Mise 7:18 - Bible azumeina

¹⁸ Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Mise 7:18 Iomraidhean Croise

Ad’u Tinda 4:7

Ang le le djivid’a ni, ang mba te kad’u; le ang le djivid’a d’uo ni, tchod’a ti nga grifa kä avun agrek mangâ; ti min á te kangû, wani mbeî ang te kad’u.

1 Amuleina 8:23

mi dala: Ma didina Alona hi Israel-lîna, alo ma hle tam d’igi ang na ma sä kur akulod’a d’oze ma ka hî yam andagad’ina nga d’i. Ang nga ngom vun mang ma djinda, ang mba le o d’a bei dabid’a kazungeî mang suma a nga tit avorong ki hur ma tunina.

2 Sunda Hamuleinid’a 30:9

Le agi hulongôgï gen Ma didina ni, b’oziyogina ki grogi suma a yozi magombina a mba wazi hohowoziya, a mba hulongî kur ambas sa wanda. Kayam Ma didina Alo magina ni ma sumad’a, ni ma we hohou sumina. Le agi hulongôgi gevemu ni, mam mba mi hagi azigam mbi.

2 Sunda Hamuleinid’a 6:21

Ang hum yi d’a teteng nga an azong mangâ nga ni yanga; yi d’a mang suma Israel-lâ a nga yang ini ata yi mámid’a, ang humumi mi. Ma didin ma sä akulona, ata yima ang nga kaka kuana, ang humumiya, ang vat hurung ngei kami mi.

Nehemi 9:17

Azi noî á ge yazi kä avorongû, a mar rei yam ahle suma djivi suma ang nga lazi kazina, a le yam mba ad’enga, kur so vun mazina a man sana avorozi tu á hulong kur magom mazid’a. Wani ang Alo ma nga vat hurung ngei atogo za’â, ma sumad’a ma we hohowa sumina, ma hurung nga zal atogo zak kuo na, ma djivi ma kal teglesâ, ang arazi nga woi d’i.

Sawal la giled’a 103:13

Ma didina nga mi le yam mam suma d’engzengâ d’igi abud’a nga mi le yam groma na mi.

Sawal la giled’a 130:4

Wani angî ma vat hurung ngei yam sumina. Ni kayam ndata ba, ami nga hungû.

Sawal la giled’a 35:10

An mba ni de zlad’a ki hurun pet ala: Ma didina, ni nge ba, mi ndak d’igi ang na ge? Angî ma sut sama hohoud’a woi abo sama ad’eng mamba kalama, ang nga sut ma hohoud’a ki ma houd’a woi abo suma a nga hurumuzi ahle mazinina.

Sawal la giled’a 65:3

Ang ma nga hum tchendina, suma pet a mba mba atangû.

Sawal la giled’a 65:4

Tcho mamid’a kal kami ngola, wani ang vat hurung ngei kad’u.

Sawal la giled’a 71:19

Alo mana, d’ingêr manga ti kal akulo gak hur alona, kayam ang lahle suma nglo suma kal papana. Alo mana, ni nge ba, a mba ngam ki ang nge?

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Sawal la giled’a 89:6

Ma didina, ar ahle suma ang lazi sä kur akulod’ina a gileng yam sun nda atchap pa ang lata, ar mang suma akulona a gileng d’engzeng manga kur tok mazid’a mi.

Sawal la giled’a 89:8

Angî ma ngol ma kal tegles ma de d’alâ aduk toka hi malaikanid’a, angî ma kal papana aduk suma akulo suma a nguyungâ.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Buzuk ka Abud’a 34:9

Mi dum ala: Salad’a, le ang wan hohowonu ni, ar ang tit adigamiya, kayam sum ndazina ni suma bei hum vuna, ang vat hurung ngei yam tchila mamid’a ki tcho mamid’a, ang mbud’umi sum mangâ mi.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Isai 33:24

Sama nga kaka kurut ma mba mi dala: Tugud’eid’a lanu na nga d’i. Suma a nga kaka kur Jerusalem-ma pet, Alona mba mi vat hurum mbei yam tchila mazid’a mi.

Isai 38:17

Gola! Hur man ma b’laka mi mbut ni furî manda. Ang tang lan djivid’a, ang prud’un ndei avun matna, kayam ang tchuk tcho manda sä woi blogong dei.

