Mise 4:12 - Bible azumeina

¹² Wani azi we nga djib’era hi Ma didinid’a d’i, a we nga nga hur mama d’uo mi. A we nga d’ala mi togoziya wa d’igi sana mi tok mbugulud’a kä ambid’ak na d’a d’i.

Mise 4:12 Iomraidhean Croise

Sawal la giled’a 147:19

Nga mi tak zla mamba woi mi Jakob, nga mi he gat mamba ki nga hur mama mi Israel.

Sawal la giled’a 147:20

Mi le nga hina kandjaf suma dingâ pet ti, a we nga nga hur mama d’uo mi. Agi gilegi Ma didina!

Isai 10:7

Wani djib’era hi Asiri-nid’a ti ni hina d’i, djib’er ra kuruzid’a ni vad’u. Azi halî á b’lak suma, á dap ablaud’a handjaf sumid’a woi mi.

Isai 21:10

Agi man suma a togi woi d’igi sana mi to awuna kä ambid’ak na na, wana ni vama an humum avun Ma didin ma ad’engêm kal petna, Alona hi Israel-lîna, ni dagizi wana.

Isai 29:7

Andjaf suma mimiyâk suma a mba mba atang ang Ariyel á durâ suma a mba mba durung kazì mang ma ad’eng ma ngunguna suma a mba mba tezeng ata azì mang ma ad’eng ma ngunguna teteng mi na, azi mba dap pei d’igi adï d’a de sanid’a na, d’oze d’igi vama nde tam mbei ir sana andjegena na mi.

Isai 55:8

Kayam Ma didina mi dala: Djib’er manda nga ni djib’er magid’a d’i, sun magi d’a led’a nga ni sun man nda led’a d’uo mi.

Jeremi 29:11

Ma didina mi dala: An we nga hur ma an ngam kagina. Ni nga hur ma halasâ, nga ni ndaka d’i, á hagi vama djivi ma nga mi mba ma agi mba tinigi hurugi kama.

Jeremi 51:20

Ma didina mi dala: Ndak Babilon, adjeu nda’î marto mana, ni va man ma sï ma dur ayîna. Ni ki ndak ba, an kizak kandjaf suma woyo, ni ki ndak ba, an b’lak ki leu d’a tetenga woi mi.

Jeremi 51:33

Ma didin ma ad’engêm kal petna, Alona hi Israel-lîna, mi dala: Babilon ti ni d’igi ambid’ak ma a to awuna kuana na. Ar hina ndjö, yima duta nga mi mba kad’u!

Joel 3:2

An mba ni tok andjaf suma dingâ pet, an mba ni izi kur hor ra Josafat-ta. Ata yi máma an mba ni kazi sariyad’a kazi yam ahle suma azi lazi mi man suma Israel suma an tazi djonina, yam ndjoîd’a a ndjoyôzi woi aduk andjaf sumid’a, yam ambas man nda azi b’rawat teid’a mi.

Wana ni Zla d’a Djivi d’a Luc mi b’irita 3:17

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.