Matiye 9:2 - Bible azumeina

² A mbamï sama gugutud’a, mi nga burâ kä kur zlatna. Ata yima Jesus mi we he gagazi mazid’ina, mi de mi sama gugutud’a ala: Gorona, ang ve tangû! An vat wa hurun ndei yam tcho manga da’.

Matiye 9:2 Iomraidhean Croise

Ma tchi wala 9:7

Ang i te te mangâ ki furîd’a, ang tche süm guguzlu manga ki hur ma hapma, kayam Alona tam lum djivid’a yam sun manga da’.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Matiye 14:27

Ata yi máma na wat, Jesus mi dazi ala: Agi vagi tagiya! Ni anu, agi lagi mandar ri.

Matiye 4:24

Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.

Matiye 6:12

Ar ang vat hurung ngei yam tcho mamid’a d’igi ami nga vad’ami hurumi woi yam suma a nga lami tchod’ina na mi.

Matiye 8:10

Kid’a Jesus mi hum zla ndatid’a, mi le atchap, mi de mi suma a nga tit ad’uma ala: Gagazi, an nga ni dagiya, aduk Israel-lâ pet pî, an fe nga he gagazi d’a ngol la hina d’a d’i.

Matiye 8:16

Kid’a afata mbut fladeged’a, a mbam suma ki muzuk ma tchona kuruzina ablaud’a. Mi dik muzuk ma teteng ma tchona woi ki zla mam mba ded’a, mi sut suma tugud’eid’a pet mi.

Matiye 9:22

Wani Jesus mi mbut iram mi golod’u, mi dat ala: Goronda, ndak ve tagu, he gagazi maka sud’uk wa da’. Ata yi máma, buzu mat ma djang mi ka mi.

Matiye 9:5

Vama afefeta kal á ded’a ni me ge? An vat wa hurun ndei yam tcho manga da’ d’oze: Ang tchol akulo, ang tid’a d’a zu?

Matiye 9:6

Wani kayam agi wagi woi ala an Gor Sana ni nga kad’enga yam andagad’a ka hî á vat hurun ndei yam tchod’a hi sumid’a..., mi de mi sama gugutud’a ala: Ang tchol akulo, ang hle zlat mangâ, ang i avo hatangû.

Marik 1:32

Fladege d’a afata nik dad’a, suma a mba ki suma tugud’eid’a pet zlapa ki suma a nga ki muzuk ma tchona teteng kuruzina mi Jesus.

Marik 10:49

Jesus mi tchola, mi dazi ala: Agi yumïya. Azi yi ma duka, a dum ala: Ang ve tangû, ang fagakulo, nga mi yangû.

Marik 5:34

Wani Jesus mi dat ala: Goronda, he gagazi maka sud’uk wa da’. Ndak i lafiya, ndak wal lei ki ndak maka da mi.

Marik 6:50

kayam me azi pet a wumu, huruzi ka mbina mi. Ata yi máma na wat, Jesus mi dazi ala: Agi vagi tagiya, ni anu, agi lagi mandar ri.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Jean 2:25

Mi min ala sana dum yam sa d’i, kayam mam tamba mi we vama nga hur sanina.

Jean 21:5

Kayam ndata, Jesus mi dazi ala: Grona, agi nga ki kuluf fuo zu? A hulong dum ala: Va nga d’i.

Sunda hi suma a sunuzinid’a 14:9

Mi hum wal la tchid’a hi Paul-la. Ata yi máma, Paul mi so iram kamu, mi wum ala mi he gagazid’a á fe lafiya d’a.

Sunda hi suma a sunuzinid’a 19:12

A nga yo baru mam mba set zumala ki baru d’a atamba, a nga tchuguzi yam suma tugud’eid’a. Tugud’eid’a teteng ti araziya, muzuk ma teteng ma tchona mi nde woi kuruzi mi.

Sunda hi suma a sunuzinid’a 23:11

Kur andjege ndata, Salad’a mi nde tam mbei ir Paul, mi dum ala: Ang ve tangû, kayam d’igi ang le glangâs mana ka hî avo Jerusalem na, mbeî ang mba le glangâsâ avo Rom mi.

Romê-na 5:11

Ni kayam ndata hol li, wani ei nga lei furîd’a zlapa kAlona, ni yam Saleina Jesus Christ ma ki tchetchemba mi zlabei darigïd’a kAlonina.

Jacques 2:18

Wani sama dingâ mba mi dala: Ang nga ki he gagazid’a, wani an nga ki sunda. Ata yi máma, an mba ni hulong dum ala: Ang tagan he gagazi mang nga bei sunuta, wani sun manda mba d’i tagang he gagazi manda.