Isai 40:18

Agi min á ngagi Alona ni ki me ge? Angus vama tchet ma vragam blangâma ni me ge?

Isai 40:25

Ma bei tchod’a ba na mi dala: Agi ngan ndi ni ki nge ge? An hle tan ni ki nge ge?

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Isai 57:10

Kur tit magi d’a kad’engid’a agi kawagiya, wani agi nga dagi ala: Ei areya d’i, agi fagi ad’eng nga dinga kua, agi nga seyêgi d’uo mi.

Isai 57:16

An mba ni tchol ad’enga hina gagak kuo, an mba ni zal hurun hina baba d’uo mi. Le d’uo ni, suma an lazina, a mba kau a bo woyo.

Isai 62:5

D’igi gor azongâ mi ve gor weid’a na, hina mi, gro’â a mba mbut ni d’igi ndjuvuk na, d’igi gor weid’a a teleta ti ni furîd’a hi ndjuvut ma mi teletna na, hina mi, ndak mba d’i mbut ni furîd’a hAlo ma’îd’a mi.

Isai 64:9

Azì mang ma nglo ma a tinim iram vama mi mbut wa fulâ, Siyon ti mbut wa fulâ mi. Jerusalem ti ar wa samba agra mi.

Isai 65:19

An mba ni mbut Jerusalem hur man ma hapma, sum mana ni furî manda mi. A mba hum siwela hi tchina d’oze wulula kurut tuo mi.

Jeremi 3:12

Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.

Jeremi 3:5

Agi nga dagi tagi ala: Mam mba mi zal hurum kei hina baba zu? Mam mba mi vei kurum hina baba mi zu? Wana ni zla d’a agi nga data. Wan pî agi nga lagi tchod’a, agi nga igi avogovok á lagi min magid’a.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Jeremi 32:41

Tan mba d’i lan djivid’a á lazi djivid’a, an mba ni kagazi kur ambas sa wanda ki hurun tu ki muzugan tu mi.

Jeremi 33:8

An mba ni mbud’uzi woi yed’et kur tcho mazi d’a pet ta azi lat avoronda, an mba ni vat hurun ndei yam tcho mazi d’a azi lat avoron a son vunan ndeid’a mi.

Jeremi 38:8

Ebet-Melek mi nde woi kur azì ma amula, mi i dum ala:

Jeremi 50:20

Ma didina mi dala: Kur bur máma, ata yi máma, a mba hal tchilad’a hi Israel-lîd’a, a mba fat ti, a mba hal tchod’a hi suma Juda-nid’a, a mba fat tuo mi. Kayam an mba ni vat hurun ndei yam suma an mba ni arazina.

Jeremi 9:24

Le sana mi min subur tam ala mam mi ma ned’a ni, ar mi wanu, ar mi wala an ni Ma didin ma nga ni le djivid’a, nga ni ka sariya d’a d’ingêra, ni Ma d’engzeng ma yam andagad’ina mi. Wana ni sama an tan lan djivid’a heî kama. An Ma didina ni de na.

Ezekiyel 18:23

Salad’a Ma didina mi dala: Na ni an min ala ma asa’atna mi mid’a zu? An min ala mi djok tit mamba mi kak karid’a.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ezekiyel 33:16

An mba ni djib’er yam tcho d’a mi lata tu d’i. Mi le ni sun nda d’ingêr ra irata. Kayam ndata, mam mba mi kak karid’a.

Daniel 9:9

Ang Salad’a Alo mamina, we hohoud’a ki hur ma vata a tcholï natangû, kayam ami song vunangû.

Wana ni mbaktumba hi Oze-d’a 14:2

Agi mbeyegï ki zla d’a avunagid’a gen Ma didina, agi dum ala: Ang vat hurung ngei yam tchila mamid’a pet, ang vami atang ki djivid’a. Ami mba suburung ki vunami kal la ami hang amuhlîd’a.

Wana ni mbaktumba hi Oze-d’a 14:5

An mba ni mbut kazi ni d’igi mbad’ïd’a na, azi mba b’o d’igi tamasa na, sideyezi mba mi sir kä d’igi agu ma Liban-na na mi.

Joel 2:32

Ata yi máma sama lara pî ma mba mi yi Ma didina á ndjunuma, mba mi fe suta, kayam a mba fe yima ngeid’a yam ahina d’a Siyon-nda avo Jerusalem yam suma a mba sutna d’igi Ma didina mi de na. Ni suma mam mba mi yazi á sutina.

