Mise 7:14 - Bible azumeina

¹⁴ Ma didina, ang pol sum mangâ ki totogo manga, azi sumala ni djo mangâ na, ni suma a nga kaka sä woi abagei aduk agu d’a Karmel-la na, ang polozi kur Basan ki Galät d’igi ang polozi adjeu na.

Mise 7:14 Iomraidhean Croise

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Sawal la giled’a 143:5

An nga ni djib’er yam bur ma adjeuna, an hulong nga ni djib’er yam sun manga, an nga ni djib’er yam sun nda ang lat kabonga mi.

Sawal la giled’a 28:9

Ang sut sum mangâ, ang b’e vunang yam mang suma ang tazi djonina, ang poloziya, ang ngomozi burâ ki burâ.

Sawal la giled’a 95:7

Kayam mam mi Alo meina, ei ni suma mi poleina, ei nades tumiyô mam suma mi ngomeina. Ini agi humugi zla d’a mi data. Mi dala:

Buzuk ka Abud’a 33:16

Le ang i nga ki sed’emi d’uo ni, ni nana ba, a mba wala ang wan hohowon ki sum mangâ ge? Ni tit ta ang tit ki sed’emid’a ba, a mba wala ang tinimi irami vami woi ki suma yam andagad’ina d’uo zu?

Sawal la kal teglesa 4:1

Mi dala: Ndak ka an le kak heîd’a, ndak ki djif heî, ndak ki djif heî. Irak ki djifâ krovo kur baru d’a zlupa kaka ni d’igi gugud’a na. Tumus sa kaka ti ni d’igi ades b’ogei suma a nga i sulugota kä yam ahina d’a Galät-tina na.

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 37:24

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Isai 65:10

Saron mba d’i mbut ni yima pol d’uwar man ma gureina, hor ra Akor-ra mba d’i mbut ni kangâ ma burâ hi d’uwar ma nglona yam man suma a halana.

Jeremi 49:31

Ma didina mi dala: Agi tchologi akulo, agi igi ata andjaf ma nga kaka tchugotna, ata suma a nga kaka halasâ. Azi nga ki bapma d’oze kawei ma murgulina atam mbi, a ni kaka woi vazi hina tchilang.

Hor ma tchina 1:7

Ata yima Jerusalem ti nga kur hohoud’a nga d’i tcha tata na, ti djib’er yam ahle suma djivi suma ndat nga ki sed’ezi adjeuna pet. Ata yima sum matna a ndabo mazi suma a lazi murud’umbina bei ti fe sa á ndjunut ba na, mat suma djangûna a wad’u, a nga san ad’u puk mat ta kä d’a.

Hor ma tchina 5:21

Ma didina, ang hulongômï gevengû, ami pî mba hulongômï geveng mi. Ang hulongômi kur subur mamid’a d’igi d’a adjeud’a na.

Ezekiyel 36:11

An mba ni zul suma ki d’uwarâ kagiya. Azi mba zula, a mba vut grona ablaud’a. An mba ni kak suma kagi d’igi avok na, an mba ni lagi djivid’a kal la avoka. Hina wani, agi mba wagi ala an ni Ma didina.

Sunda hi suma hi Levi-nid’a 27:32

Le ni d’uwar ma nglona d’oze ma gureina ni, ata yima a ndumuzina, a hazi dima, a tinizi irazi vazi mi an Ma didina ki irazi fafatna.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Abdiyas 1:19

Suma Juda-na a mba hlahinad’a hi Esau-d’a, suma a nga kaka kä ata yima ligitimina a mba hlahinad’a hi suma Filistê-nid’a, a mba hle leud’a hi suma Efraim-mid’a ki d’a hi suma Samari-nid’a, suma hi Benjamin-na a mba hle Galät mi.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Sofoni 3:13

Israel suma a mba arâ a mba le tchod’a d’i, a mba ka zla d’i, a mba fe zla d’a mbut ira avun sa adigazi d’uo mi. Wani azi mba fe yima te hatna, a mba tuk tazi bei sa mi mbud’uzi mandar ba.

Zakari 10:10

An mba ni buzuguzï woi yam ambas sa Ezipte-d’a, an mba ni togozï woi Asiri, an mba ni mbazi yam ambas sa Galät-ta ki d’a Liban-nda, yina mba mi ndagazi d’i.

Zakari 11:7

An nga ni pol tumiyô suma a tchuguzi á ngatina. Gagazi, azi ni tumiyô suma hohoud’a. An yo tutuguyona mbà, an yi d’a hî d’a ala Sumad’a, an yi d’a hî d’a ala Zlap pa tud’a, an pol tumiyô ndazina.

Malatchi 3:4

Ata yi máma he d’a hawad’a hi suma Juda-nid’a ki d’a hi suma Jerusalem-mid’a mba d’i mbut djivid’a ir Ma didina d’igi kur bur ma avo’â na, d’igi kur biza d’a kal leid’a na mi.

Ndumba 23:9

An wazi akulo yam ahuniyôna yazi d’a ked’iwurenga. An golozi akulo yam ahuniyô suma djodjohlâ. Gola! Ni suma yazi ma kaka iram vama, ni suma a nga zlapa kandjaf ma dingâ tu d’uo na.

Ndumba 32:1

Andjafâ hi Ruben-na kandjafâ hi Gad-na a ki d’uwarâ ablaud’a heî. A wala ambas sa Jazer-ra ki d’a Galät-ta nambas sa djivid’a yam d’uwarâ.

Ndumba 32:4

nambas sa Ma didina mi hlat mablaud’a hi Israel-lîd’a, nambasa djivid’a yam d’uwarâ. Wani ami azungeî mangâ, ami nga ki d’uwarâ mi!

Matiye 2:6

Ang azì ma Betelehem ma yam ambas sa Juda-d’ina, ang nga gogora aduk azì ma Juda-na d’i, kayam ma te yamba mba mi ndeï ni kurungû, mba mi pol man suma Israel-lâ.

Jean 17:16

Azi ni suma hi duniyad’ina d’i, d’igi an ni hi duniyad’ina d’uo na mi.

Gat ta a hat á mbàd’id’a 33:28

Israel-lâ a kak ki halasa, andjafâ hi Jakob-ma mi nga ni kaka woi vam yam ambas sa nga d’i wul awuna ki guguzlud’a heîd’a, akulod’a nga d’i ge mbad’ïd’a kazi mi.