Matiye 9:18 - Bible azumeina

¹⁸ Ata yima Jesus nga mi de zla ndata tua na, ma ngolâ hi gonga toka hi Juif-fîna, mi mba, mi grif kä avok Jesus, mi dum ala: Goronda ti mid’ï ka tchetchem, wani ang mbeï tin abong kad’u, ti tchol akulo.

Matiye 9:18 Iomraidhean Croise

2 Amuleina 5:11

Wani Näman hurum zala, mi ge tam mi iya, nga mi dala: An djib’er ala ma djok vun Alona mi ndeï ini woi avo hatam á mba gevenu, mba mi tchen Ma didina Alo mama, mba mi tin abom ata yan ma mbilâ ba, libi mana mba mi yak keyo.

Matiye 14:33

Suma kur alumbina a kud’or Jesus, a dala: Gagazi, angî Alona Goroma.

Matiye 15:25

Wani ti mba, ti grif kä avoromu, ti dum ala: Salana, ang ndjununu!

Matiye 17:14

Kid’a Jesus azi a mba gen ablau sumid’a, sana mi mba gevem mi grif kä avoromu,

Matiye 20:20

Ata yi máma, Zebede groma asuzi ti hut gen Jesus ki grotna. Ti grif kä avoromu, ti tchenem yam va tu.

Matiye 28:17

Kid’a azi wumba, a kud’uromu, wani suma dingâ adigazi a le gigrit.

Matiye 8:2

Ma libina mi mba gevemu, mi grif kä avoromu, mi dum ala: Salana, le ang mina ni, ang ndak á yagan ndeyo.

Matiye 8:25

Mam suma hata a mba, a zlid’im akulo, a dum ala: Salamina, ang sud’umiya! Ami nga bami woyo.

Matiye 9:17

Sa nga mi sel süm ma ayîna kur agolongeî suma adjeuna d’i. Le mi le na ni, agolongeîna a mba to woyo, süma mba mi b’lak kei mi. Wani süm ma ayîna a selemî kur agolongeî suma awilina. Hina wani, mba mi b’lak kei d’i.

Matiye 9:19

Jesus azi ki mam suma hata a i ad’umu.

Matiye 9:24

Mi dazi ala: Agi hud’ugi tagi woyo, kayam gora ti mit nga d’i, wani ti burî sena. Azi nde lazamu.

Wana ni Zla d’a Djivi d’a Luc mi b’irita 13:14

Ma ngolâ hi gong nga tokina, hurum zal yam Jesus kayam mi sut suma tugud’eid’a kur bur ma sabatna. Mi de mablau suma ala: Burâ karagaya nga, ndak yam suma á le sun mazid’a. Agi mbagi kur bur máma kayam mi sud’ugi woi kur tugud’ei magid’a. Wani agi mbagi kur bur ma sabatna d’i.

Wana ni Zla d’a Djivi d’a Luc mi b’irita 18:18

Ma ngolâ hi Juif-fîna mi djop Jesus ala: Ma hat ma djivina, an le ni nana ba, ni fe ari d’a didinda ge?

Wana ni Zla d’a Djivi d’a Luc mi b’irita 7:2

Ma ngol ma azigarâ abom kis ma Romê-na, azong mam ma mam le kam heîna, mi ve tugud’eid’a go á matna.

Jean 11:25

Jesus mi dat ala: An ni Ma tchol suma matna ni Ma hazi arid’a mi na. Sama he gagazid’a kana, le mi mid’u pî, mba mi kaka karid’a.

Jean 11:32

Kid’a Marie ti mbaza ata yima Jesus mi nga kuanid’a, ti wumu, ti grif kä avoromu, ti dum ala: Salana, ladjï ang nga ka hî ni, wiyena nga mi mit ti.

Sunda hi suma a sunuzinid’a 13:15

Bugol la a ndum mbaktum mba gata ki mbaktum mba suma djok vun Alona a b’irita ndumba, suma nglona hi gong nga toka hi Juif-fîd’a a sun ataziya, a dazi ala: B’oziyomina, le agi nga ki zlad’a á giget suma toka ni, agi dagiya.

Sunda hi suma a sunuzinid’a 28:8

Ata yi máma, Publiyus abum tam nga d’i kumurum ngola, nga mi vo sutna buzuna mi. Paul mi kal avo hatamu, mi tchen Alona, mi tin abom kamu, mi tcholom akulo.