Ndumba 11:31 - Bible azumeina

³¹ Ma didina mi tchol ki simet ma kur alum ma ngolîna, mi mba ki tcheged’a. Nga d’i yak kä yam kangâ gak ti ndezi woi keng ndak ir tit ta burâ tud’a ngui kangâ woi d’uhl. Molot ta kä andaga i akulod’a ndak go ki metred’a tu.

Ndumba 11:31 Iomraidhean Croise

Sawal la giled’a 105:40

Yam tchen mazid’a, mi hazi tcheged’a, mi hobozi kavu ma ndeï akulona mi.

Sawal la giled’a 106:15

Mi hazi vama azi tchenem kama, bugola, mi tchuguzi tugud’ei d’a tchod’a kaziya.

Sawal la giled’a 135:7

Nga mi ka d’ugula akulo avun dabid’a handagad’id’a, nga mi wile á se alona, nga mi buzugï simetna woi ata yi mam ma ngei ahlena.

Buzuk ka Abud’a 10:13

Moise mi hle totogo mamba akulo yam ambas sa Ezipte-d’a. Ma didina mi mbeï ki simet ma abo ma yorogonina yam ambasa. Simet ma abo ma yorogo máma, mi tin sira kur bur máma gak tcha avin yorogo, mi mba ki djera.

Buzuk ka Abud’a 10:19

Ma didina mi mbeï ki simet ma ngol ma abo ma fladegenina, mi tor djera atogo zak, mi kottcha kä kur alum ma ngol ma Tchereuna. Kur ambas sa Ezipte-d’a pet djer tu pî ti ar nga d’i.

Buzuk ka Abud’a 15:10

Ma didina, ang fo simet ma avunangâ; alum ma ngolâ mi hlubuzi kä! Azi sir kä d’igi lomba na aduk mbiyo ma d’id’ilima.

Buzuk ka Abud’a 16:13

Tcha fladeged’a Alona nde mi yagazï tcheged’a kä kur kangâ; tcha yorogod’a mbad’ïd’a ge ngui kangâ.

Ndumba 11:30

Moise ki suma nglo suma avok Israel-lîna a buzuk a i kur kangâ.