Ndumba 13:2 - Bible azumeina

² Ang sun suma á d’u ambas sa Kanan nda an nga ni hat mi Israel-lîd’a. Agi sunugi suma ad’u andjafâ habuyozina gagang, agi sunugi ni suma nglo suma avok sumina.

Ndumba 13:2 Iomraidhean Croise

Buzuk ka Abud’a 18:25

mi man suma nda’â aduk suma, mi tinizi yam suma dudubuna, yam suma kikisâ, yam suma dok vahl dok vahlâ, yam suma dodogona mi.

Ndumba 1:4

Agi hlagi sama ngolâ ad’u ades ma lara pî tutu á ndjunugiya.

Ndumba 11:16

Ma didina mi de mi Moise ala: Ang togon suma nglo Israel-lâ dok kid’iziya, suma ang wazi ala ni suma nglona avok suma na, ang mba ki sed’ezi avun zlub’u d’a ngaf tad’a, ar a tchol akulo ata yi máma zlapa ki sed’engû.

Ndumba 13:16

Wana ni simiyê suma Moise mi sunuzi á d’u ambasina. Mi tin Ose ma Nun goromina simina ala Josue.

Ndumba 13:3

Ni hur ful ma Paran-na ba, Moise mi sunuzi d’igi Ma didina mi hum vuna na. Sum ndazina pet ni suma avok Israel-lîna.

Ndumba 32:8

Abuyogi a le ni hina dedege kid’a ami nga Kades-Barneya ata yima an sunuzi á d’u ambasina.

Ndumba 34:18

Agi yogi suma nglona ad’u andjafâ gagang á b’rau ambasa.

Gat ta a hat á mbàd’id’a 1:15

Ata yi máma an yo suma avok andjavagi suma ned’a ki suma suma a wazina, an tinizi yam suma dudubuna, yam suma kikisâ, yam suma dok vahl dok vahlâ, yam suma dodogona; ni suma kad’enga yam ades maginina mi.

Gat ta a hat á mbàd’id’a 9:23

Kid’a ei nga kur Kades-Barneya-d’a, Ma didina mi suni mi dagi ala: Agi i hlagi ambas sa an nga ni hagizid’a. Ata yi máma, agi gagi nga yagi kä ad’u vun ma hed’a hi Ma didina Alo maginina d’i. Agi hagi nga gagazid’a kam mbi, agi gagi nga yagi kä ad’u zla mamba d’uo mi.

Josue 3:12

Agi yogi suma ad’u andjafâ hi Israel-lîna dogo yam mbà, agi hlagi sana ad’u andjafâ gagang.