Matiye 5:29 - Bible azumeina

²⁹ Le irang nga ndjufa nga d’i ing kur tchod’a ni, ang pad’at gat tei dei. Djivid’a kang tala ir hliwing ma tuna mi b’lak keyo, kal la a gang aduk Jahanama ki tang ped’u.

Matiye 5:29 Iomraidhean Croise

Wana ni mbaktumba hi Job-pa 20:13

le nga mi ngomod’u, mi arat nga woi d’i, le mi vat nga akulo d’id’igamu ni,

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Matiye 11:6

Sama le nga hur ma mbàmbàna kan nduo na, mi le furîd’a.

Matiye 16:26

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge? D’oze, vama sana mba mi hum á vrak blangâm mam tambina ni me ge?

Matiye 17:27

Wani ar ei hazi djib’era d’i. Ang i kur apod’a, ang ge tunglîd’a kä aduk mbina. Kuluf ma vavo’â, ang tanam akulo, ang ngom vunam mbeyo, ang mba fe gurzud’a kua. Ang yod’u, ang wurak kanu, ang wurak kang mi.

Matiye 19:12

Kayam suma dingâ a nga, a ni adimbang ei kur asuyozi dei; suma dingâ a nga, a ni suma suma a ngad’azina; suma dingâ a nga, a ni suma mbut tazi adimbang yam leu d’a akulod’ina. Sama ndak á ve zla ndatina, ar mi vad’u.

Matiye 23:15

Ni zla d’a hohoud’a kagi agi suma hat gata ki Fariziyê suma lop ira, kayam agi nga tid’igi yam andagad’a teteng, agi djagagi alum ma ngolâ teteng á fagi sama agi mbud’um ma Juif-fîna. Le agi mbud’um wa ma Juif-fâ da ni, bugola, agi mbud’um sana hi Jahanama-na yam mbà kal agiya.

Matiye 23:33

Agi guguyona, agi mageid’a grotna! Ni nana ba, agi mba ringîgi woi abo sariya d’a ka d’a ti tchugugi aduk aku d’a Jahanama-d’a ge?

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Matiye 5:30

Labong ma ndjufâ nga mi ing kur tchod’a ni, ang kam gum mbei dei. Djivid’a kang tala ir hliwing ma tuna b’lak keyo, kala a ing aduk Jahanama ki tang ped’u.

Marik 8:36

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge?

Wana ni Zla d’a Djivi d’a Luc mi b’irita 12:5

Wani an nga ni dagi yam sama agi lum mandarama. Ar agi lagi ni mandara Alo ma le mi tchagiya wa ni, mi nga kad’enga á tchugugi aduk aku d’a Jahanama-d’ina. Gagazi, an nga ni dagiya, agi lagi ni mandara mamu.

Romê-na 6:6

Kayam ei wei ala sa mei ma adjeuna a b’alam wa akulo ata aguna zlapa ki Christ á b’lak ad’enga hi hliwi ma tchona woyo. Hina, ei lei magomba mi tchod’a d’uo d’a.

Romê-na 8:13

Le agi tid’igi ni bugol sa magi ma adjeuna ni, agi mba bogiya. Wani le agi tchagi sunda hi sa magi ma adjeunid’a woi yam ad’enga hi Muzu’â hAloninid’a ni, agi mba kagagi karid’a.

1 Korente-na 9:27

Wani an nga ni d’el tanu, nga ni le tan magomba kayambala bugol an tchi wala mi suma hiunid’a, an tanda ni mbut ni vama ara woina d’i.

Galat-na 5:24

Wani suma hi Jesus Christ-sâ a b’al wa sa mazi ma adjeuna ki d’od’ok mamba ki min mamba akulo ata aguna.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.