Ma tchi wala 1:3 - Bible azumeina

³ Sana mi fe ni djiviya me ata sun nda mi lat ki kaud’a yam andagad’a ka hid’a ge?

Ma tchi wala 1:3 Iomraidhean Croise

Ma tchi wala 2:11

Bugola, an gol sun nda an lat kabonda hina pet ki kau d’a an kawat yam sun nda an lata hina pet, wani an gol ahle ndazina hina pet nahle suma hawa ya’â, ni d’igi sana mi dik simetna na mi. Vama djivi nga ka hî yam andagad’a tu d’i!

Ma tchi wala 2:18

An noî sun nda kau d’a an lat yam andagad’a ka hid’a woi pet tala mbeî an arat djivi mata mi sama mba mi vrak blangâna d’a.

Ma tchi wala 2:19

Sama mba mi vra’â le ni ma ne, le ni ma liliya, sa mi we nga d’i. Wani mba mi kak yam ahlena pet suma an lazi kur duniyad’a ka hî ki kaud’a ki ne mandina. Hina pet pî, ni sun nda hawa yaka d’ei.

Ma tchi wala 2:22

Sana mi fe ni me yam sun nda mi he tam kat á led’a kur duniyad’a ka hî ki ndakid’a ge?

Ma tchi wala 3:9

Sana mi fe ni me yam sun nda kau d’a mam lata ge?

Ma tchi wala 4:3

Sama a vud’um nga d’uo tua na, mi nga ki furîd’a kala, kayam mam we nga sun nda ata yat tuo d’a suma a nga lat yam andagad’a ka hid’a d’uo tua.

Ma tchi wala 4:7

An we sun nda hawa yak ka zlat nga d’uo d’a ka hî yam andagad’id’a kua d’ei.

Ma tchi wala 5:16

Kak mam mba yam andagad’a ka hid’a pet ni kur nduvunda ki tchina ki hur ma zala ki ndaka mi.

Ma tchi wala 5:18

Alona mi he ndjondjoîd’a ngola mi suma dingâ, mi arazi lovota á te kat mi. A tat mbiyod’u, a le furîd’a yam kau mazid’a. Ndata ni he d’a hawad’a hAlonid’a.

Ma tchi wala 6:12

Ni nge ba, mi we vama djivi ma yam sana kid’a mi nga kaka yam andagad’a ka hî kur burum ma mi kal lei d’igi anguzuna na ni nana ge? Ni nge ba, mi ndak á de mi sana yam vama mi le blogom ka hî yam andagad’a ka hina ge?

Ma tchi wala 7:11

Ned’a ti djivid’a kal vama ang tum djonina; gagazi, mbiyota nga kua yam suma kur duniyad’ina.

Ma tchi wala 9:13

An we ned’a kur duniyad’a ka hî, ni vama ngolâ iranu.

Ma tchi wala 9:3

Wana ni vama tcho ma nga mi le aduk suma yam andagad’a petna: Vama mi mba yam suma petna ni vama tu máma. Wani ata yima suma a nga kaka ki irazi yam andagad’a ka hina, huruzi mi ni oîd’a ki tchod’a ki guruta. Bugola, a bo woyo.

Ma tchi wala 9:6

O mazid’a, noî ta mazid’a ki yungôr mazina, a dap pei da’. Azi nga ki b’rau mazi yam andagad’a ka hî tu d’i.

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Habakuk 2:13

Le Ma didin ma ad’engêm kal petna mi he nga vuna á le va d’uo ni, suma a le sunda ni makud’a, a kau tazi ni hawa mi.

Habakuk 2:18

Agu ma sama d’alâ nga mi tched’em d’igi angusa na na, zlamî zla me ge? Kawei ma sana yorom d’igi angus vana na na, mi hat ni zla d’a kad’a. Ni kayam me ba sana mi tin hurum yam filei ma ngel mam minim máma ge?

Matiye 16:26

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge? D’oze, vama sana mba mi hum á vrak blangâm mam tambina ni me ge?

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

1 Korente-na 16:16

Kayam ndata, an nga ni tchenegiya, ar agi gagi yagi kä ad’u suma hina na ki suma a nga le sunda zlapa ki sed’ezina pet mi.