Matiye 8:3 - Bible azumeina

³ Jesus mi mat abomu, mi domu, mi dum ala: An mina, ar libi mangâ mi yak keyo. Atogo hina zak, libi mama mi yak kei mi.

Matiye 8:3 Iomraidhean Croise

Ad’u Tinda 1:3

Ata yi máma Alona mi dala: Ar b’od’a ti nde woyo; b’od’a ti nde woi mi.

2 Amuleina 5:11

Wani Näman hurum zala, mi ge tam mi iya, nga mi dala: An djib’er ala ma djok vun Alona mi ndeï ini woi avo hatam á mba gevenu, mba mi tchen Ma didina Alo mama, mba mi tin abom ata yan ma mbilâ ba, libi mana mba mi yak keyo.

2 Amuleina 5:14

Kayam ndata, Näman mi i kur alum ma Jurdê-na, mi hlup kä aduk mbina hluhlup yam kid’iziya d’igi Elise mi dum na. Mi yak kei yuyung, babagam mbut d’igi gogor ma gorâ na.

Sawal la giled’a 33:9

Mi de zlad’a, va máma mi mba; mi he vuna, va máma mi nga mi.

Buzuk ka Abud’a 4:7

Mi dum kua ala: Ang tin abong didigang kua. Mi hulong mi tin abom didigamu. Bugol mi hlum mbeyo; abom hulong mbut blangâm ma adjeuna!

Matiye 12:13

Ata yi máma, mi de mi sama abom tche mogod’ina ala: Ang mat abong ngeyo. Mi mad’am mbeyo, abom mbut ad’enga d’igi ndrama na.

Marik 1:41

Jesus hurum mi hat kamu, mi mat abomu, mi domu, mi dum ala: An mina, ar libi mangâ mi yak keyo.

Marik 4:39

Mi zlid’a akulo, mi ngop simetna, mi de mi mbiyo apod’a ala: Ang sengâ, ang ba! Ata yi máma, simetna mi tchol b’et, yina seng silil mi.

Marik 5:41

Mi vat abod’u, mi dat ala: Talita kumi, nala, Gora, an nga ni dagu, ndak tchol akulo.

Marik 7:34

Mi hle iram akulo, mi muzuk huluf, mi dum ala: Efata, nala, Ang mal leyo.

Marik 9:25

Wani ata yima Jesus mi wablau suma a nga ringî gevezina, mi ngop muzuk ma tcho ma d’elem bei de zlad’a bei hum zlad’ina ala: An hang vuna, ang nde woi kur gorâ, ang hulong kurum mbuo d’a.

Wana ni Zla d’a Djivi d’a Luc mi b’irita 4:27

Suma libina ablaud’a a nga yam andaga d’a Israel-la kur atchogoid’a hi ma djok vun Alona Elise-d’a, wani mi yak nga libina hi sa woi tu adigazi d’i, ni hi Näman ma Siri-na hol.

Wana ni Zla d’a Djivi d’a Luc mi b’irita 5:13

Jesus mi mat abom mi domu, mi dum ala: An mina, ar libi mangâ mi yak keyo. Ata yi máma na wat, libi mama mi yak kei mi.

Wana ni Zla d’a Djivi d’a Luc mi b’irita 7:14

Mi hut go, mi do zlat ma sama matna mi nga kuana. Suma a hle matnina a tchola. Mi dala: Azongâ, an nga ni dangû, ang tchol akulo.

Jean 11:43

Kid’a mi de zla ndata dad’a, mi de ki delem akulo ala: Lazar, ang nde woyo.

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 5:21

D’igi Abun nga mi tchol suma matna akulo nga mi hazi arid’a na, an Goroma nga ni harid’a mi suma an minizina hina mi.