Mise 4:8 - Bible azumeina

⁸ Ang yima nding ma Jerusalem ma kak ndjola yam suma d’igi gong nga fiyak ka ndjola na na, ar ndjö ang mba fad’eng mang nga avoka. Ang azì ma ngol ma Jerusalem-ma, ang mba mbut nazì ma ngol ma awili ma kur leud’ina.

Mise 4:8 Iomraidhean Croise

Ad’u Tinda 35:21

Israel mi tchol iya, mi ve zlub’u mamba huyok azì ma a yum ala Mikdal-Eder-râ.

2 Samuel 5:7

Wani David mi kus yam azì ma ad’eng ma ngungu ma Siyon-na; yi máma mi arî Azì ma ngolâ hi David-na.

Nehemi 3:25

Palal Uzai goroma nga mi le sunda, tinï ad’ud’a ata kengâ, gak mi mba ngagad’a yam gulumun ma kongî huyok azina hamulîna, go kazina hi azigar suma a ngom azina hamulîna. Ma nga mi le sunda kama ni Pedaya Paros goroma.

Sawal la giled’a 24:7

Ang vun agre’â, ang mal tang ngei atogo, ang vun agrek ma dedeina, ang mal tang ngeyo; ar amul ma ngol ma subura mi kal avo!

Sawal la giled’a 48:3

Nahina d’a djif fa suma yam andagad’ina pet a nga le furîd’a kata. Siyon nahina d’a nga abo ma norîd’a, nazì ma ngolâ hamul ma ngolîna.

Sawal la giled’a 61:3

Ata yima an ndak kuo an woi dei avun dabid’a handagad’ina, an nga ni yangû, ang ndjununu, ang tinin yam ahina d’a fiyak ka ked’iwurenga.

Sawal la kal teglesa 4:4

Dele’î d’igi gong nga fiyak ka ndjol la David mi minit á ngom ahle suma sïnid’a na. Mbareid’a dubu ti nga gapa atat akulo, pet ni mbareid’a hi grang suma dur ayînid’a.

Isai 1:26

An mba ni hulong tin mang suma ka sariyad’a d’igi suma adjeuna na, an mba ni tin mang suma de d’alâ d’igi suma avo’â na mi. Bugola, a mba yang ala Azì ma ngol ma d’ingêrâ, Azì ma ngol ma d’engzengâ mi.

Isai 10:32

Ini, ini a tchol kä Nop, abozi mi nga zid’a kazi akulo á ngop ahina d’a Siyon-nda, nala, yima nding ma Jerusalem-ma.

Isai 5:2

Mi dilabam kä, mi pat ahuniyôna woyo, mi pe guguzlu d’a djivi d’a kal teglesa kua, mi vazangâ akulo fiyaka adugu, mi djugot zul la miret guguzlud’a kua mi. Bugola, mi tin hurum ala mba d’i vud’um guguzlu d’a djivid’a, wani ti vud’umî vut ta tchod’a zang.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Daniel 7:18

Wani suma ma sä akulo ma kal teglesâ mi tinizi irazi vazina a mba hle leud’a, a mba te leud’a kur atchogoi d’a lara ge pet gak didin.

Abdiyas 1:21

Suma a sutna a mba djak akulo yam ahina d’a Siyon-nda, a mba te yam ahina d’a Edom-mba mi. Ma didina mba mi kak amula!

Mise 2:12

Ma didina mi dala: Agi andjafâ hi Jakob-ma, an mba ni togogï ki zla tagi pet, an mba ni togogi agi Israel-lâ ad’ugi d’a ara. An mba ni togogi d’igi a tok tumiyôna kur kangâ mazina na, d’igi a tok d’uwarâ ata yam ma te hatna na. Agi mba togogi ni tok ka ablau d’a vuna kat gandjaud’a.

Zakari 9:10

An mba ni yo pus ma dur ayîna hi suma Efraim-mina woyo, an mba ni yo akulumei suma Jerusalem-ma woyo, an mba ni yo yeû d’a dur ayîna woi mi. Amul máma mba mi de zla b’leng nga halasa mandjaf suma, mba mi te leud’a gak avun dabid’a handagad’id’a, avun alum ma ngolâ abo hî abo hî mi.

Zakari 9:12

Agi suma dangei suma nga ki hur ma tindina, agi hulongôgi kur azì ma ad’eng ma ngunguna. An nga ni dagi ini, an mba ni wuragagi yan mbà.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Ndumba 24:19

Ma mba mi ndeï ad’u andjafâ hi Jakob-mina, mba mi te leu d’a kala, mba mi dap suma a ar kur azì ma ngolîna woyo.

Matiye 21:33

Jesus mi dazi kua ala: Agi humugi d’ogol ma dingâ. Sana nga, ni samazina. Mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi. Mi ge tam mi i yam andaga d’a dinga.

Marik 12:1

Jesus mi nde dazi zlad’a ki d’ogolâ ala: Sana mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi, mi ge tam mi i yam andaga d’a dinga.

Efes-sâ 1:21

Christ nga mi te yam suma te yamba pet, yam vun ma hed’a, yam suma ad’enga, yam suliyo d’a sud’a pepet ki simi ma lara ge pet ma a nga yuma, ni kur atchogoi d’a wanda hol li, wani kur ra nga d’i mbad’a mi.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.