Matiye 5:42 - Bible azumeina

⁴² Le sana mi tcheneng va ni, ang humu. Ang mbut azigang mi sama hal nde va abongâ d’i.

Matiye 5:42 Iomraidhean Croise

Sawal la giled’a 37:21

Sama asa’atna mi nde balâ abo sana, nga mi wuragam mbi; wani sama d’ingêrâ mi we hohou sana, mi hum hawa.

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

Zla d’a d’ogolâ 21:26

Sama azulomba nga mi le d’od’oka burâ ki burâ yam ahlena hi sumina, wani sama d’ingêrâ nga mi he bei gigrita ba.

Ma tchi wala 11:6

Kayam ang we nga vama ang mba fuma d’i; le ni ma wana, d’oze ma hina, d’oze azi djak a mba le djivid’a, ang we nga d’i.

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Matiye 5:41

Le sana nga mi lang kad’enga á i ki sed’em kilometred’a tu ni, ang djagamzi sä mbà.

Wana ni Zla d’a Djivi d’a Luc mi b’irita 11:41

Ar agi hagi he d’a hawad’a ahlena ni ki hurugi pet mi suma hohoud’a. Hina wani, ahlena pet a mba mbut yed’et kagiya.

Romê-na 12:20

Wani d’igi mbaktumba hAlonid’a ti de na ala: Le mang ma djangûna meid’a nga d’i tchumu ni, ang hum tena mi te; le vunam mi so ni, ang hum mbina mi tche mi. Hina wani, ni d’igi ang togomî gordjona kam na.

Hebre-na 13:16

Agi maragi á le djivid’a mi suma á ndjunugi tagi d’uo mi, kayam vama ngat buzu ma hina na ni vama lAlona tam djivid’ina.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.