wan hohowon ki sum mangâ ge? Ni tit ta ang tit ki sed’emid’a ba, a mba wala ang tinimi irami vami woi ki suma yam andagad’ina d’uo zu?

Buzuk ka Abud’a 40:38

Ki faleid’a d’ugula hi Ma didinid’a nga kulupa yam zlub’ud’a. Kandjeged’a akud’a hi Ma didinid’a nga yam Israel-lâ ad’u andjavazi tutu pet mi.

Ndumba 10:34

Ata yima azi hô kangâ á id’ina ki faleid’a, d’ugula hi Ma didinid’a nga tchola avorozi gongzong.

Ndumba 12:8

An dum zlad’a ni vuna ki vuna, an tagam tan ni kur adïd’a d’i; nga mi golon tchola avoromu. Ni kayam me ba, agi nga lagi mandarâ á de zlad’a yam azong mana Moise suo ge?

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 14:9

Jesus mi dum ala: Filip, an kak ki sed’egi dei gak ini, ang wan nga d’uo? Sama wana, mi wAbun mi. Ni nana ba, ang dala: Ang tagami Abung nge?

1 Korente-na 13:12

Ki tchetchemba, ei nga wei woi tetet ti, d’igi sana nga mi gol tam kur kotroma na. Wani ata yi máma ei mba wei tei ira ki ira. Wani ki tchetchemba, an we nga tetet ti, wani ata yi máma an mba ni we woi tetet d’igi Alona nga mi wan tetet na mi.

Gat ta a hat á mbàd’id’a 1:19

Moise mi de mi Israel-lâ kua ala: Bugol ahle ndazina, ei tcholei Horep, ei tid’i hur ful ma tcho ma duwa’â d’igi agi tagi wagizi na, ei hlei lovot ta yam ahina d’a Amor-ra d’igi Ma didina Alo meina mi hei vuna na, ei mbei Kades-Barneya.

Gat ta a hat á mbàd’id’a 34:10

Ma djok vun Alona ma tchol aduk Israel-lâ d’igi Moise ma Ma didina mi wum ira ki ira na na nga d’i.

Gat ta a hat á mbàd’id’a 5:24

Agi dagi ala: Gola! Ma didina Alo meina mi tagei subur mamba ki ngol mamba, ei humum delem aduk akud’a ini, ei wei ala Alona mi ndak á de zlad’a ki sana, sa máma mi ar bei matna mi.

Gat ta a hat á mbàd’id’a 5:4

Ma didina mi dagi zlad’a yam ahinad’a aduk akud’a ni kä iragi na.

Josue 5:1

Amulei suma Amor-râ pet suma sä kaka abo alum ma Jurdê-na woi abo ma fladegenina kamulei suma Kanan-na pet suma a nga kaka avun alum ma ngol ma Mediterane-na, a hum ala Ma didina mi so alum ma Jurdê-na woi avok Israel-lâ gak a djak keyo d’a. Huruzi ka mbina avok Israel-lâ, ad’engêzi d’a tchol avorozid’a nga d’uo d’a.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.