Matiye 8:8 - Bible azumeina

⁸ Ma ngol ma azigarâ abom kisâ mi hulong dum ala: Salana, an ndak nga d’ala ang kal avo hatanu d’a d’i, wani ang de ni zlad’a tu go; azong mana mba mi tchol akulo.

Matiye 8:8 Iomraidhean Croise

Ad’u Tinda 32:10

an kid’ak kei ata djivi manga ki d’engzeng manga pet suma ang lazi ki an azong mangîna. Adjeu an djak alum ma Jurdê-na ni ki totogod’a abonu; ki tchetchemba, an nga kadesâ mbà.

Sawal la giled’a 10:17

Ma didina, ang nga hum zla d’a suma lulumana huruzi minita, ang nga hazi ad’enga, ang nga tin humang

Sawal la giled’a 107:20

Mi sunuzi zla mamba, mi sud’uzi woyo, mi prud’uzi woi avun matna.

Sawal la giled’a 33:9

Mi de zlad’a, va máma mi mba; mi he vuna, va máma mi nga mi.

Ndumba 20:8

Ang hle totogo manga, ang ki wiyengâ Aron agi togogi ablaud’a hi Israel-lîd’a, agi dagi zlad’a mahinad’a irazi kä; mba d’i he mbina. Ang mba buzugï mbina ata ahina ndata, ang mba hum mablaud’a ki d’uwar matna.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Matiye 3:14

Wani Jean mi min ndi, mi dum ala: Ni an ba ni min ala ang lan batemba. Ni nana ba, ang mba ala an ni lang batemba ge?

Matiye 8:3

Jesus mi mat abomu, mi domu, mi dum ala: An mina, ar libi mangâ mi yak keyo. Atogo hina zak, libi mama mi yak kei mi.

Matiye 8:7

Jesus mi hulong dum ala: An nga ni iza á sud’umu.

Matiye 8:9

Kayam an nga nad’u vun ma hed’a hi sa mi, an nga ki azigarâ abonu. An le ni de mi ma tuna ala: Ang iya ni, mi iya; wani an le ni de mi ma dingâ ala: Ang mbeya ni, mi mba mi; an le ni de mazong mana ala: Ang le hina ni, mi le mi.

Wana ni Zla d’a Djivi d’a Luc mi b’irita 15:19

An ndak nga d’ala ang yan gorongâ d’a d’i, ang van ni d’igi azong mangâ na.

Wana ni Zla d’a Djivi d’a Luc mi b’irita 15:21

Goroma mi dum ala: Abunu, an le tchod’a avok Alona, avogong ang mi, an ndak nga d’ala ang yan gorongâ d’a d’i.

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Jean 1:27

ni ma nga mi djï blogona. An ndak á but ziyo atuguru mama d’i.