Ma tchi wala 9:10 - Bible azumeina

¹⁰ Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Ma tchi wala 9:10 Iomraidhean Croise

Ad’u Tinda 37:35

Ata yima grom suma andjofâ ki suma aropma pet a mba á hal á b’lengêm huruma, mam min nga d’i, mi dala: An mba ni i gen gorona azulei kä ni ki yor tad’a; nga mi tchi hora goroma.

1 Sunda Hamuleinid’a 22:19

Ki tchetchemba, agi hagi tagi ki hur ma tuna á hal Ma didina Alo magina, agi tchologi akulo, agi minigi gong nga kud’ora hi Ma didina Alonid’a, agi mbagi ki zanduk ma vun ma djinda hi Ma didinina mi nga kuana kahle suma a tinizi irazi vazi mAlonina kur gong nga a mba minit ki simiyê Ma didina ndata.

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

Nehemi 2:12

Bugola, an tchol andjege ki suma dingâ ad’un tcha, bei an de zla d’a Alo mana mi tinindji kurun á lat yam Jerusalem-mba mi sa ba, an i nga ki vama ding ngi, ni koro ma an nga kama hol.

Nehemi 4:2

Nga mi lazamiya, mi de avok b’oziyoma ki azigar suma Samari-na ala: Juif suma ad’engêzi nga d’uo na a le ni me na ge? A mba dap sun mazid’a á hahle suma ngat buzuna mAlo mazina zu? A mba dap sun mazi d’a min gulumuna ini kahinad’a a yot kä aduk butna d’a ngal leid’a zu?

Nehemi 4:6

Ami minimi gulumuna ki zlam pet, ami minim akulo gak mbam aduk d’ad’ar, kayam ablaud’a a he huruzi tu á le sunda.

Wana ni mbaktumba hi Job-pa 10:21

avok ka an nde ni i ata yima sä nga mi hulongî woi kua d’uo ma yam andaga d’a nduvun nda ad’u anguza matnid’a,

Wana ni mbaktumba hi Job-pa 10:22

ni yam andaga d’a nduvun nda i’îlik ka ad’u anguza matna ata yima batranga nga d’i te yamba kuana, d’oze ata yima b’od’a ni d’igi nduvunda na na.

Wana ni mbaktumba hi Job-pa 21:13

Kak mazid’a yam andagad’id’a ni ki djivid’a, a nga i kä azulei ki halasa bei ndaka ba.

Sawal la giled’a 6:5

Ma didina, ang hulongî prud’un ndeyo, ang sud’un ndei yam we hohou manga.

Zla d’a d’ogolâ 3:28

Ar ang de mi ndrangâ ala: Ang iya! Ang hulongîya! Avin an mba ni hang va tua ata yima ang nga ki va abong á humzina d’i.

Ma tchi wala 11:3

Le alo ma sed’a mi oî kur d’ugula ni, nga d’i sumî kä yam andagad’a. Le aguna mi nde ni iram abo ma sutna d’oze abo ma norâ ni, mi arî ged’a kä ata yima mi nde kuana.

Ma tchi wala 11:6

Kayam ang we nga vama ang mba fuma d’i; le ni ma wana, d’oze ma hina, d’oze azi djak a mba le djivid’a, ang we nga d’i.

Isai 38:10

An de kurun ala: An ar go á matna, djivid’a an ni iya. An nga ni i avun agrek ma azuleina, an dok dap vun biza man nda ara d’uo d’a.

Jeremi 29:13

Agi mba halanu, agi mba fanu, kayam agi mba halan ki hur ma tuna.

Ndumba 13:30

Kalep mi seng suma a nga ka ad’u Moise-sâ, mi dala: Ei ïgiya! Ei mba hlei ambas ndata, kayam ei mba kuzi kad’u!

Matiye 20:7

Azi hulong dum ala: Kayam sa hami nga sun ndi. Mi dazi ala: Agi i lagi sunda kur asinen ma guguzlud’a mi.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Jean 5:4

Kayam malaikana hi Salad’ina nga mi tchuk asem kä aduk mbina burâ tutu á gizeî mbina. Bugol gizeîd’a hi mbinid’a, sama surop kä avo’â, mi sut tei kur tugud’ei mam mba lumba.]

Jean 9:4

Kid’a afata nga tua d’a, mbeî ei lei sunda hi mam ma sununïna, kayam andjeged’a nga d’i mba, sa ndak á le sunda kurut ti.

Romê-na 12:11

Ar agi lagi azulomba kur sun nda led’a d’i. Ar agi lagi sunda mi Salad’a ni ki zlezleûd’a.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

1 Korente-na 16:10

Le Timote mi iza hatagiya ni, ar agi vum atagi djiviya, kayam mam nga mi le sunda hi Salad’id’a d’igi an na.

1 Korente-na 9:24

Agi wagi tetet ala suma a nga ringâ pet ata yima a tok á ringîna a ringî á ve va, wani sana tu mi fe ni mamu. Agi ringîgi hina mi á fagi wuraka.

1 Korente-na 9:26

Kayam ndata, an nga ni ring iran sod’a yam vama sä avorona. An nga ni tum va, nga ni tum mbloka hawa fufulok ki.

Efes-sâ 5:16

Ata yima agi fagi yinina, agi lagi wat, kayam atchogoi d’a ei nga kurut wanda ti tchod’a.

Kolos-sâ 3:23

Sun nda lara ge pet ta agi nga lata, agi lagizi ni ki hur ma tuna yam Salad’a, nga ni yam suma d’i.

1 Samuel 10:7

Ata yima ang mba wahle suma simat ndazina hina petna, ang le vama hurung minima, kayam ang wala gagazi, Alona mi nga ki sed’engû.