Nahum 3:15 - Bible azumeina

¹⁵ Ata yi máma akud’a mba d’i ngalangû, mbigeu d’a fiyaka mba d’i kang ngeyo, a mba tang d’igi abureina a tahlena na. Ar sum mangâ a zul d’igi abureina na, ar a zul d’igi djera na mi.

Nahum 3:15 Iomraidhean Croise

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Isai 66:16

Ni kakud’a ba, Ma didina nga mi ka sariya mamba, nga mi ngop suma pet ki mbigeu d’a fiyaka. Ablaud’a a mba bo abo Ma didina.

Jeremi 51:14

Ma didin ma ad’engêm kal petna mi gun tam ki mam tamba ala: Gagazi, an mba ni oî suma kuruk d’igi djera na, a mba siwel siwel la ayîna kagu.

Joel 1:4

Vama dodob’odjod’a ti arama, djera mba d’i tumu; vama djera ti arama, teb’rezena mba mi tumu; vama teb’rezena mi arama, djer galagana mba mi tum mi.

Joel 2:25

An mba ni wuragagi yam biza d’a dodob’odjod’a ki djera ki teb’rezena ki djer galagana suma an sunuzi á b’lagagi ahligiyegi woi kuad’a.

Amos 7:1

Wana ni vama Salad’a Ma didina mi tagandji ata yima vana nde tam mbei irana: Ata yima asuna nga mi tin ad’ud’a á d’ufâ bugol ma a ngad’am ma amulîna, mi le djera.

Nahum 2:13

Azlona nga mi ve, nga mi kizak vama mi vuma mazlod’a ki grot suma gureina, nga mi oî domi mama ki hliwa vama mam vum mi kizagam mbeina mi.

Nahum 3:13

Azigar mangâ a mbut ni d’igi aropma na kurungû. Vun agre’â hambas mangina mi mal lei hotot mi mang suma djangûna, akud’a ti ngal wa kawei ma murguli ma avun agrek mangîna woyo.

Sofoni 2:13

Ma didina mba mi hlabom akulo á ngop suma abo ma norâ, mba mi dap suma Asiri-na woyo, mba mi mbut azì ma ngol ma Ninif-fâ djona, mba mi mbud’um hur ful ma so ma gangrasâ.