Mise 6:2 - Bible azumeina

² Agi ahuniyôna kandaga d’a ad’ut ta ge d’a ngingid’a, agi humugi zlad’a hi Ma didinid’a kayam Ma didina mi nga ki zlad’a ki sum mama, mi min b’ak zlad’a ki Israel-lâ.

Mise 6:2 Iomraidhean Croise

2 Samuel 22:16

Ma didina, kayam ngop manga, mbiyo aluma ad’um mba dabid’a nde woi abua; kayam muzuk ka atchinanga, andagad’a ad’ut ta ged’a nde woi pid’agi.

2 Samuel 22:8

Ata yima hurum zalâ, andagad’a ti yir gigidji, ti giget mi; ad’u ged’a hakulod’id’a ti yira, andagad’a kakulod’a a giget mi.

Sawal la giled’a 104:5

Ang tin andagad’a ni yam ad’ut ta ged’a; ti nga ni kaka hina ngingring bei gigeta ba gak didin.

Zla d’a d’ogolâ 8:29

Ata yima mi nga hagad’a malum ma ngolâ tala mbina mi tchila woi yam yima ngamzina d’uo d’a, an nga. Ata yima mi nga ad’u andagad’ina, an nga mi.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Isai 3:13

Ma didina mi min tam á ka sariyad’a, mi tchol akulo á ka sariyad’a yam sum mama.

Isai 43:26

Agi djib’eregiya. Ar ei halei ad’u zlad’a. Agi dagi zla d’a agi pad’agi ki zlad’a woi kagid’a.

Isai 5:3

Wani ki tchetchemba, agi suma nga kaka avo Jerusalem-ma ki suma Juda-na, agi kami sariyad’a adigami ki guguzlu manda.

Jeremi 2:9

Ni kayam ndata ba, Ma didina mi dala: An nga ni le sariyad’a ki sed’egiya, an mba ni le sariyad’a ki grogi ngolona kua d’ei.

Jeremi 25:31

Delem mba nga d’i ngir kä d’a, ti i gak ti ndeza woi avun dabid’a handagad’id’a, kayam Ma didina nga mi le sariyad’a kandjaf suma, nga mi ka sariyad’a yam andjaf suma pet, mi tchi suma asa’atna ki mbigeu d’a fiyaka. Ma didina mi de na.

Jeremi 31:37

Ma didina mi de kua ala: Ladjï sana mi ndak á nga fiyak ka akulod’a d’oze mi fek ad’u ged’a handagad’id’a ni, an pî ni mba mi tchuk andjafâ hi Israel-lîna woi yam tcho d’a azi lata na mi.

Wana ni mbaktumba hi Oze-d’a 12:2

Suma Efraim-ma a te ni simetna, a nga tit bugol simet ma abo ma yorogonina. Burâ ki burâ a de ni zla d’a kad’a, a nga hurum ahlena, a djin vunazi ki suma Asiri-na, a nga i ki mbulâ avo Ezipte mi.

Wana ni mbaktumba hi Oze-d’a 12:3

Ma didina mi nga ki zlad’a ki suma Juda-na. Mba mi mba á ngop suma hi Jakob-ma yam tit mazi d’a tchod’a, mba mi wuragazi yam sun nda tcho d’a azi lata.

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Mise 6:1

Agi humugi zla d’a Ma didina mi data. Ang tchol akulo, ang le sariyad’a avok ahuniyôna, ar yima ndingâ mi humung deleng mi.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.

Gat ta a hat á mbàd’id’a 4:26

an nga ni dagi zlad’a, akulod’a kandagad’a ni glangâs mana ini kagi ala agi mba bogi woi atogo zak kur ambas sa agi nga i kalagi kur sä abo alum ma Jurdê-na woi hid’a, agi mba tagi tatâ d’i, kayam agi mba dabagi woi pet.