Matiye 7:13 - Bible azumeina

¹³ Jesus mi had’azi kua ala: Agi kalagi ata vun agrek ma mbed’etna, kayam vun agre’â azi ki lovot ta i ata yima bad’id’a ti ni bubud’a, suma a kal i kuana a nablaud’a mi.

Matiye 7:13 Iomraidhean Croise

Ad’u Tinda 6:12

mi wazi a mbut vama b’laka, kayam azi pet a we nga lovot ta a tit kua yam andagad’id’a d’i.

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Zla d’a d’ogolâ 16:25

Ata yima dingâ sana nga mi djib’er ala tit mamba ni djivid’a. Wani dabid’a ti imî kur matna.

Zla d’a d’ogolâ 7:27

Aziyat ni lovot ta i ata yima azuleinid’a, ni lovot ta i avo hi matnid’a mi.

Zla d’a d’ogolâ 9:6

Agi noyôgi bei wad’ud’a woyo. Hina wani, agi mba kagagi karid’a. Ar agi tid’igi kur lovot ta wad’ud’a.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Matiye 3:2

Mi dala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Matiye 3:8

Agi lagi ni sun nda memeta á tak kei ala agi mbud’ugi wa hurugiya d’a.

Matiye 7:14

Kayam lovot ta i kur arid’id’a tad’enga heî, vun agre’â mi ni mbed’et mi, suma fatna a nakid’eid’a mi.

Wana ni Zla d’a Djivi d’a Luc mi b’irita 14:33

Ni na mi, nge nge pî adigagi le mi ar ahligiyem mbei pet tuo ni, mi ndak á kak man ma hata d’uo mi.

Wana ni Zla d’a Djivi d’a Luc mi b’irita 9:33

Kid’a suma mbà ndazina a nga aramba, Pierre mi de mi Jesus ala: Ma hat suma, djivid’a ei kagei ka hî. Ar ami vami zlub’ud’a hindi, tu kangû, tu yam Moise, tu yam Elie mi, kayam mi we nga vama mi duma d’i.

Jean 10:9

An ni vun kangâna. Le sama kal ata vun máma ni, mba mi fe suta, mba mi kal kuru, mba mi ndabua, mba mi fe yima te hatna.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Romê-na 9:22

Alona mi min á tak ayî mama, á simat ad’eng mamba woi mi. Kayam ndata, le mi ve tam tatâ yam suma a ndak yam ayî mama suma mi minizi á b’lak keina ni, vama ndolong ang kua ni me ge?

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Galat-na 5:24

Wani suma hi Jesus Christ-sâ a b’al wa sa mazi ma adjeuna ki d’od’ok mamba ki min mamba akulo ata aguna.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

1 Jean 5:19

Ei wei ala ei ni suma Alona mi vud’ina, duniyad’a pet nga nabo Ma tchona mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.

Vama ndum mbeina 20:3

Malaikana mi gum kur zul la yiyika, mi dugum vunam ki lakled’a, mi kat geuna, kayam dragon máma dok mi vit andjaf suma woi d’uo d’a gak biza d’a dubud’a ndak tua. Bugola, a mba bud’um akulo á kak ndjö.