Mise 5:12 - Bible azumeina

¹² An mba ni to filei magina kahina magi d’a tcheta woyo, agi mba kud’urogi ahle suma agi minizi kabogina d’uo d’a.

Mise 5:12 Iomraidhean Croise

Isai 2:18

Fileina ki zlam pet mba mi dap peyo.

Isai 2:20

Kur bur máma suma a mba tchuk filei mazi ma a yorom ki kawei ma hapma ki ma a yorom ki lora suma a nga grif kä avorozina woi mi kulomba kababeina.

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Isai 44:17

Nga mi min alo ma ala ni filei mama na kad’um mba ara, nga mi grif kä avoromu, nga mi kud’uromu, nga mi tchenem ala: Ang prud’un ndeyo, kayam angî alo mana.

Ezekiyel 16:41

Azi mba ngalak aziyak ma tetengâ woi kakud’a, a mba kak sariyad’a kak kä ir aropma ablaud’a. An mba ni d’elek bei le gaulangâ, ndak mba d’i wurak sa bugol luo d’a.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Gat ta a hat á mbàd’id’a 18:14

Andjaf suma agi nga digizi woi avorogi wana: Ni suma a nga hum vun suma a nga djop ki tchitchiud’ina, d’oze suma djop fileina. Wani Ma didina Alo magina mi hagi nga lovota á lahle ndazina d’i.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.