Ndumba 11:22 - Bible azumeina

²² Na ni a ngad’azi naho’â kamuzleina pet ba a ndagazi zu? D’oze a togozi ni kuluf ma hur alum ma ngolîna pet ba, ni ndagazi zu?

Ndumba 11:22 Iomraidhean Croise

2 Amuleina 7:2

Azigar ma ndjun amulâ ma mam nga mi deng tam atama, mi de mi Elise ala: Le Ma didina mi mal ir akulod’a mi yagï awuna kä pî, zla d’a ang dat wanda mba d’i le zu? Elise mi hulong dum ala: Ang mba wum ki irangû, wani ang mba tum mbi!

Ndumba 11:13

An mba ni fe hliuna ni lara ba, ni hum mi sum ndazina hina pet ke? Kayam a nga tchi kan ala: Ang hami hliu ma mutna.

Ndumba 11:21

Moise mi dum ala: Suma an adigazina a ni 600.000, wani ang dala ang hazi hliuna azi tum tilâ sobu ni!

Ndumba 11:23

Ma didina mi hulong de mi Moise ala: Na ni an kid’ak su? Ki tchetchemba, ang mba we zla d’a an data mba d’i le d’oze mba d’i le d’uo, ang mba we.

Matiye 15:33

Mam suma hata a djobom ala: Ei mba fei avungôna ni lara abagei ka hî á hop ablau sum ndazina ge?

Marik 6:37

Jesus mi hulong dazi ala: Agi tagid’a ba, hazi tena. Wani azi dum ala: Ami i guzumi tena ir bege d’a hapa kikis mbà á hazi á te zu?

Marik 8:4

Mam suma hata a hulong dum ala: Ei mba fei avungôna ni lara abagei ka hî á hop sum ndazina ge?

Wana ni Zla d’a Djivi d’a Luc mi b’irita 1:18

Wani Zakari mi de mi malaikana ala: Ahle ndazina a mba le ni nana ge? Kayam me ami kamanda djengêmi mamara da’.

Wana ni Zla d’a Djivi d’a Luc mi b’irita 1:34

Marie ti de mi malaikana ala: Va mama mba mi le ni nana ge? Kayam an zlap nga ki mandjuf fi.

Jean 6:9

Gogorâ nga ka hî kavungô orsâ vahl ki kulufâ mbà abomu, wanda mi ndak ablau suma tchotcho ndazina d’ang zu?