Mise 4:4 - Bible azumeina

⁴ Azi nge nge pî mba mi kak kä ad’u guguzlu mamba, kä ad’u tulum mama mi, sama mba mi mbud’uzi mandarîna nga d’i. Wana ni zla d’a Ma didin ma ad’engêm kal petna mi data.

Mise 4:4 Iomraidhean Croise

1 Amuleina 4:25

Kid’a Salomon mi nga ki iramba, suma Juda-na ki Israel-lâ a kak ki halasa ata yi máma, nge nge pî nga mi zum guguzlu mamba ki tulum mama ki halasa abo hî abo hî kur ambasa pet.

1 Amuleina 5:5

Wani ki tchetchemba, an nga hurun á min gonga mi Ma didina Alo mana kayam mam de mabun David ala: Ni gorong ma an mba ni pad’am á vrak blangâng amulina ba, mba mi minin gong nga kud’or ra suma a mba kud’uron kuad’a.

Wana ni mbaktumba hi Job-pa 11:19

Ang mba bur kä bei sa mi lang va ba, ablaud’a a mba hal ndjunda atangû.

Sawal la giled’a 72:3

Ar ahuniyô suma Israel-lâ a mba ki duzîd’a, ar yi mat ma ndingâ mi zul ahlena yam d’ingêra.

Zla d’a d’ogolâ 3:25

Ang le mandara ndak ka mba kang dumuzid’a d’oze nde d’a suma asa’atna a nde kanga d’i.

Isai 1:20

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Isai 17:2

Azì ma nglo ma nguyutna a mba aram mbei ki irazi fafat, a mba aramî mi d’uwarâ, a mba mol kua, vama mba mi mbud’uzi mandarîna nga d’i.

Isai 22:25

Ma didin ma ad’engêm kal petna mi dala: Kur bur máma ponde ma b’alam kä máma, mam mba mi pad’am mbeyo, mba mi gum kä woi andaga, anek ka kamba mam mba mi hlat teyo. Wana ni zla d’a Ma didina mi data.

Isai 26:16

Ma didina, ata yima ami nga kur ndakina, ami halangû, ata yima ang ngobomina, ami tcheneng ala ang ndjunumiya.

Isai 32:17

D’ingêra mba d’i mba ki halasa, ti mba d’i mba ki tchugota ki tuk tad’a gak didin mi.

Isai 36:16

Mi de kua ala: Salana amul ma Asiri-na mi dala: Agi hagi gagazid’a kam mbi, ar agi humum mbuo mi. Ar agi humugi ni zla d’a an amul ma Asiri-na ni dagizi wanda: Agi zlabagi darigïd’a ki sed’enu, agi mbeyegi gevenu. Wani nge nge pî mba mi te vud’a guguzlu mamba, mba mi te vud’a tulum mama, nge nge pî mba mi tche mbiyo golong mamba mi.

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 54:14

Ndak mba d’i sira ngingi kur d’ingêra, ndak mba d’i wal lei dei ki djop vuna, kayam ndak mba d’i le mandara va tu d’i. Ndak mba d’i dik mandarâ woyo, kayam mba mi hud’ï gevek go d’i.

Isai 58:14

ata yi máma ang mbud’un ni an Ma didina va mang ma furîd’a, an mba ni tining akulo yam ambasa yam yima ndingâ, an mba ni hang tena ki djona habung ngolo Jakob-ma. Wana ni zla d’a ndavunan an Ma didinid’a.

Jeremi 23:4

An mba ni tin suma pol suma dingâ kazi á poloziya. Tumiyô mana a mba le mandar roze a mba zlak kuo mi, tu mba mi ba woi adigazi d’uo mi. An Ma didina ni de na.

Jeremi 30:10

Ma didina mi dala: Agi suma hi Jakob-ma, azungeî mana, agi lagi mandar ri. Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Ezekiyel 34:25

An mba ni djin vun ma halasâ ki sed’eziya, an mba ni dik amburei suma abageina woi kur ambasa. Azi mba kak ki halasa abagei hur fulâ, azi mba bur sena kä aduk agud’a mi.

Ezekiyel 34:28

Azi mba mbut ni vama hurumba aduk andjaf suma d’uo d’a, amburei suma abageina a mba mud’uzi d’uo mi. A mba kak ki halasa, sama mba mi b’lagazi djib’er mazid’ina mi nga d’uo mi.

Ezekiyel 38:11

Ang mba dala: An i ni nde suma a nga kaka ki halasa ki tchugota kur ambas sa azì mat ma nglona gulumun nga kam mbi, vun agrek mam nga duka ki kawei ma murgulina d’uo mi na durâ.

Ezekiyel 39:26

Bugola, azi mba mar yam zulo mazina, yam tit mazi d’a bei d’ingêra ba d’a avoronda, azi mba kak ki halasa yam andaga mazid’a bei sa mi mbud’uzi mandar ba.

Sunda hi suma hi Levi-nid’a 26:6

An mba ni mba ki b’lenga halasa kagiya; agi mba burugi sena bei va mbud’ugi mandarâ ba. An mba ni dap amburei suma ayîna woi kur ambas magid’a; sa mba mi mba á dur ayîna kur ambas magid’a d’i.

Mise 5:3

Gor ma a vud’um máma mba mi polozi kad’enga hi Ma didinid’a ki ngola hi Ma didina Alo mamid’a. Azi mba kak ki halasa, kayam suma a suburum gak avun dabid’a handagad’id’a.

Sofoni 3:13

Israel suma a mba arâ a mba le tchod’a d’i, a mba ka zla d’i, a mba fe zla d’a mbut ira avun sa adigazi d’uo mi. Wani azi mba fe yima te hatna, a mba tuk tazi bei sa mi mbud’uzi mandar ba.

Zakari 3:10

Kur bur máma agi nge nge pî mba mi yi ndrama ad’u guguzlu mamba d’oze ad’u tulum mama á kak ki halasa.