Amos 1:11

Ma didina mi dala: Suma Edom-ma a nga i avogovok kur tchod’a wan pî, an mba ni djok vunan yam zla d’a an data d’i. Kayam azi dik b’oziyozina ki mbigeu d’a fiyaka, a we nga hohowa sa d’i, a djulul kayî mazina, a i avogovok ki hur mazi ma zala bei ara ba mi,

Amos 7:8

Ma didina mi djobon ala: Amos, ang we ni me ge? An hulong ni dum ala: An we ni plom ma d’op gongâ. Mi hulong dan ala: Gola! An nga ni tin plom ma d’op gongâ aduk man suma Israel-lâ, an mba ni vat hurun ndei yam gun mazid’a d’uo d’a.

Amos 8:2

Mi djobon ala: Amos, ang we ni me ge? An hulong ni dum ala: An we gagalagad’a ki vud’agu ma ned’a kuru. Ma didina mi hulong dan ala: Dabid’a mba wa yam man suma Israel-lâ da’, an mba ni vat hurun ndei yam tcho mazid’a d’uo d’a.

Jonas 4:2

Mi tchen Ma didina, mi dum ala: Ma didina, wana ni zla d’a an dat kurun kid’a an sä yam ambas mandid’a d’uo zu? Ni kayam ndata ba, an hal lovota atogo zak á ring Tarsis, kayam an we angî Alo ma djivi ma we hohowa suma, hurung nga mi zal atogo d’i, djivi manga kal ngola heî mi. Angî ma nga djok djib’er manga yam vama ang ngam kurung á led’ina.

Mise 2:12

Ma didina mi dala: Agi andjafâ hi Jakob-ma, an mba ni togogï ki zla tagi pet, an mba ni togogi agi Israel-lâ ad’ugi d’a ara. An mba ni togogi d’igi a tok tumiyôna kur kangâ mazina na, d’igi a tok d’uwarâ ata yam ma te hatna na. Agi mba togogi ni tok ka ablau d’a vuna kat gandjaud’a.

Mise 4:7

Suma dileîd’a an mba ni sud’uziya, suma a yozi magomba woi adjeu deina a mba mbut andjaf ma sib’ika. An Ma didina mba ni te kazi yam ahina d’a Siyon-nda tinï ad’ud’a ata yi máma dei gak didin.

Mise 5:3

Gor ma a vud’um máma mba mi polozi kad’enga hi Ma didinid’a ki ngola hi Ma didina Alo mamid’a. Azi mba kak ki halasa, kayam suma a suburum gak avun dabid’a handagad’id’a.

Mise 7:14

Ma didina, ang pol sum mangâ ki totogo manga, azi sumala ni djo mangâ na, ni suma a nga kaka sä woi abagei aduk agu d’a Karmel-la na, ang polozi kur Basan ki Galät d’igi ang polozi adjeu na.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Ndumba 23:21

Mi we nga tchod’a ata andjafâ hi Jakob-ma d’i. Mi we nga bei d’ingêra ata Israel-lâ d’uo mi. Ma didina Alo mazina mi nga ki sed’eziya. A nga hum del la subur amulâ nadigaziya.

Wana ni Zla d’a Djivi d’a Luc mi b’irita 15:32

Wani djivid’a ei lei furîd’a, ei kagei ki furîd’a, kayam wiyeng ma d’igi mit tei na na, mi zlit wa; mi vit teyo, an fum wa da’.

Wana ni Zla d’a Djivi d’a Luc mi b’irita 24:47

A mba tin ad’u tchi wala ki simiyêm yam zla mbut hurâ yam tchod’a á fe hur ma vata ata Alona yam tchod’a navo Jerusalem gak i ata andjaf suma pet.

Romê-na 11:4

Wani Alona mi hulong dum nana ge? Mi dala: An ngom nga suma kan dudubu kid’iziya suma a grif nga kä avok alo ma a yum ala Bäl-lâ á kud’urom mbuo na.

Gat ta a hat á mbàd’id’a 33:26

Moise mi de kua ala: Jesurun, alo ma ding ma d’igi Alo mangâ na na nga d’i. Nga mi djï kur akulod’a á ndjunungû, nga mi tit kur d’ugula ki subur mamba.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.