Mise 6:6 - Bible azumeina

⁶ Agi nga dagi ala: Ei i avok Ma didina ni ki me ge? Ei grivi kä avok Salad’a Alo ma sä akulo ma kal teglesâ ni ki me ge? Ei humî gor amuhl ma bizam tuna vama ngat buzu ma ngala zu?

Mise 6:6 Iomraidhean Croise

2 Samuel 21:3

David mi de mi suma Gabawon-na ala: An lagi ni me ba, agi mba vad’agi hurugi woi á b’agi vunagi woi yam suma hi Ma didinina ge?

Sawal la giled’a 116:12

An mba ni he ni me mi Ma didina yam djivi d’a pet ta mi lat ki sed’enda ge?

Sawal la giled’a 22:29

Kayam Ma didina namul ma ngolâ, ni ma nga mi te yam andjaf sumina.

Sawal la giled’a 95:2

Ei igi avorom á suburumu, ei gileizi ki furîd’a ki sawal la tetenga.

Sawal la giled’a 95:6

Agi mbeyegïya, agi grivigi kä, ei kud’oreigi Ma didin ma leina.

Buzuk ka Abud’a 12:5

Agi ndak á vagi gor timina d’oze gor b’ë ma bei daka ma bizam tuna.

Buzuk ka Abud’a 23:15

Agi ngomogi vun til ma a lum kavungô ma bei angufina, agi lum gak burâ kid’iziya kur til ma Abip-ma d’igi an hagi vuna na. Kayam ni kur til máma ba, agi buzugugï woi avo Ezipte. Ar sa mi mba avoron abom hawa d’i.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 21:3

Tit ta yam d’ingêra ki gagazid’id’a ni vama le Ma didina tam djivid’a kal ahle suma ngat buzunina.

Isai 40:16

Agu d’a Liban-nda ti ndak nga á vakud’a yam yima ngal ahle suma ngat buzuna d’i, d’uwar matna mi ndak nga á he he d’a hawa d’a ngala d’uo mi.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Ezekiyel 46:9

Ata yima suma a mba á kud’uron an Ma didina kur bur ma ngat buzunina, suma a kal ki vun agrek ma abo ma norîna a buzuk kei ni ki vun agrek ma abo ma sutnina, suma a kal ki vun agrek ma abo ma sutnina a buzuk kei ni ki vun agrek ma abo ma norîna mi. Sa mi hulong ndeï woi abu ki vun agrek ma mam kalï kuana d’i, wani mi hulong ndeï woi abu ni ki vun agrek ma avorom d’arâ.

Daniel 3:26

Nebukanezar mi hut avun für ra aku d’a hîhîka, mi er ad’um akulo ala: Sadrak, Mesak ki Aben-Nego, azungeî suma sunda hAlo ma kal papanina, agi buzugugï woi aduk akud’a, agi mbeyegïya! Atogo hina zak, azi ki zla tazi d’a hindid’a a buzugï woi aduk akud’a.

Daniel 4:9

an dum ala: Beltasar ang ma ngolâ hi suma mbutina, an wala Muzu’â hAlo ma bei tchod’a ba na mi nga kurungû. Kayam ndata, zla d’a muduri d’a hlang abod’id’a nga d’i. Kayam ndata, ang van ad’ud’a yam vama nde tam mbei iran kur adï d’a dandina.

Daniel 5:18

Amulâ, Alo ma kal teglesâ mi tin abung Nebukanezar amul ma ngolâ, mi hum ngola ki hud’a ki subura mi.

Daniel 5:21

A digim mbei aduk suma, djib’er mamba ti mbut d’igi djib’era hahle suma abageinid’a na. Mi kak aduk koro ma abageina, mi tasuna d’igi amuzleina na, mbad’ï d’a akulod’a ti gumu, gak mi wala Alo ma kal teglesâ nga mi te yam leu d’a yam andagad’id’a pet, nga mi tin sama mam hurum minima amula.

Wana ni mbaktumba hi Oze-d’a 5:6

Azi mba i ki tumiyô mazina kamuzlei mazina á halan an Ma didina, wani azi mba fan ndi, kayam an wal tan ndei dei ki sed’eziya.

Amos 5:22

Ata yima agi nga mbandï ahle suma ngat buzu suma ngala ki he d’a hawa d’a afutina, an nga ni vazi abogi d’i. Ata yima agi nga mbandï ki gro amuzlei suma d’orâ ahle suma ngat buzu suma ngalina, an nga ni golozi ki iran nduo ko.

Matiye 19:16

Sana mi mba gen Jesus, mi djobom ala: Ma hat suma, an le ni me ma djivina ba, ni fe kari d’a didinda ge?

Marik 12:33

Djivid’a sana mi le kam ki hurum pet ki djib’er mamba pet kad’eng mamba pet mi. Mi le yam ndrama d’igi mam tamba na mi, wani kal ahle suma ngat buzu suma ngala kahle suma ngat buzu suma a nga hazi mAlonina pet mi.

Marik 5:7

mi er ad’um tchina akulo ala: Vama mi ndolong ki sed’en ni me ge? Jesus Alo ma sä akulo ma kal teglesâ Goroma, an nga ni tcheneng ki simiyê Alona, ang lan ndaka d’i.

Wana ni Zla d’a Djivi d’a Luc mi b’irita 10:25

Ma hat gata tu mi tchol á kuk Jesus, mi djobom ala: Ma hat suma, an le ni nana ba, mba ni fari d’a didinda ge?

Jean 6:26

Jesus mi hulong dazi ala: Gagazi, an nga ni dagiya, agi halan ni yam ahle suma simat suma agi wagizina d’i, wani yam te ma agi tum hobogi ki na.

Sunda hi suma a sunuzinid’a 16:17

Ti nga d’i tit ad’umi ki Paul, ti er ad’ut akulo ala: Suma wana nazungeîna hAlo ma sä akulo ma kal teglesîna. Azi nga ni tchagi ni wal lovot ta igi kur sutid’a.

Sunda hi suma a sunuzinid’a 16:30

Mi buzuguzi woi abua, mi djobozi ala: Agi suma nglona, an le ni nana ba, ni fe suta ge?

Sunda hi suma a sunuzinid’a 2:37

Kid’a azi hum zla ndatid’a, zlad’a vaziya, a de mi Pierre azi ki suma hiu suma a sunuzina ala: B’oziyomina, ami lami ni nana ge?

Efes-sâ 3:14

Ni kayam ndata ba, an tchuk guguvan kä avok Abui

Hebre-na 10:11

Ma ngat buzu ma lara ge pî mi nga tchola burâ ki burâ á le sun nda ngat buzu mamba teteu. Ni buzu ma ngat ma ndak á hle tchod’a woi d’uo na.

1 Samuel 15:22

Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina.