Matiye 8:4 - Bible azumeina

⁴ Jesus mi hulong dum ala: Ang gol tang djiviya. Ang de mi sa d’i, wani ang iya, ang simat tang mi ma ngat buzuna mAlona, ang he vama ngat buzuna ma Moise mi he vuna kama he d’a hawad’a yam yak manga á tagazi woi ala ang yak wa woi da d’a.

Matiye 8:4 Iomraidhean Croise

Isai 42:21

Kayam djivi mamba, Ma didina mi min mbut gat mamba ngola djifâ kala.

Sunda hi suma hi Levi-nid’a 13:49

le guvur ndata ti ni avovovovo d’oze hleud’a kikring ata baruna, d’oze ata ba’â, d’oze ata vayirâ, d’oze ata baru ma aduburo’â, d’oze ata vama lara ma a lum ki ba’îna ni, ni guvur ra ndak á tagat mi ma ngat buzunid’a.

Matiye 10:18

Agi mba tchologi avok suma te yamba azi kamuleina yam an á le glangâsâ avoroziya, avok andjaf suma dingâ mi.

Matiye 16:20

Ata yi máma, Jesus mi gat mam suma hata ala a de mi sa ala mam mi Mesi-yu d’i.

Matiye 17:9

Kid’a a tchugï asezi kä woi yam ahinad’id’a, Jesus mi gad’azi ala: Ar agi dagi vama agi wuma mi sa d’i, gak an Gor Sana ni tchol akulo aduk suma matna mbeî tua.

Matiye 3:15

Wani Jesus mi hulong dum ala: Ar ang lan ka tchetchem, kayam ei ndagei vun ahlena pet suma Alona mi minizina. Bugola, Jean mi mina.

Matiye 5:17

Jesus mi had’azi kua ala: Ar agi djib’eregi ala an mba ná b’lak gata hi Moise-sa ki hata hi suma djok vun Alonid’a woyo na d’i. An mba ná b’lagazi d’i, wani á ndagazi vunaziya.

Matiye 6:1

Jesus mi had’azi kua ala: Agi gologi tagi djiviya, ar agi lagi sun magi d’a djivid’a ni ir suma go d’i. Le agi lagi na ni, agi mba fagi wuraka abo Abugi ma sä akulona d’i.

Matiye 9:30

Irazi d’i mal leyo! Jesus mi gad’azi ngola, mi dazi ala: Agi gologi tagi djiviya, ar sa mi we zla ndata d’i.

Marik 13:9

Wani agiya, agi gologi tagi djiviya. Kayam suma a mba hagi abo suma b’ak zlad’a, a mba togi ki blafâ kur gongîyo mazi suma toka. Agi mba tchologi avok suma te yamba azi kamuleina yam an á le glangâsâ avorozi mi.

Marik 3:12

Wani Jesus mi gad’am ad’enga ala ar mi dum zlam mbei d’i.

Marik 5:43

Jesus mi gad’azi kad’enga ala: Ar sa mi we zla ndata d’i. Mi dazi ala a hat tena mi.

Marik 6:11

Ata yima lara pet ma azi vagi nga atazi d’uo a humugi nga d’uo mi na ni, ata yima agi buzugugi woi abuna, agi pogi guguma hur asegina woyo. Gugum máma mba mi arî vama glangâsâ kaziya.

Marik 7:36

Jesus mi gad’azi ala a de mi sa d’i. Wani mi gad’azi kam kua kam kua hina pî ni, azi nga tchum walam mbei avogovogo.

Marik 8:30

Jesus mi gad’azi kad’enga ala azi de woi kam mbi.

Marik 9:9

Kid’a azi nga tchugï asezi kä woi yam ahinad’id’a, Jesus mi gad’azi ala: Agi dagi vama agi wuma mi sa d’i, gak an Gor Sana ni tchol akulo aduk suma matna mbeî tua.

Wana ni Zla d’a Djivi d’a Luc mi b’irita 17:14

Ata yima mi wazina, mi dazi ala: Agi i tagagi tagi mi suma ngat buzuna. Kid’a azi nga id’a, libi mazina mi yak keyo.

Wana ni Zla d’a Djivi d’a Luc mi b’irita 21:13

Ata yi máma, agi mba fagi lovota á le glangâsâ kanu.

Wana ni Zla d’a Djivi d’a Luc mi b’irita 4:41

Muzuk ma tchona ablaud’a a buzuk kei kur suma, a er ad’uzi akulo ala: Angî Alona Goroma! Wani Jesus ngoboziya, mi arazi nga lovota á de zlad’a d’i, kayam azi wum ala mam mi Mesi.

Wana ni Zla d’a Djivi d’a Luc mi b’irita 5:14

Jesus mi gad’am ala: Ang de zla ndata mi sa d’i. Wani ang iya, ang simat tang mi ma ngat buzuna mAlona, ang he vama ngat buzu ma Moise mi he vuna kama yam yak manga á tagazi woi ala ang yak wa woi da’.

Wana ni Zla d’a Djivi d’a Luc mi b’irita 8:56

Simiyêt a le atchap, wani Jesus mi gad’azi ala a de vama mi lena mi sa d’i.

Wana ni Zla d’a Djivi d’a Luc mi b’irita 9:21

Jesus mi gad’azi kad’enga ala ar azi de zla ndata woi mi sa d’i.

Jean 5:41

An nga ni hal subura hi sumid’a d’i.

Jean 7:18

Sama de zla mamba ki yama mi halî subur mamba ki yamu, wani sama hal subura hi Ma sunumïna, mam mi ma d’engzeng ma bei mbut ira kurum ba na.

Jean 8:50

Wani an nga ni hal subura yam tan ndi. Ma suburuna mi nga, ni ma nga mi ka sariyad’a mi.