Matiye 9:8 - Bible azumeina

⁸ Ata yima ablau suma a wahle ndazina hina na, a le mandarâ, a subur Alo ma had’eng nga hina d’a mi sumina.

Matiye 9:8 Iomraidhean Croise

Matiye 12:23

Suma pet a le atchap, a dala: Sa máma ni David goroma d’uo zu?

Matiye 15:31

Ata yima ablau suma a we suma ngela a nga de zlad’a, suma gugutud’a a d’oba, suma dileîd’a a nga tid’a, suma duka a nga we yinina, a le atchap, a subur Alona hi Israel-lîna.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Matiye 9:7

Sama gugutud’a mi tchol akulo, mi i avo hatamu.

Marik 2:12

Sama gugutud’a mi tchol akulo. Atogo hina zak, mi hle zlat mama, mi ndabu avorozi pet. Azi pet a le atchap, a subur Alona, a dala: Ei wei nga vama hina na yei tu d’i.

Marik 7:37

Suma pet a le atchap ngola, a dala: Ahle suma nga mi lazina pet a djivid’a, nga mi mal suma ngela humazi woyo, suma ndumîd’a pî, a mbut de zlad’a mi.

Wana ni Zla d’a Djivi d’a Luc mi b’irita 13:13

Mi tin abom kad’u. Ata yi máma na wat, ti tchol akulo d’ingêr, nga d’i subur Alona.

Wana ni Zla d’a Djivi d’a Luc mi b’irita 17:15

Ma dingâ tu adigazi kid’a mi we libi mama mi yak keid’a, mi hulong nga mi gile Alona ki delem akulo.

Wana ni Zla d’a Djivi d’a Luc mi b’irita 17:18

Sama adigazi ma hulong á subur Alonina nga d’i? Nangei máma hol zu?

Wana ni Zla d’a Djivi d’a Luc mi b’irita 18:43

Ata yi máma na wat, iram mal leyo, mi i ad’u Jesus, nga mi subur Alona. Suma a wahle ndazinina pet a nga gile Alona mi.

Wana ni Zla d’a Djivi d’a Luc mi b’irita 2:20

Suma pola a hulongâ, a nga subur Alona, a nga gilem yam ahlena pet suma azi humuzina ki suma azi wazina, d’igi malaikana mi dazi na.

Wana ni Zla d’a Djivi d’a Luc mi b’irita 23:47

Ata yima ma ngol ma azigarâ abom kis ma Romê-na mi wahle suma a lenina, mi gile Alona mi dala: Gagazi, sa máma ni sama d’ingêrâ.

Wana ni Zla d’a Djivi d’a Luc mi b’irita 7:16

Azi pet a le mandarâ, a nga subur Alona, a dala: Ma djok vun ma ngolâ hAlonina mi nde wa woi adigeya, Alona mi mba wa á ndjun sum mama.

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Sunda hi suma a sunuzinid’a 11:18

Ata yima azi hum hina na, a seng silil, a gile Alona, a dala: Gagazi, Alona mi he wa lovota mandjaf suma dingâ á mbut huruzi á fe arid’a mi.

Sunda hi suma a sunuzinid’a 21:20

Kid’a azi hum zla mamba dad’a, a gile Alona, a dum ala: Wiyemina, ang we Juif-fâ ni dudubu suma a he gagazid’ina, azi pet tazi nga d’i lazi zlezleû yam gata hi Moise-sa.

Sunda hi suma a sunuzinid’a 4:21

Azi ngobozi kua, a araziya, kayam a fe nga lovota á lazi va d’i, kayam suma pet a nga gile Alona yam vama lena,

2 Korente-na 9:13

Ata yima azi mba we sun magi d’a le d’a djivi ndatina, a mba subur Alona, kayamba agi gagi yagi kä ad’u Zla d’a Djivid’a hi Christ-sa d’a agi nga tagat tei abu avok sumid’a. Azi mba subur Alona yam he d’a hawa magi d’a agi nga b’rawat adigazi aduk suma dingâ pet mi d’a.

Galat-na 1:24

Azi subur Alona ngola yam zla manda.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.