Matiye 5:5 - Bible azumeina

⁵ Suma lulumana a le furîd’a, kayam a mba tandagad’a djona.

Matiye 5:5 Iomraidhean Croise

Sawal la giled’a 147:6

Ma didina nga mi ndjun suma lulumana, nga mi hulong yam suma asa’atna kä gak andaga mi.

Sawal la giled’a 149:4

kayam Ma didina tam nga d’i lum djivid’a yam sum mama, nga mi sut suma lulumana á suburuziya.

Sawal la giled’a 22:26

Ma didina, ni kayam ang ba, an mba ni gileng aduk tok ka ngola hi sumid’a; an mba ni ndak vun vun ma hle ma an hlangzi avok suma a lang mandarangâ.

Sawal la giled’a 25:13

Sa mama mba mi kak kur djivid’a, andjavam mba mi te yam andagad’a mi.

Sawal la giled’a 25:9

Nga mi tin suma lulumana kur lovot ta d’ingêra, nga mi hat suma lulumana lovot mamba.

Sawal la giled’a 37:11

Wani suma lulumana a mba tandagad’a djona, azi mba le furî d’a ngola kur b’leng nga halas sa kal teglesa.

Sawal la giled’a 37:22

Suma Ma didina mi b’e vunam kazina a mba tandagad’a djona, wani suma mi gazi vunina a mba tchazi woi mi.

Sawal la giled’a 37:29

Suma d’ingêrâ a mba tandagad’a djona, azi mba kak kat gak didin.

Sawal la giled’a 37:34

Ang tin hurung yam Ma didina, ang tit kur lovot mamba; mam mba mi hlang yang akulo, ang mba tandagad’a djona. Fata mi tchi suma asa’atna woid’a, ang mba wazi ki irangû.

Sawal la giled’a 37:9

Kayam suma asa’atna, a mba tchazi woyo, wani suma a nga djup Ma didinina a mba tandagad’a djona.

Sawal la giled’a 69:32

Ma didina, wana ni vama lang tang djivid’a kal amuhlâ, kal amuhl ma digili ma ad’eng ma an hangzina.

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Isai 29:19

Suma lulumana a mba le furîd’a ngola yam Ma didina, suma hou suma aduk sumina a mba le hur ma hapma yam Ma tin tam irat vat yam Israel-lîna mi.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Sofoni 2:3

Agi suma luluma suma yam andagad’ina pet, agi halagi Ma didina, agi tid’igi yam vun mam ma hed’a, agi halagi d’ingêra, agi gagi yagi kä luluma avok Alona mi. Dam mba mi kengêgi woi kur bur mam ma ayîna kla.

Ndumba 12:3

Wani Moise ni sama luluma ma kal suma yam andagad’ina petna.

Matiye 11:29

Ar agi hlagi djuk mana, agi had’agi atanu, kayam an ni sama lulumana ma hurun ab’lengîna mi, agi mba fagi tuk tad’a mi.

Matiye 21:5

Agi dagi mi suma kur azì ma Siyon-na ala: Gola! Amul magina nga mi djïya. Ni ma lulumana, mi nga nga yam korod’a, ki koro ma gorâ, nala, korod’a gorotna d’a.

Romê-na 4:13

Vun ma hle ma Alona mi hle vunam mi Abraham kandjavam ala andaga d’a wanda mba d’i arî d’igi djo mazina na d’a, ni yam mba Abraham mi ge yam kä ad’u gata hi Moise-sa d’i, wani ni yam he gagazi mamba.

Galat-na 5:23

lulumad’a ki d’el tad’a. Gat ta kak djangûna kahle ndazinid’a nga d’i.

Efes-sâ 4:2

ki lulumad’a ki kukud’uka zlapa ki ve tad’a burâ ki burâ. Agi vagi tagi ad’enga á le od’a yam tagiya.

Kolos-sâ 3:12

Kayam ndata, agi suma Alona mi managi suma yed’et suma hurum vagi heîna, agi tchugugi we hohoud’a ki od’a ki djivi d’a led’a ki ge yam mba kad’a ki lulumad’a ki ve tad’a atagiya.

1 Timote 6:11

Wani ang sana hAlonina, ang wal lei kahle ndazina. Ang hal d’ingêra, ang le mandar Alona ki he gagazid’a ki od’a ki ve tad’a ki lulumad’a mi.

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

Wana ni mbaktum mba Paul mi b’irit mi Tit-ta 3:2

Ar azi de zla d’a tchod’a yam sa d’i, a hal huneîd’a d’i, wani a le ni djivid’a, a ka’î luluma ki suma pet mi.

Jacques 1:21

Kayam ndata, agi aragi ahle suma ndjendjed’a ki sun nda tchod’a pet teyo. Agi vagi zla d’a Alona d’a a zaragizi kurugid’a ki lulumad’a, ni d’a ndak á sud’ugid’a.

Jacques 3:13

Sama ne ma wad’u ma adigagina ni nge ge? Ar mi tak sun mam mba djivid’a woi ki tit mamba ki ge yam mba kä d’a woi ki ned’a.

1 Pierre 3:15

wani agi hugi Christ ngola kurugi ala mam mi Salagina. Agi minigi tagi teteu á hulongôgi zla d’a ded’a mi suma a nga djobogi yam vama agi tinigi hurugi kama,

1 Pierre 3:4

Wani djif magina ni kurugi krovo, ni djif ma bei b’laka, nala, lulumad’a ki tchugota; ni vama guzum kal tegles avok Alonina.