Mise 7:8 - Bible azumeina

⁸ Mami ma djangûna, ar ang le furîd’a kami d’i! Le ami pugumi kä pî, ami mba hulong tcholomi akulo; le ami nga kaka kur nduvunda pî, Ma didina ni b’o mamid’a.

Mise 7:8 Iomraidhean Croise

Wana ni mbaktumba hi Job-pa 31:29

An le nga furîd’a yam man ma djangûna ata yima ndaka mba kama, d’oze an pir nga akulo ki furîd’a ata yima zla d’a tchod’a fuma d’uo mi.

Sawal la giled’a 112:4

Ata yima yina mi mbut nduvundina, b’od’a nga d’i b’o woi yam suma d’ingêrâ, yam suma d’engzengâ, yam suma a le djivid’ina, yam suma a we hohowa sumina mi.

Sawal la giled’a 143:3

Ma djangûna nga mi diginu, nga mi mired’en kä andaga, nga mi zud’un kur yima nduvunda d’igi suma a bo adjeu dedeina na.

Sawal la giled’a 20:8

Suma dingâ a tin huruzi ni yam pus mazi ma dur ayîna, suma dingâ a tin huruzi ni yam akulumei mazina, wani ei tini huri ni yam Ma didina Alo meina.

Sawal la giled’a 27:1

Ni sawal la David mi hlata. Ma didina ni b’o manda ni ma sud’una; ni nge ba, an mba ni lum mandaram nge? Ma didina ni ma ngomona; ni nge ba, an mba ni zlak abom nge?

Sawal la giled’a 35:19

Ar suma a kak djangûna ki sed’en hawa ya’â a le furîd’a kan ndi, ar suma a noyôn hawa ya’â a fon avilid’a d’i.

Sawal la giled’a 37:21

Sama asa’atna mi nde balâ abo sana, nga mi wuragam mbi; wani sama d’ingêrâ mi we hohou sana, mi hum hawa.

Sawal la giled’a 37:24

Le mi puk kä pî, nga mi ba kä d’i, kayam Ma didina nga mi vum abom akulo.

Sawal la giled’a 38:16

Ma didina, an tin hurun ni kang angû; Salad’a Alo mana, ang mba hulongôn humba.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Sawal la giled’a 97:11

B’od’a nga d’i b’o yam suma d’ingêrâ; suma huruzi d’ingêra a nga le furîd’a mi.

Isai 2:5

Agi suma hi Jakob-ma, agi mbeyegïya. Ei tid’i kur b’od’a hi Ma didinid’a.

Isai 49:9

á de mi suma kur dangeinina ala: Agi buzugugi woyo, á de mi suma a nga kur nduvundina ala: Agi buzugugi woyo mi. Azi mba te hatna avun lovota d’igi tumiyôna na, azi mba te hatna akulo yam yima ndingâ pet mi.

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Isai 9:2

Ma didina, ang mba zuluziya, ang mba tinizi á le furîd’a, a mba le furîd’a avorong d’igi suma a nga le furîd’a ata yima fet awunina na, d’igi suma a nga er ad’uzi akulo ki hur ma hapma ata yima a nga b’rau ahle suma a yozï avun ayînina na mi.

Jeremi 48:27

Agi suma Mowap-ma, agi gologi Israel-lâ ni vama sanda iragi adjeu d’uo zu? Adjeu agi ndumuzi naduk suma kula, agi nga dagi zla mazid’a ni ki yam mba kidjika mi d’uo zu?

Jeremi 50:11

Agi suma hurumugi sum manina, djiviya, agi kagagi ki furîd’a, agi ayâgiya, agi dubaragi d’igi amuhl hla wei d’a afefeta na, agi togi breîd’a d’igi akulumei suma sib’ika na.

Jeremi 8:4

Ma didina mi dan ala: Ang Jeremi, ang dazi ala: Le sana mi puk kä ni, mba mi tchol akulo d’uo zu? Le sana mi vit tei kur lovota ni, mba mi hulongî balum asem mbuo zu?

Ezekiyel 25:6

Salad’a Ma didina mi dala: Agi tchagi abogi agi pirigi akulo agi lagi furîd’a kuruk krovo yam ndaka hi sum man suma Israel-lîd’a, agi golozi is mi.

Ezekiyel 35:15

Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.

Ezekiyel 36:5

An Salad’a Ma didina ni dala: Gagazi, kur hur ma zal man ma gugulu’â ki yungôr mana an nga ni de zlad’a mandjaf suma dingâ ki suma Edom-ma pet suma a mbut ambas manda mazid’a ki furî mazi d’a kuruzid’a ki gol is mazid’a tala a hurumut ahligiyed’u d’a.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Abdiyas 1:12

Agi suma Edom-ma, nga djivid’a agi lagi furîd’a yam b’oziyogi suma Juda-na kur bur ma azi nga kur ndakina d’i, nga djivid’a agi lagi furîd’a ata yima b’laka mba kazina d’oze agi sanagi ad’uzi kur bur ma azi nga kur pupulukina d’uo mi.

Mise 4:10

Agi tchagi tata abo ndaka, agi zamagi tagi d’igi atcha d’a ti nde vutid’a na, agi buzugugi woi kur azì ma ngolâ, agi i kagagi sä abageya, agi igi gak Babilon. Ata yi máma Ma didina mba mi prud’ugi woyo, mba mi prud’ugi woi kua abo magi suma djangûna.

Mise 7:10

Ang mami ma djangû ma dami ala: Ma didina Alo magina mi nga ni lara ge na, ang mba we, ang mba mbut zulona. Ami mba somi irami kang ata yima a mba mired’eng kä d’igi suma a miret lubuna kä ir palumba na na.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

Matiye 4:16

suma a nga kaka kur nduvundina a we b’o d’a ngola, suma a nga kaka kä ad’u angus matnina, b’od’a ti nde woi kazi mi d’a.

Jean 16:20

Gagazi, an nga ni dagiya, agi mba tchigi tchi ma hohoud’a, wani suma kur duniyad’ina a mba le furîd’a. Agi mba kagagi ki hur ma wurana, wani hur ma wura magina mba mi mbut hur ma hapma.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

2 Korente-na 4:9

Azi nga djobomi vunamiya, wani Alona arami nga woi d’i; a nga mired’emi kä andaga, wani ami bomi nga d’uo mi.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.