Matiye 5:6 - Bible azumeina

⁶ Suma a nga djib’er á le minda hAlonid’a memetna a le furîd’a, kayam Alona mba mi hoboziya.

Matiye 5:6 Iomraidhean Croise

Sawal la giled’a 107:9

Mi he mbiyo ma tched’a mi sama vunam sona, sama meid’a tchuma mi hobom hayam mi.

Sawal la giled’a 145:19

Mi nga ndak vun minda hi suma a nga lum mandarama, nga mi hum tchi mazina, nga mi sud’uzi mi.

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

Sawal la giled’a 63:5

Ata yima an nga kaka ki iran yam andagad’a tua na, an mba ni suburungû, an mba ni yo abon akulo ki simiyêngû.

Sawal la giled’a 65:4

Tcho mamid’a kal kami ngola, wani ang vat hurung ngei kad’u.

Sawal la giled’a 84:2

Ma didin ma ad’engêng kal petna, gong manga djivi mata kal tegles.

Zla d’a d’ogolâ 10:24

Vama sama asa’atna nga mi lum mandarama, ni mam ba, mba mi mba kamu, wani vama suma d’ingêrâ a nga minima, Alona mba mi haziziya.

Zla d’a d’ogolâ 21:21

Sama nga mi tit yam d’ingêra ki djivid’ina mba mi fe arid’a ki d’ingêra ki subura mi.

Sawal la kal teglesa 5:1

Mi dala: Aman nda hurun vak heîd’a, Gola! An nga ni kal kur asine mana, an nga ni gul mir mana, ki mbul man ma his ma afufuîna, an nga ni te se ayuma ki mbul ayum mana, an nga ni tche süm guguzlu manda kambir manda mi. Buniyôzina a dala: Buniyômina, agi tagiya, agi tchagiya, agi gurud’ugi woi ki od’a d’igi suma a gurut ki süma na.

Isai 25:6

Ma didin ma ad’engêm kal petna mba mi le tena mandjaf suma pet yam ahina d’a Siyon-nda. Ni te ma djivi ma mbulâ zlapa ki süm guguzlu ma djivi ma adjeuna, ni te ma mbul ma oîd’a kandjulorina ki süm guguzlu ma adjeu ma d’igila hirwilingâ.

Isai 41:17

Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 65:13

Kayam ndata, an Salad’a Ma didina nga ni dagiya: Gola! Man suma d’engzengâ a mba te, wani agi meid’a mba d’i tchagiya. Gola! Azungeî man suma d’engzengâ a mba tche, wani agi vunagi mba mi so. Azungeî man suma d’engzengâ a mba le furîd’a, wani agi zulona mba mi lagi mi.

Isai 66:11

Hina wani, agi mba hobogi ki b’leng hur ma ndat ti b’lengêgizina d’igi gogor ma asum mbi hum apona mi tchum ki furîd’a adigatna na.

Jeremi 31:25

Kayam an mba ni had’enga mi suma a seîna, an mba ni hop suma a nga lá matnina mi.

Wana ni Zla d’a Djivi d’a Luc mi b’irita 1:53

Mi hop suma meid’a tchazina kahle suma djivina, mi dik suma ndjondjoîna woi kabozi hawa.

Wana ni Zla d’a Djivi d’a Luc mi b’irita 6:21

Agi suma meid’a nga d’i tchagi ka tchetchema, agi lagi furîd’a kayam Alona mba mi hagi tena ngola. Agi suma nga tchigi ka tchetchema, agi lagi furîd’a kayam agi mba sanagiya.

Wana ni Zla d’a Djivi d’a Luc mi b’irita 6:25

Ni zla d’a hohoud’a kagi agi suma hobogi ki tchetchembina, kayam meid’a mba d’i tchagiya. Ni zla d’a hohoud’a kagi agi suma nga sanagi ki tchetchembina, kayam agi mba yorogi tagi ki tchina.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Jean 7:37

Kur bur ma dabid’a hi vun tilîna, ni bur ma ngolâ, Jesus mi tchol akulo avok ablau suma, mi de ki delem akulo ala: Le sa vunam mi so ni, mi mbeï gevenu, mi tche.

Vama ndum mbeina 7:16

Meid’a d’oze vun ma sod’a mba mi lazi d’i, afata d’oze zumal la huwaka mba d’i lazi d’uo mi.