Ma tchi wala 9:11 - Bible azumeina

¹¹ An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Ma tchi wala 9:11 Iomraidhean Croise

2 Samuel 17:14

Apsalom azi ki Israel-lâ pet a dala: D’alâ hi Husai ma Ara’â mi djivid’a kal ma hi Ahitofel-lâ. Na ni d’igi ni Ma didina ba, mi b’lak d’al ma djivina hi Ahitofel-lâ woi á mba ki ndaka yam Apsalom.

2 Samuel 17:23

Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

2 Sunda Hamuleinid’a 20:15

Mi de ki delem akulo ala: Agi suma Juda-na, agi suma Jerusalem-ma ki ang tang amulâ Josafat, agi humugiya! Ma didina mi dala: Agi lagi mandar ri, ar vun adigagi pat abo azigar suma mimiyâk ndazina d’i! Ni agi ba, mba durugi d’i, wani ni an Alo magina ba, mba ni dur ayîna kagiya.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

Sawal la giled’a 76:5

Alo mamina, wile manga ki subur manga a kal ahuniyô suma a nga adjeu dedeina.

Zla d’a d’ogolâ 1:5

Ar sama wed’a mi hum d’ogol máma kayam we mamba ti i avogovogo, ar sama wad’ud’a mi hum d’ogol máma á we lovot ta tit ta irata mi.

Ma tchi wala 2:12

An he tan á we ned’a ki guruta ki lilid’a. An djop tan ala: Sama mba mi vrak tamula blangâna, mba mi le ni me ge? Mba mi le nahle suma a lazi woi dana hol.

Ma tchi wala 3:14

An wahle suma Alona mi lazina pet, a nga nata yazi hina gak didin; vama a ge kam kuana nga d’uo mi na, vama hlum mbeina nga d’uo mi. Alona mi le hina kayam suma a lum mandaramu.

Ma tchi wala 3:17

An de kurun ala: Alona mba mi ka sariyad’a yam sama d’ingêrâ ki sama asa’atna djak, kayam mi nga nga yina yam ahlena pet, yam sun nda lara ge pet mi.

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Ma tchi wala 4:4

An we sun nda suma a nga lat ki ndak ka a nga he tazi kata, nala, nge nge pî mi lat ná kal ndrama. Wan pî, ni hawa hina yak d’igi sana mi dik simetna na.

Ma tchi wala 7:13

Ang gol sunda hAlonid’a. Ni nge mi ndak á d’op vama mam gunum mbeina ge?

Ma tchi wala 9:2

Ahlena a mba yam suma nabo tazi tu. Vama mi mba yam sama d’ingêrîna, mi mba yam sama asa’atna ni na mi. Vama mi mba yam sama djivi ma yed’etnina, mi mba yam sama bei yed’etna ni na mi. Vama mi mba yam sama mi he vama ngat buzunina, mi mba yam sama nga mi he vama ngat buzuna d’uo na ni na mi. Vama mi mba yam sama djivinina, mi mba yam ma le tchod’ina ni na mi. Vama mi mba yam sama mi gun tama, mi mba yam sama mi le mandara gundina ni na mi.

Ma tchi wala 9:3

Wana ni vama tcho ma nga mi le aduk suma yam andagad’a petna: Vama mi mba yam suma petna ni vama tu máma. Wani ata yima suma a nga kaka ki irazi yam andagad’a ka hina, huruzi mi ni oîd’a ki tchod’a ki guruta. Bugola, a bo woyo.

Jeremi 46:6

Ma mi ring heîna mi ndak á ring ngi, ma gangrangâ mi ndak á sut tam mbuo mi. Ar asezi mi kazlard’eid’a. A puk kä abo ma norâ avun alum ma Efrat-na.

Jeremi 48:14

Agi suma Mowap-ma, ni nana ba, agi mba dagi ala: Ami ni suma gangrangâ, ami ni azigar suma dur ayîna ge?

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Malatchi 3:18

Ata yi máma agi mba wagi wal la an mba ni wal ir suma d’ingêrâ ki suma tchona woid’a, ir suma a nga lan sundina ki suma a nga lan sunda d’uo na.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Gat ta a hat á mbàd’id’a 8:17

Agi gologi tagi djiviya! Ar agi dagi kurugi ala nad’eng magid’a ki sib’ik magid’a ba, ti fahle suma ndjondjoî ndazina d’i.

Gat ta a hat á mbàd’id’a 8:18

Agi djib’eregi yam Ma didina Alo magina. Ni mam ba mba mi hagi ad’enga á fahle suma ndjondjoî ndazina á ndak vun ahle ndazina d’igi mam lazi ini na yam vun ma djin ma mam djinim kabuyogi ngolona.

1 Samuel 17:50

Ni hina ba, David mi kal yam Goliyat, mi tchum bei mbigeu d’a fiyaka abomu; mi tchumî ki mbiud’a ki greina ganang.

1 Samuel 6:9

Agi gologiziya! Le amuzleina a hle wa lovot ta i yam ambas sa Israel-la abo ma Bet-Semes-sâ ni, d’obot nala nAlona hi Israel-lâ ba, mi mbei ndak ndata keya. Le a hle lovot ta dinga ni, ei mba wei ala ni mamba nga mi djobei vunei ki ndak ndata d’i, wani ndak ndata ti mba kei ni vat hawa.