Mise 6:7 - Bible azumeina

⁷ Ma didina mi min ni gamlâ ma dudubuna d’oze mbul ma mi djang d’igi mbiyo aluma na na zu? Ei hei ni gurei suma a vut avo’â vama ngat buzu ma ngala yam tchila meid’a ki tcho meid’a zu?

Mise 6:7 Iomraidhean Croise

2 Amuleina 16:3

Mi tit ni kur lovota hamulei suma Israel-lîd’a, mi i gak mi ngal goroma woi kakud’a d’igi vama ngat buzu ma ngala na. Ni sun nda ndjendje d’a andjaf suma Ma didina mi digizi woi adjeu avok Israel-lîna a lata.

2 Amuleina 21:6

Mi he goroma vama ngat buzu ma ngala, mi vandjaf kumana teteng, mi nga mi djop fileina, mi tin suma a djop ki suma azulei suma a nga de zlad’a yam vama nga mbana mi, mi le sun da tchod’a ngola avok Ma didina á zalam hurumu.

2 Amuleina 23:10

Josiyas mi b’lak yima Tofet ma nga avun hor ra Hinom-mba, kayam sa mi ngal gorom mandjuf foze gorom mba atcha kakud’a á he ngola malo ma Molo’â d’uo d’a.

2 Amuleina 3:27

Ata yi máma amul ma Mowap-ma mi ve gorom ma ngol ma mba mi vrak tamula blangâma, mi hum vama ngat buzu ma ngala yam gulumuna hazinina. Kayam ndata, Israel-lâ huruzi zal ngola. Kayam ndata, a tchol a hulong avo hataziya.

Wana ni mbaktumba hi Job-pa 29:6

an mbus asen ni ki mbul ambira, ahinad’a nga d’i djangî mbulâ kan kä d’igi toliyonda na mi.

Sawal la giled’a 50:9

An mba ni vamuhl ma avo hatagi tu d’i, d’oze mbekmbere ma kur kang magi tu d’uo mi,

Sawal la giled’a 51:16

Alo mana, Alo man ma suta, ang vat hurung ngei kan yam sama an tchuma, ar an de woi yam d’ingêr manga.

Sawal la giled’a 51:18

Kayam tang nga d’i lang djivid’a yam vama ngat buzu ma an nga ni hangzina d’i, tang nga d’i lang djivid’a yam vama ngat buzu ma ngala d’uo mi.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 21:3

Tit ta yam d’ingêra ki gagazid’id’a ni vama le Ma didina tam djivid’a kal ahle suma ngat buzunina.

Isai 1:1

Mbaktum ndata nga d’i de zla sun nda teteng nga Alona mi ndat tei ir Isai Amot goroma yam leu d’a Juda-d’a kazì ma ngol ma Jerusalem-mid’a. Mi ndumuzi woi ni kur atchogoid’a hi Oziyas ki Jotam ki Ahas ki Ezekiyas amulei suma Juda-nid’a.

Isai 40:16

Agu d’a Liban-nda ti ndak nga á vakud’a yam yima ngal ahle suma ngat buzuna d’i, d’uwar matna mi ndak nga á he he d’a hawa d’a ngala d’uo mi.

Jeremi 19:5

Azi min yina akulo ata yima ndingâ mi Bäl á hum grozina he d’a hawa d’a ngala. Nahle suma an he nga vuna kazi d’oze ni de nga zla kazi d’oze a tcholï nga nata djib’er manda d’uo na mi.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Jeremi 7:31

A min yima tuwal fileina ata yima Tofet-na kur hor ra Ben-Hinom-mba á ngal grozi suma andjafâ ki grozi suma aropma kua. Ni vama an he nga vuna kam mbuo na, ni djib’er ra tcholï nata an nduo d’a mi.

Ezekiyel 23:37

kayam a he tazi á le mizeuna, a tchi suma mi. A le mizeuna ki filei mazina, a he grozi suma a vud’undjina vama ngat buzu ma ngala woi kakud’a mi.

Wana ni mbaktumba hi Oze-d’a 5:6

Azi mba i ki tumiyô mazina kamuzlei mazina á halan an Ma didina, wani azi mba fan ndi, kayam an wal tan ndei dei ki sed’eziya.

Wana ni mbaktumba hi Oze-d’a 6:6

Kayam an min ni d’engzenga, nga ni buzu ma ngata d’i; agi wan an Alona kal la agi han ahle suma ngat buzu suma ngalid’a.

Sunda hi suma hi Levi-nid’a 18:21

Ar ang he gorongâ vama ngat buzuna malo ma a yum ala Molo’â á kud’urom á b’lak an Alo mangâ simiyên ndi, kayam an ni Ma didina.

Sunda hi suma hi Levi-nid’a 20:1

Ma didina mi de mi Moise ala:

Amos 5:22

Ata yima agi nga mbandï ahle suma ngat buzu suma ngala ki he d’a hawa d’a afutina, an nga ni vazi abogi d’i. Ata yima agi nga mbandï ki gro amuzlei suma d’orâ ahle suma ngat buzu suma ngalina, an nga ni golozi ki iran nduo ko.

Filemon 1:12

An nga ni sunungzi sä, mam ma d’igi vunadigan nda gugota na na.

Suma ka sariyad’a 11:31

kur hulong man nda avo ki furîd’id’a, sama lara ma mi ndeï avo hatan avok kikidji á d’ugulona, an mba ni tinim iram vam mi ang Ma didina, an ni hangzi vama ngat buzu ma ngala.

Suma ka sariyad’a 11:39

Kur dabid’a hi til ma mbànid’a, ti hulongî ti mba avo gen abud’u, mi ndak vun vun ma hle ma mam hluma ki sed’ed’u. Ti zlap nga ki mandjuf fi. Kur bur máma a tin zla ndata aduk Israel-lâ á tit kad’u,

1 Samuel 15:22

Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina.