Matiye 6:4 - Bible azumeina

⁴ Ar he d’a hawa manga ka’î ngeid’a. Abung ma nga mi wahle suma ang nga hazi gumuna, mba mi wuragangû.

Matiye 6:4 Iomraidhean Croise

Sawal la giled’a 139:12

Nduvunda pî ti nga nduvunda irang ngi, andjeged’a nga d’i b’o ni d’igi faleid’a na, nduvunda ti ni d’igi b’od’a na irangû.

Sawal la giled’a 17:3

Ang fegen wa hurunu, ang golon andjege, ang kugun wa, ang fe nga va atan ndi. Zla man nda ded’a ni tu ki djib’er manda.

Sawal la giled’a 44:21

Le ami marami ang Alo mamina woyo, le ami mbud’umi irami ata alo ma dingâ ni,

Zla d’a d’ogolâ 25:22

Hina wani, ni d’igi ang togomî aku gordjona kam na, Ma didina mba mi wuragang mi.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Jeremi 23:24

Ma didina mi de kua ala: Na ni sama mi ndak á ngei tam ata yima bei an wuma nga zu? An ni oî nga hur akulod’a, an ni oî nga yam andagad’a mi d’uo zu?

Matiye 10:42

Sama lara pî ma he mbiyo ma b’lengâ kur kopma mi ma gor ma aduk man suma hatina kayambala mam ni man ma hata d’a ni, gagazi, an nga ni dagiya, Alona mba mi wuragamu.

Matiye 6:18

kayam suma a wala ang d’el nga tang bei te tenä na d’i. Wani ang ta’î mAbung ma nga ngeid’ina hol. Abung ma wahle suma a nga ngeid’ina, mba mi wuragangû.

Matiye 6:3

Wani ang le nga he he d’a hawa manga mi suma houd’a ni, ar ndrang mi wat ti.

Matiye 6:6

Wani ata yima ang min á tchen Alonina, ang kal klavi hatangû, ang duk vun gong manga, ang tchen Abung ma nga ata yima ngeid’ina. Abung ma we ata yima ngeid’ina mba mi wuragangû.

Wana ni Zla d’a Djivi d’a Luc mi b’irita 14:14

Ang mba le furîd’a, kayam azi nga ki vama a hangzi balum mbi. Alona mba mi wuragang kur bur ma a mba tchol suma d’ingêrâ akulona.

Wana ni Zla d’a Djivi d’a Luc mi b’irita 8:17

Kayam vama nga ngeid’a ma a mba ndum mbei pid’ak kuo na nga d’i, vama gumun ma a mba ndum mbei pid’ak kuo na nga d’uo mi.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Jude 1:24

Mam ma ndak á ngomogi tala agi pugugi kä d’uo na, mba mi buzugugi woi avorom kur subur mamba bei zla d’a kagi ba ki furîd’a.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.