Matiye 9:36 - Bible azumeina

³⁶ Wani kid’a mi wablau sumid’a, mi wazi hohowoziya, kayam azi nga kur kaud’a, ad’engêzi nga d’uo d’igi tumiyô suma bei salazi ma polina na.

Matiye 9:36 Iomraidhean Croise

1 Amuleina 22:17

Ata yi máma Mise mi dum ala: An we Israel-lâ pet a b’rau woi yam ahinad’a d’igi tumiyô suma bei salazi ma pola ba na na. Ma didina mi dala: Azi nga kamul li. Ar nge nge pî mi hulong avo hatam ki halasa!

2 Sunda Hamuleinid’a 18:16

Ata yi máma Mise mi dum ala: An we Israel-lâ pet a b’rau woi yam ahinad’a d’igi tumiyô suma bei sama pola kazi ba na na. Ma didina mi dala: Azi nga kamul li. Ar nge nge pî mi hulong avo hatam ki halasa!

Isai 13:14

Kur bur máma, nge nge pî mba mi hulong ad’u andjavamu, nge nge pî mba mi ring kur ambas mamba d’igi duk ka nga d’i tcha tatad’a na, d’igi d’uwar ma sama polom nga d’uo na na mi.

Jeremi 50:6

Adjeu sum mana a ni d’igi ades tumiyô suma a vit teina na. Mazi suma pola a vid’izi woyo, a arazi akulo yam ahuniyôna, a nga tcha tata akulo yam ahuniyô suma nglona, akulo yam yima ndingâ mi, a mar rei yam kangâ mazina.

Zakari 10:2

Filei ma agi nga djoboma nga mi dagi ni zla d’a kad’a, suma djopa, ahle suma a nde tazi irazina, nahle suma hawa ya’â. Adï d’a azi vagizi ad’uta, ni zla d’a hawa yaka mi. B’leng hur ma azi nga b’lengêgi ki hurugina, ni mbut ira. Kayam ndata, azi nga kur hohoud’a d’igi d’uwar ma salam ma pola nga d’uo na na.

Zakari 11:16

Kayam an mba ni tchol ki ma pol ma dingâ. Mam mba mi djib’er yam tumiyô suma a nga lá bad’a woina d’i, mba mi hal tumiyô suma gureina d’i. Mba mi tchil suma mbuleina d’i, mba mi he tena mi suma a nga ki irazina d’i, mba mi mut hliwa suma d’orâ, mba mi pawazi gak i kä ata aseziya.

Ndumba 27:17

Ni sama mi ndak á nde avorozi á i ki sed’ezi abuna, ni ma tit avorozi á hulongôzi avona, ni ma mi buzuguzi abuna, ni ma hulongôzi avona mi. Kayambala ablau manga ti kak d’igi tumiyô suma bei salazi ma pola ba na na d’uo d’a.

Matiye 10:6

Agi igi nata tumiyô suma vit tei suma aduk Israel-lîna.

Matiye 14:14

Kid’a mi nde woi kur alumbid’a, mi wablau suma ngola. Hurum hat kaziya, mi sut suma tugud’ei suma a nga adigazina mi.

Matiye 15:24

Mi hulong dazi ala: A sununï ni yam tumiyô suma a vit tei suma aduk Israel-lîna.

Matiye 15:32

Jesus mi yi mam suma hata gevemu, mi dazi ala: Hurun nga mi hat yam sum ndazina heî, kayam azi nga ki sed’en ini ni burâ hindi, a nga ki vama te d’i. An min tchuguzi avo ki meid’a tala meid’a ti ngrabazi glovod’o d’a d’i.

Marik 6:34

Kid’a Jesus mi nde woi kur alumbid’a, mi wablau suma ngola. Hurum hat kaziya, kayam azi ni d’igi tumiyô suma bei salazi ma pola ba na na. Mi nde mi had’azi ahlena ngola.

Marik 8:2

Hurun nga mi hat yam sum ndazina heî, kayam azi nga ki sed’en ini ni burâ hindi, a nga ki vama te d’i.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Hebre-na 5:2

Mam tamba nga mi we hohowa suma bei wed’a ki suma vit teina, kayam mam tamba ni ma amangeîna.